Esai 57:2 - Maktub gə́ To gə Kəmee

² Deḛ gə́ d’un goo rəw gə́ danasur lé D’a kur dan meekulɔm’g ləm, D’a kwa rɔ dee loo-to dee’g ləm tɔ.

Esai 57:2 ပူးပေါင်းရင်းမြစ်များ

Gḭ-Néje 17:1

Loo gə́ ləb Abram aḭ rɔ-jinaikara-giree-jinaikara (99) ndá Njesigənea̰ teḛ kəm Abram’g ulá pana: Ma m’to Ala gə́ Bao-siŋgamoŋ. Maji kari njaa gə gelgodo ləi nɔm’g.

2 Sôrta Gḭka Israɛlje 16:14

Deḛ dubee mee dɔɓar gə́ yeḛ nja uru kédé mee ɓee-boo’g lə Dabid. D’ilá dɔ tira gə́ podé néje ɓəd-ɓəd gə́ ə̰də sululu keneŋ gə goo gosɔkəmkàr lə njepodé néje gə́ ə̰də sululu lé, tɔɓəi deḛ tuu boo-néje neelé d’ula ne rɔnduba dəa’g tɔ.

Maktub gə́ wɔji dɔ Jɔb 3:17

Lée neelé njémeeyèrje ra né keneŋ el ŋga, Lée neelé deḛ gə́ dao gə́ siŋga dee godo lé d’wa rɔ dee keneŋ tɔ,

Pakɔsje 37:37

Maji kari orè kəmi sḭ dɔ yeḛ gə́ to njera né gə́ gə goo rəbee ləm, Aa loo oo yeḛ gə́ to njera né gə́ danasur ləm tɔ, Mbata dəw gə́ njemeelom lé ŋgakeaje d’a si gən ya.

Njekillamber 12:7

Kédé ɓa kar nduji naŋg tel aw naŋg gogo to gə́ ḭ ne naŋg kédé ləm, kar ndil dəw tel aw rɔ Ala’d gə́ njekaree lé ləm tɔ.

Esai 14:18

Mbaije lə ginkoji dəwje gə raŋg lai lé deḛ lai ya Dubu dee dan rɔnduba’g lə dee Ar nana kara d’ilá mee bwa-dubee’g tɔ.

Esai 26:7

Rəw-kaw njemeekarabasur lé to danasur, I gə́ to njemeekarabasur lé I gɔl kila rəw lə njemeekarabasur aree asəna rai-rai.

Jeremi 6:16

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Ejekel 32:25

D’ar loo-tée-yeḛ gə njé’g ləa gə́ bula digi-digi lé to mbuna njé gə́ d’wəi’g ləm, dɔɓar dee gugu dəa sub ləm tɔ, to deḛ lai gə́ to njépole-magəje gə́ d’wəi yoo-kiambas, mbata deḛ to njékɔm ɓəl-boo mee ɓee’g lə njé gə́ d’isi kəmba’g ndá d’aw gə rɔkul-boo lə dee rɔ deḛ gə́ dubu dee bwa-dɔɓar’g, d’ar dee to mbuna njé gə́ d’wəi’g.

Loo gə́ killa rea kəm Daniel’g 12:13

Nɛ i ɓa yḛ̀, maji kari aw kəmi gə́ kédé saar teḛ ne mee rudu ndɔ’g ləi. I a kwa rɔi ləm, a kaar tar mba taa nédɔji ləi mee rudu ndɔje’g lé ləm tɔ.

Matiyo 25:21

Mbai ləa tel ulá pana: Maji ya, i to kura gə́ gəd gə́ majikoji ya. Né gə́ lam ba ya gə́ to jii’g nɛ i ila ne koji dɔm’g ndá ɓasinè m’a kɔm né yaa̰ jii’g ŋga. Ɔd ree uru dan rɔlel’g lə ɓéije ya.

Lugu 1:6

Deḛ neelé to njémeekarabasurje no̰ Ala’g lé ya ndá d’un godndu Mbaidɔmbaije gə ndukunje ləa gə́ wɔji-kwɔji kar dee ra lé lad-lad tɔ.

Lugu 16:22

Njendoo lé wəi ndá kuraje lə Ala gə́ dara ree d’unee d’aw d’unda mbɔr Abrakam’g. Bao lé kara wəi tɔ ndá deḛ dubee tɔ.

Lugu 2:29

Ɓasinè lé Mbaidɔmbaije, ya̰ kura ləi Aree aw gə mée gə́ kulɔm ŋga, gə goo tapai gə́ i pa lé ŋga.

Lugu 7:50

Nɛ Jeju ula dené lé pana: Meekun ləi taa né ari aji ne mba̰, ɔd aw loo ləi gə meekulɔm ŋga.

2 Njé gə́ Kɔrḭtə 5:1

Tɔgərɔ ya, jeḛ n’gər gao, ɓó lé kəi-surum gə́ j’isi keneŋ dɔ naŋg nee a kunda naŋg ndá kəi-si sí gə́ kiŋ kiŋ-kiŋ to dara, to kəi gə́ a to gə no̰ gə́ Ala ɓa gə́ njerea, ɓó ji dəw ɓa ra el.

2 Njé gə́ Kɔrḭtə 5:8

Jeḛ lé j’wa diŋgam meḛ sí’g kɔgərɔ ləm, kuba rɔ sí kya̰ mba kaw kisi gə Mbaidɔmbaije lé to né gə́ wa meḛ sí yaa̰ ləm tɔ.

Njé gə́ Pilibə 1:23

Néje joo ɔs kaarm: mal kuba loo kḭ kaw si gə Kristi lé ram yaa̰ ləm, yee ɓa, maji dum ya ləm tɔ.

Loo gə́ killa rea kəm Ja̰’g 14:13

Ma m’oo ndu dəw ɓar dara pana: Maji kam m’ndaŋg ta nee mee maktub’g pana: Un kudee ɓasinè lé deḛ gə́ d’wəi gel Mbaidɔmbaije’g ndá rɔ dee a lel dee ya. Ndil lé pa bèe to pana: Oiyo, mba kar dee d’wa rɔ dee ta kula’g lə dee mbata kula ra dee gə́ maji lé orè goo dee ndəŋ.