Esai 57:10 - Maktub gə́ To gə Kəmee

¹⁰ Seḭ daoje ne yaa̰ Mbata rəw-kaw sí gə́ əw Nɛ seḭ pajena: A kubaje kya̰je lé seḭ paje bèe el! Seḭ iŋgaje siŋga sí, Gelee gə́ nee ɓa Kaar sí ɓar ne dulug-dulug el tɔ.

Esai 57:10 ပူးပေါင်းရင်းမြစ်များ

Esai 47:13

Seḭ gəŋgje ta njégosoje’g, Daoje ne dao-dao, Maji kar dee d’ḭtar ɓó gə́ d’aji sí, Deḛ gə́ gər néje gə́ dara ləm, Deḛ gə́ njétən-kéréméje ləma, Deḛ gə́ njépa ta néje gə́ d’a gə ree ləm tɔ!

Jeremi 18:12

Nɛ deḛ d’ilam keneŋ pana: To ta gə́ kari ba! Mbata jeḛ lé j’a ndolè goo takə̰jije lə sí ləm, nana kara mbuna sí’g a ra né gə goo meemajel ləa ləm tɔ.

Jeremi 2:25

Undaje kəmkàr dɔ rɔ sí’g Gə mba njaaje gɔl sí kari ba el ləm, Arje gwɔs sí tudu kurum-kurum el ləm tɔ! Nɛ seḭ pajena: Wah! to né kari ba! Mbata seḭ ndigije magəje gə́ dɔ ɓee’g ləm, Seḭ ndigije kawje goo dee’g ləm tɔ.

Jeremi 2:36

See gelee ban ɓa seḭ ulaje rɔ sí ndubu Mba kar rəw-kaw sí tel ɓəd wa. Rɔkul a kḭ Ejiptə dəb dɔ sí’g To gə́ ḭ ne Asiri dəb dɔ sí’g bèe tɔ.

Jeremi 3:3

Togə́bè ɓa ma m’ɔg ndi kər ləm, Ndi dɔ naḭ lal kər ləm tɔ, Nɛ seḭ ndoḭje kəm sí nda̰-nda̰ To gə́ ka̰ kaiya-dené bèe Ɓó seḭ ndigije kar rɔkul wa kəm sí el.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Jeremi 9:5

Njesigənea̰ pana: Loo-sii to dan néŋgɔmje’g ləm, Gə goo néŋgɔmje ɓa Deḛ mbad gərm ne ləm tɔ.

Ejekel 24:12

Kula rɔ ndubu gə́ togə́bè lé To né gə́ kari ba. Mée gə́ wɔməs lé a kɔr el, Pər ya ɓa a kɔree.

Habakuk 2:13

Aa ooje, loo gə́ Njesigənea̰ gə́ njeboo-néje wɔji-kwɔji né mée’g ndá Koso-dəwje ra kula nɛ pər ɓa tujee ləm, Ginkoji dəwje gə raŋg ra kula nɛ dao ne kari ba ləm tɔ.

Njé gə́ Rɔmə 7:9

Ma nja ləw lé m’isi m’lal godndu lé kara m’isi kəmba ya tɔ. Nɛ loo gə́ godndu lé teḛ mba̰ ndá kaiya lé tel si kəmba ŋga, ma lé ɓa m’tel m’wəi ne tɔ.