Esai 57:19 - Maktub gə́ To gə Kəmee

¹⁹ M’a kar ta pidi oji na̰ ta dee’g. Meelɔm, meelɔm mbata deḛ gə́ d’isi əw Gə deḛ gə́ d’isi dəb! Njesigənea̰ ɓa pa bèe pana: M’a kaji dee ya.

Esai 57:19 ပူးပေါင်းရင်းမြစ်များ

Esai 26:12

Njesigənea̰, i ar sí j’isi lɔm, Mbata néje lai gə́ jeḛ n’ra lé I ɓa aree aw lée’g béréré ar sí.

Esai 26:3

Yeḛ gə́ aar njaŋg dɔ néje gə́ yeḛ wɔji ɔm ne mée dɔ’g lé I aree meekulɔm gə́ ɔr njal Mbata yeḛ ɔm mée jəb-jəb dɔi’g ya.

Esai 32:17

Néra gə́ gə dɔ najee lé a koji meelɔm Tɔɓəi kandə néra gə́ gə dɔ najee lé a to loo-kwa-rɔ gə loo-si gə́ majee ləm tɔ saar gə no̰.

Esai 50:4

Mbaidɔmbaije gə́ Njesigənea̰ ulam ta Gə́ kəm karm m’pa Gə mba kam m’gər loo pata M’gəd ne yeḛ gə́ unda ndolè. Teḛ gə ndɔ gə ndɔje kára-kára lai lé Yeḛ ndelm, Yeḛ ar mbim to tag gə mba koo ne ta Gə mba kam m’oo ta To gə́ njékwakiláje d’oo bèe.

Esai 51:16

Ma m’ɔm taje ləm ta sí’g ləm, Ma m’ɔn dɔ sí gə jim ləm tɔ Gə mba naji ne dara gə́ sigi ləm, Gə mba tum ne gel naŋg gə́ sigi ləma, Gə mba kula njé gə́ Sio̰ pana: Seḭ toje gə́ koso-dəwje ləm ya ləm tɔ!

Esai 59:21

Njesigənea̰ pana: Aa ooje, manrɔ gə́ ma man ne rɔm m’ar dee ɓa nee: Ndiləm gə́ ɔm dɔ sí’g lé ləm, gə taje ləm gə́ m’ɔm ta sí’g ləm tɔ lé d’a lal ta sí el ləm, d’a lal ta ŋgan síje el ləma, d’a lal ta ŋgan meḛ ŋgan síje el ləm tɔ, un kudee ɓasinè saar gə no̰. Njesigənea̰ ɓa pa bèe.

Esai 6:7

ndá yeḛ ɔs ne tam tèm pana: Né neelé n’ɔs ne tam Ndá n’ɔr ne némajel ləm ləm, N’ɔr ne kaiya ləm ləm tɔ.

Jeremi 30:17

Nɛ Njesigənea̰ pana: M’a kajii ləm, M’a tɔ ta dooje ləi ləm tɔ. Mbata deḛ lé d’unda rii lə Dəw gə́ d’ɔsee rəw ləm, Gə Sio̰ nee gə́ dəw kára kara Ǝ̰ji dəa’g el ləm tɔ.

Jeremi 33:6

Aa ooje, m’a tel gɔlee gogo ləm, m’a kajee ləma, m’a karee si lɔm gə si dan maji’g bèdèg ləm tɔ.

Ojee 14:2

Ǝi Israɛlje! ɔsje badm telje gə́ rɔ Njesigənea̰ Ala’g lə sí Mbata néra gə́ kori-korije lə sí ɓa Seḭ tugaje ne loo osoje ne.

Ojee 14:5

Njesigənea̰ pa togə́bè pana: M’a gɔl dee dɔ rəmje’g lə dee ləm, M’a kunda dee dan kəm’g Gə meenda kɔr jol-jol ləm tɔ, Mbata oŋg ləm gə́ ḭ səm pu dɔ dee’g lé Wəi bèm mba̰.

Soponi 3:9

Yen ŋga n’a togo ta koso-dəwje karee àr ŋgad-ŋgad Gə mba kar dee-deḛ lai ɓar ne ri Njesigənea̰ ləm, Gə mba kar dee d’ɔm na̰’d téréré D’wa ne neḛ meḛ dee’g ləm tɔ.

Jakari 9:10

N’a tuji pusu-rɔje lə Eprayimje ləm, Gə kundaje gə́ Jerusalem ləm tɔ, Ɓandaŋ-rɔje lé d’a tuji. Yeḛ a kila mber meekulɔm Kar ginkoji dəwje gə raŋg ləm, Yeḛ a ko̰ɓee un kudee dɔ baa-boo-kad’d gə́ kára saar teḛ ne yee gə́ raŋg’d ya Un kudee dɔ mán baa-boo’g saar kɔr rudu naŋg njal ləm tɔ.

Matiyo 10:13

ɓó lé njékəije d’wa sí gə́ rɔ dee’g ndá tɔrje ndu sí dɔ dee’g, nɛ ɓó lé d’wa sí gə́ rɔ dee’g el ndá arje ndutɔr lə sí tel to meḛ sí’g tɔ.

Mark 16:15

Tɔɓəi yeḛ ula dee pana, awje gə loo-loo dɔ naŋg nee ilaje mber tagə́maji lé arje dəw-kundaje lə Ala lé lai.

Lugu 2:14

Ulaje rɔnduba dɔ Ala’g lé, seḭ gə́ síje mee dara’g lé Deḛ gə́ dɔ naŋg nee gə́ taa kəmee rəgm lé d’a sí ne dan meekulɔm’g tɔ.

Lugu 21:15

Mbata ma nja m’a kula ta ta sí’g ləm, m’a kula kəmkàr meḛ sí’g ɓəi ləm tɔ ndá njéba̰je lə sí d’a koo loo kɔs ta sí’g rəw el ləm, d’a dum sí gə tamaḭ el ləm tɔ.

Néra Njékaḭkulaje 10:36

Ta neelé yeḛ unda ne kula ar Israɛlje gə mba kar dee gər gao gin Jeju Kristi lé ɓa d’a kiŋga meekulɔm keneŋ mbata yeḛ to Mbaidɔmbaije lə dəwje lai-lai ya.

Néra Njékaḭkulaje 2:39

Mbata ndukun lé wɔji dɔ sí-seḭ ləm, gə dɔ ŋgan síje ləma, gə dɔ deḛ lai gə́ d’isi ŋgərəŋ, deḛ lai gə́ Ala lə sí a gə ɓar dee gə mbəa lé ləm tɔ.

Njé gə́ Epesə 2:13

Nɛ mbɔl dɔ Jeju Kristi ɓa seḭ gə́ ləw lé seḭ sije ne ŋgərəŋ lé ɓasinè məs Jeju Kristi ɓa rəm sə sí wər gə́ rəa’g.

Njé gə́ Epesə 6:19

Raje tamaji mbata ləm-ma tɔ gə mba kar loo gə́ m’a teḛ tam mba teg ne gin Tagə́maji gə́ to loo-kiya’g lé m’a pata gə kəm ŋgondiŋgam gə tam gə́ wɔilɔ pélé-pélé,

Ǝbrəje 13:15

Bèe ndá maji kar ta sí oji ta pidi Ala ta-ta, yee ɓa gə́ nékinjaməs gə́ j’un j’ar Ala mba kar ria ɓar ne.