Esai 57:16 - Maktub gə́ To gə Kəmee

¹⁶ Ma m’ndigi ndaŋg dee saar-saar el ləm, Esé ŋgəm oŋg ləm saar-saar gə no̰ el ləm tɔ Nà dəwje gə́ m’unda lé d’a kwəi.

Esai 57:16 ပူးပေါင်းရင်းမြစ်များ

Gḭ-Néje 6:3

Yen ŋga Njesigənea̰ pa pana: Ndiləm a si mee dəw’g saar-saar gə no̰ el mbata dəw lé to gə́ dakasrɔ ba ndá ndɔje gə́ ka̰ si kəmba ləa d’a kas ləb tɔl dəa rɔ-joo ba ŋga.

2 Samel 24:16

To gə́ kura gə́ dara ula jia ndiŋ gə́ dɔ Jerusalem’d gə mba tujee ne ndá Njesigənea̰ ar goo takə̰ji ləa yɔr dɔ némajel’g neelé ndá yeḛ ula kura gə́ dara gə́ ar koso-dəwje tuji lé pana: As ŋga! Rəm gə jii gə́ rɔi’g ɓasinè. Kura lə Njesigənea̰ gə́ dara lé aar mbɔr loo-kunda-kó’g lə Arabna, dəw gə́ Yebus.

Maktub gə́ wɔji dɔ Jɔb 12:10

Yeḛ wa kəmə lə néje lai gə́ d’aw kəmba lé jia’g ləm, Kəmə lə dəwje lai kara to jia’g ləm tɔ.

Pakɔsje 85:5

I Ala gə́ to njekaji lə sí lé Maji kari tel gɔl sí unda sí gə́ majee gogo, Oŋg ləi gə́ ari ḭ ne sə sí lé Maji kari ya̰ gée ya.

Njekillamber 12:7

Kédé ɓa kar nduji naŋg tel aw naŋg gogo to gə́ ḭ ne naŋg kédé ləm, kar ndil dəw tel aw rɔ Ala’d gə́ njekaree lé ləm tɔ.

Esai 27:8

I wɔji dee kəmkàr aree as lé Loo gə́ i ar dee d’wa dee d’aw sə dee ɓee-ɓər’g Asəna gə lel-boo gə́ ḭ bər Ɔr dee aw sə dee bèe.

Esai 30:18

Gelee gə́ nee ɓa Njesigənea̰ ndiŋga rəa Gə mba ra sə sí meemaji Ndá yeḛ a kḭ gə mba koo kəmtondoo lə sí, Mbata Njesigənea̰ to Ala gə́ njemeekarabasur, Rɔlel a nai gə deḛ gə́ d’unda meḛ dee yel gə́ dəa’g!

Esai 42:5

Ala gə́ to Njesigənea̰ Yeḛ gə́ njekunda dara karee tad rəg-rəg ləm, Yeḛ gə́ unda naŋg nee gə néje lai gə́ to keneŋ ləm, Yeḛ gə́ ar koso-dəwje gə́ d’isi keneŋ d’əmə ləma, Ar deḛ gə́ d’isi keneŋ d’aw kəmba ləm tɔ lé Pa togə́bè pana:

Esai 64:8

Ǝi Njesigənea̰, ar oŋg ləi al dɔ loo sula el, Ar məəi olé dɔ néra majelje’g lə sí saar-saar el, Aa oo, jeḛ n’toje gə́ dəwje ləi ya.

Jeremi 10:24

Ǝi Njesigənea̰, maji kari wɔjim kəmkàr Nɛ gə goo rəbee ɓa, Ɓó gə oŋg el, nà a tujim pugudu.

Jeremi 3:5

See yeḛ a kar oŋg ləa to saar wa. See yeḛ a ŋgəm oŋg lé mée’g saar-saar gə no̰ wa. Aa ooje, seḭ paje ta nee ya Nɛ seḭ raje majel kəm sí gə́ kédé-kédé ləm, Seḭ gərje gao ləm tɔ.

Jeremi 38:16

Mbai Sedesias man rəa gə goo ŋgəḭ ar Jeremi pana: Njesigənea̰ gə́ to njekar sí j’isi kəmba lé to njesikəmba ya. M’a tɔli el ləm, m’a kilai ji dəwje’g nee gə́ ndigi tɔli lé el ləm tɔ.

Ejekel 18:4

Aa ooje, dəwje lai to kamaje, ŋgon əsé bɔ ŋgon kara to kamaje joo bɔr, dəw gə́ ra kaiya lé ya ɓa a kwəi.

Amɔs 1:11

Njesigənea̰ ɓa pa togə́bè pana: Gə mbata kaiya ra Edɔmje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’un kiambas tuba ne ŋgako̰ deeje Ɓó d’oo kəmtondoo lə Israɛlje gə́ né el. Mbata oŋg lə dee al dɔ dee sula gə ndɔ dee ndɔ dee ləm, Deḛ d’ar oŋg lə dee ɔs kɔr meḛ dee’g saar gə no̰ ləm tɔ.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Jakari 12:1

Ndərta gə́ Njesigənea̰ pa wɔji ne dɔ Israɛl. Njesigənea̰ gə́ to njenaji dara ləm, Gə njetum gel naŋg nee ləma, Gə njera ndil dəw gə́ to mée’g ləm tɔ lé pa togə́bè pana:

Bula lə Israɛlje 16:22

Moyis gə Aaro̰ d’oso naŋg bəbərə-bəbərə dəb kəm dee naŋg, deḛ pana: Ǝi Ala! i gə́ ar dəwje lai d’isi kəmba lé! Dəw kára ba ɓa ra kaiya ndá ŋga, see oŋg ləi a kḭ səi pu dɔ koso-dəwje’g ləi lai to gə́ ban wa.

Ǝbrəje 12:9

Tɔɓəi, to gə́ bɔ síje gə́ d’oji darɔ sí lé d’wɔji sí kəmkàr ɓa j’ila ne ŋgonkoji dɔ dee’g, nɛ ɓəd ɓa see j’a koso kul no̰ Bɔ ndil sí’g mba si ne kəmba el wa.