Esai 57:11 - Maktub gə́ To gə Kəmee

¹¹ See na̰ ɓa seḭ ɓəleeje Ndəbje ne pəd-pəd nea̰’g Mba su ne kəm ləm, Mba kar meḛ sí olé ne dɔm’g el ləma, Mba kḛji ne dɔm’g el ləm tɔ wa. See ma m’isi mundu kurum əw lé el wa. Gelee gə́ nee ɓa Seḭ ɓəlmje ne el gə mbəa.

Esai 57:11 ပူးပေါင်းရင်းမြစ်များ

Pakɔsje 50:21

Aa oo, né gə́ i ra ɓa nee ndá Neḛ m’pata dɔ’g el, I ə̰ji məəi’g pana: Neḛ n’to tana səi bèe ya, Nɛ n’a gə ndaŋgi dɔ’g kunda néje neelé kəmi’g ya kari oo tɔ.

Pakɔsje 78:36

Nɛ deḛ su kəmee gə ta dee ləm, Deḛ d’ulá taŋgɔm ya ləm tɔ.

Gosota-Kəmkàrje 29:25

Ɓəl dəwje lé to gə́ gum, Nɛ yeḛ gə́ ɔm mee jəb-jəb dɔ Njesigənea̰’g lé a si lɔm.

Njekillamber 8:11

Mbata ta gə́ gaŋg dɔ néraje gə́ majel’d Gə́ d’aree aw ne lée’g béréré Dɔ dee’g kalaŋ el lé Ɓa ar dəwje d’wɔji ne néra gə́ majel Meḛ dee’g ra gə́ kédé-kédé.

Esai 26:10

Njémeeyèrje lé ɓó lé dəw oo kəmtondoo lə dee ndá Deḛ ndoo rəw néra gə́ danasur el, Deḛ d’ya̰ rɔ dee yag dan néra gə́ majel’g Mee ɓee gə́ néra gə́ danasur to keneŋ tɔ ndá, Deḛ d’oo boo-ronduba lə Njesigənea̰ gə́ né el.

Esai 30:9

Mbata to koso-dəwje gə́ njékaltaje ləm, Deḛ to ŋganje gə́ njépa taŋgɔmje ləma, Deḛ to ŋganje gə́ ndigi koo godndu Njesigənea̰ lé el ləm tɔ.

Esai 42:14

Ləw ba m’pata el, M’isi dɔmṵdu, m’ɔg rɔm ra né, M’a ra né pénéné To gə́ dené gə́ si tur ndóo bèe ləm, M’a taa kəmə ta-ta ləma, M’a kəmə biriri-biriri ləm tɔ.

Esai 44:20

Yeḛ munu bu pər, Mée əree aree ndəm Ndá yeḛ askəm kaji rəa pai godo ləm, Askəm pa pana: Néŋgɔm ɓa to ji neḛ’g lé a pa bèe el ləm tɔ.

Esai 47:7

Seḭ paje pana: Seḭ a toje mbai dɔ ɓeeko̰je ya saar-saar! Seḭ ə̰jije meḛ sí’g to gə́ néje neelé Rudu dee a kun ɗiao bèe el ya saar.

Jeremi 2:32

See mee ŋgoma̰də wəi dɔ néndam’g ləa Esé mee njeŋgao-sigi wəi dɔ mər’g ləa wa. Nɛ koso-dəwje ləm d’ar meḛ dee wəi dɔm’g Ləw ba as ndɔje bula dum tura.

Jeremi 3:21

Ndu ɓar dɔdərlooje gə́ ndəw’g, To ndu no̰ gə ndu kwɔi lə Israɛlje. Mbata deḛ d’un rəwje Gə́ nduni koŋ-koŋ ləm, D’ar meḛ dee wəi ne dɔ Njesigənea̰, Ala’g lə dee lé ləm tɔ.

Jeremi 38:19

Mbai Sedesias ula Jeremi pana: Ma m’ɓəl Judaje gə́ d’aw d’ɔm gə Kaldeje na̰’d mba̰. Ma m’ɓəl nà d’a kilam ji dee’g kar dee d’ula sul dɔm’g.

Jeremi 41:18

deḛ ɓəl mbata Ismael, ŋgolə Netania tɔl Gedalia, ŋgolə Ahikam gə́ mbai gə́ Babilɔn undá gə́ njeguburuɓee lé.

Jeremi 42:20

Seḭ nja seḭ suje kəm rɔ sí mbata seḭ ulamje rɔ Njesigənea̰, Ala’g lə sí mba pa pana: M’ra ndòo rɔ Njesigənea̰ Ala’g lə sí mbata lə sí ləm, m’ula sí taje lai gə́ Njesigənea̰, Ala lə sí pa lé ləm tɔ ndá seḭ a raje née ya.

Ejekel 13:22

Mbata seḭ arje mee njemeekarabasur pélé wəs-wəs gə taŋgɔmje loo gə́ neḛ nja n’ula kəmee ndòo el ləm, mbata seḭ arje ji njemeeyèr ɓar mèr-mèr mba kɔgee ne loo kuba rəw néra ləa gə́ majel kya̰ mba si ne kəmba ləm tɔ.

Matiyo 25:25

Ma m’ɓəli yaa̰ ndá m’ɔd m’aw m’uru bwa m’dubu ne lar ləi naŋg. Aa oo loo né ləi ya kən, maji kari taa.

Néra Njékaḭkulaje 5:3

Yen ŋga Piɛrə dəjee pana: Gelee ban ɓa Njekurai taa məəi pəl-pəl ari ula ne Ndilmeenda taŋgɔm, ari kai ne ta lar ndɔ ləi wəs ba ɓa ree ne bèe wa.

2 Njé gə́ Tesalonikə 2:9

Njekɔs Ala rəw lé a kunda loo teḛ gə goo siŋgamoŋ lə Njekurai ndá yeḛ a ra nékɔbje ɓəd-ɓəd ləm, gə nétɔjije ləm, gə nédumkooje gə́ ŋgɔm ləma,

1 Timote 4:2

Nehulai lə njétakorije ɓa ar dee ndəm ne ləm, meeyèr ula pər meḛ njétakorije’g lé ɔb ne meḛ dee kág ləm tɔ.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.

Loo gə́ killa rea kəm Ja̰’g 22:15

Bisije əsé gə njémbeḛje əsé gə njémɔdkaiyaje əsé njétɔl dəwje əsé njépole-magəje əsé deḛ gə́ rara gə́ ra néŋgɔm ndá maji kar dee nai raga ya.