Esai 57:5 - Maktub gə́ To gə Kəmee

⁵ Seḭ arje ndil sí ɔs pər jəgəgə Mbɔr kag-terebḭtəje’g Gə gel kagje lai gə́ to təb’g ləm, Seḭ tḭjaje gwɔs ŋganje kəm wəl-looje’g Gel mbalje gə́ ta̰’g ləm tɔ.

Esai 57:5 ပူးပေါင်းရင်းမြစ်များ

1 Mbaije 14:23

Deḛ ya kara d’unda dɔ looje gə́ ndəw d’ar néndajije gə magəje mee dɔdərlooje’g lai gə́ d’ḭ tar ləm, gə gel kagje lai gə́ to təb’g ləm tɔ.

2 Mbaije 17:10

Deḛ d’unda néndajije gə magəje dɔdərlooje’g lai gə́ ndəw ləm, gə gel kagje’g lai gə́ təb ləm tɔ mbata lə dee.

2 Mbaije 17:7

Néje neelé teḛ dɔ Israɛlje’g mbata deḛ ra kaiya d’ɔs ne Njesigənea̰, Ala lə dee gə́ ar dee d’unda loo mee ɓee gə́ Ejiptə teḛ lé rəw ləm, gə mbata deḛ pole magəje ləm tɔ.

2 Mbaije 23:10

Mbai ar Topet gə́ to mee wəl-loo’g lə ŋgalə Hinɔm lé tel to loo gə́ mina̰ gə mba kar dəw roo ŋgonee gə́ diŋgam əsé yeḛ gə́ dené keneŋ mba kula ne rɔnduba dɔ magə gə́ ria lə Molok’g lé el ŋga.

2 Sôrta Gḭka Israɛlje 28:3

yeḛ tuu néje gə́ ə̰də sululu mee wəl-loo’g lə Hinɔmje ləma, yeḛ roo ŋganeeje ndaji ne néraje lə ginkoji dəwje gə raŋg gə́ mina̰ gə́ Njesigənea̰ tuba dee no̰ Israɛlje’g lé ləm tɔ.

Teḛ-Raga 32:6

Bèlè loo-karee lé, deḛ d’ḭta gə ndɔ rad ndá deḛ d’inja nékinjaməs gə́ ka̰ roo ləm, gə njé gə́ wɔji dɔ kɔm na̰’d ləm tɔ. Koso-dəwje lé d’isi naŋg gə mba sɔ gə kai ɓa gə mba kuba loo kḭ ndam ɓəi.

Esai 1:29

Rɔ sí a kul Mbata kagje gə́ seḭ pole deeje ləm, Kəm sɔḭ a dəb dɔ sí’g Mbata loo-pole-néje lə sí Gə́ seḭ ɔrje kəmee lé ləm tɔ.

Jeremi 17:2

To gə́ d’ə̰ji dɔ ŋgan deeje’g bèe lé deḛ d’ə̰ji dɔ loo-nékinjanéməsje’g le dee togə́bè ləm, Gə dɔ magə-Astartéje’g le dee gə́ to mbɔr kagje gə́ təb’g gə dɔ dɔdərlooje gə́ ndəw’g ləm tɔ.

Jeremi 2:20

Un kudee ləw ba lé Seḭ tədje néməməna̰ gwɔb sí’g ləm, Seḭ tije kulaje rɔ sí’g ləm tɔ Ndá seḭ pajena: Seḭ ndigije ra kula ɓər el ŋga! Nɛ dɔdərlooje lai gə́ d’ḭ tar lé ləm, Gə gel kagje lai gə́ təb ləm tɔ lé Seḭ rogoje keneŋ Asəna gə néra kaiya-dené bèe.

Jeremi 3:13

Maji kar sí tegje gin néra gə́ kori-korije lə sí ləm, Maji kar sí tegje gin majikoji el lə sí No̰ Njesigənea̰, Ala’g lə sí ləm, Gə kaw gə́ seḭ awje yo gə́ nee no̰ magəje gə́ dɔ ɓee’g gel kagje lai gə́ to təb ləma, Gə mbad gə́ seḭ mbad kooje Ne ta ləm saar lé ləm tɔ. Njesigənea̰ ɓa pa bèe.

Jeremi 3:6

Njesigənea̰ ulam ta mee ndəa gə́ Jojias to ne mbai lé pana: See i oo né gə́ Israɛlje gə́ to majikojije el lé ra wa. Deḛ d’aw dɔ mbalje gə́ ndəw’g ləm, gə gel kagje lai gə́ to təb ləm tɔ ndá lée neelé deḛ ra né asəna gə néra kaiya-dené bèe keneŋ.

Jeremi 32:35

Deḛ d’uba dɔ looje gə́ ndəw d’ar magə-Baal mee wəl-loo gə́ Ben-Hinom gə mba roo ŋgan deeje gə́ diŋgam gə njé gə́ dené keneŋ kar magə-Molok. Yee ɓa to né gə́ ma m’un ndum dɔ’g m’ar dee nda̰ el. Kar dee ra néje gə́ to kḛji togə́bè mba kar Judaje ra ne kaiya lé takə̰jee ree dɔm’g nda̰ el.

Jeremi 50:38

Maji kar loo gə́ tudu kurum-kurum Teḛ dɔ manje’g ləa! Kar manje ləa d’yi tə-tə! Mbata to ɓee magə-poleje, Deḛ ra némbə mbata magəje gə́ wa meḛ dee.

Jeremi 51:7

Kédé lé Babilɔn To gə́ bai-larlɔr ji Njesigənea̰’g, Né gə́ mee bai’g neelé Ra dəwje lai dɔ naŋg nee, Ginkoji dəwje gə raŋg D’ai mán-nduú gə́ mḭ gə́ to mée’g lé. Gelee gə́ nee ɓa Ginkoji dəwje gə raŋg tel to ne mbəje.

Jeremi 7:31

Deḛ ra loo-nékinjaməs mee loo gə́ Topet, mee wəl-loo gə́ Ben-Hinom, gə mba roo ŋgan deeje gə́ diŋgam gə njé gə́ dené keneŋ! To né gə́ ma m’un ndum dɔ’g el ləm, takə̰ji gə́ togə́bè kara ree dɔm’g el ləm tɔ.

Ejekel 16:20

Ŋganije gə́ diŋgam gə njé gə́ dené gə́ i oji dee am lé i tḭja dee gə́ məs ar magəje gə mba kar dee to nésɔje lə dee. See kya̰ rɔi yag dan kaiya’g neelé asi el wa.

Ejekel 20:26

Neḛ n’ar dee mina̰ gə nékarje lə dee loo gə́ deḛ roo ŋgandər deeje lai. Neḛ ndigi kar bo̰ néra dee ɔs ta dee’g togə́bè ləm, neḛ ndigi kar dee gər to gə́ neḛ n’to Njesigənea̰ ləm tɔ.

Ejekel 20:28

Neḛ n’ɔr no̰ dee n’aw sə dee mee ɓee gə́ neḛ manrɔ neḛ gə mba kar dee ndá d’ila kəm dee dɔ dɔdərlooje’g lai gə́ tar ləm, gə dɔ kagje’g lai gə́ to bigim ləm tɔ, ndá lée neelé deḛ d’inja nékinjanéməsje lə dee ləm, d’ar nékarje lə dee gə́ ar mee neḛ ḭ ne sə neḛ jugugu ləm, deḛ tuu né gə́ baḭyee ə̰də sululu ləma, deḛ saga nékar lə dee gə́ to nékai lé naŋg ləm tɔ.

Ejekel 20:31

Loo gə́ seḭ unje nékarje lə sí ləm, seḭ rooje ŋgan síje ləm tɔ lé ndá seḭ arje rɔ sí mina̰ gə magə-poleje lə sí lai ɓogənè ya ɓəi. Ŋga neḛ lé see n’a kya̰ loo kar gel-bɔje lə Israɛl dəji neḛ ta wa. Neḛ n’to njesikəmba! Mbaidɔmbaije gə́ Njesigənea̰ ɓa pa njaŋg pana: N’a kya̰ loo kar sí dəjije neḛ ta nda̰ el.

Ejekel 6:13

Bèe ɓa seḭ a gərje ne to gə́ neḛ n’to Njesigənea̰ loo gə́ nin dee a to rib-rib mbuna magəje’g lə dee gir loo-nékinjanéməsje’g lə dee ləm, gə dɔ dɔdərlooje’d gə́ ndəw lai ləm, gə dɔ sèm mbalje’g lai ləm, gə gel kagje gə́ təb lai ləma, gə gel kag-sɛnəje’g lai gə́ siŋ siŋ-siŋ ləm tɔ. Lée neelé d’aw roo néje gə́ ə̰də sululu gə́ baḭyee ə̰də lel keneŋ, d’ar magəje lə deḛ lai lé.

Ləbije 18:21

Seḭ a kunje ŋgon sí kára kara kilaje dan pər’g kar magə-Molok el mbata yee ɓa seḭ a kilaje ne ndɔl dɔ ri Ala’g lə sí ya.

Bula lə Israɛlje 25:6

Aa oo, diŋgam kára mbuna Israɛlje’g ree gə dené gə́ Madian aw səa rɔ ŋgakea̰je’g kəm Moyis’g ləm, kəm koso-dəwje’g lə Israɛlje lai ləm tɔ, loo gə́ deḛ d’isi no̰ gə mán-no̰ kəm dee’g tarəw kəi-kubu-kiŋga-na̰’g lé.

Tel tura Godndu 12:2

Seḭ a tujije looje lai gə́ ginkoji dəwje gə raŋg gə́ seḭ a gə tuba deeje lé ra né keneŋ d’ar magəje lə dee dɔ sém mbalje’g ləm, gə dɔdərlooje’g ləma, gə gel kagje gə́ rara gə́ təb gə́ to rigim ləm tɔ.

Loo gə́ killa rea kəm Ja̰’g 18:3

Mbata ginkoji dəwje gə raŋg lai d’ai oŋg-boo, yee ɓa gə́ mɔdkaiya ləa gə́ mbaije gə́ dɔ naŋg nee ra səa lé tɔ. Njételkəmlarje kara nébaoje lə dee ur dɔ maree’g gə́ kédé-kédé gə goo nébao lə kaiya-dené gə́ turu dɔ loo lé.