Esai 57:1 - Maktub gə́ To gə Kəmee

¹ Njera né gə́ gə dɔ najee lé tuji ndá Dəw kára gə́ njekḛji dɔ’g godo, Dəwje gə́ njéra némajije godo Ar dəw kára kara gər To gə́ d’ɔr dee mbata né gə́ majel Gə́ a gə teḛ dɔ dee’g lé bèe el.

Esai 57:1 ပူးပေါင်းရင်းမြစ်များ

1 Mbaije 14:13

Israɛlje lai d’a nea̰ ləm, d’a dubee ləm tɔ, mbata yeḛ ya kára ba gə́ dəw gə́ mee kəi’g lə Jeroboam gə́ d’a dubee dɔɓar’g ləm, yeḛ ya kára ba gə́ dəw gə́ mee kəi’g lə Jeroboam gə́ d’iŋga néra gə́ maji rəa’g kəm Njesigənea̰ Ala’g lə Israɛlje ləm tɔ.

2 Mbaije 22:20

Gelee gə́ nee ɓa n’a kari wəi kar dee dubi mbɔr dɔɓar bɔbije’g gə meekulɔm gə mba kar kəmi oo nékəmndooje lai gə́ n’a gə kar dee ree dɔ loo gə́ nee’g lé el tɔ. Bèe ɓa deḛ tel gə ta lé d’aw d’ula ne mbai lé ya.

2 Sôrta Gḭka Israɛlje 32:33

Ejekias wəi ndá deḛ dubee loo-dubu ŋgalə Dabid’d gə́ ḭ tar unda dɔɓar mareeje lai, Judaje lai gə dəwje gə́ Jerusalem d’ula rɔnduba dɔ yée’g. Ndá ŋgonee Manasə ɓa o̰ ɓee toree’g tɔ.

2 Sôrta Gḭka Israɛlje 34:28

Aa oo, m’a kari aw iŋga bɔbije-je ləm, m’a kari aw bwa dɔɓar’g ləi gə meekulɔm ləma, kəmi a koo nékəmndooje lai gə́ m’a gə kar dee ree dɔ loo gə́ nee’g gə dəwje gə́ d’isi keneŋ lé el ləm tɔ. Bèe ɓa deḛ tel gə ta neelé d’aw d’ula mbai lé tɔ.

2 Sôrta Gḭka Israɛlje 35:24

Kuraje ləa d’unee gə pusu-rɔ d’aw d’ilá mee pusu gə́ njekɔm’g joo gə́ to kea̰-yeḛ ndá d’aw səa Jerusalem. Yeḛ wəi ndá deḛ dubee mee dɔɓar bɔbeeje’g. Dəwje gə́ Juda gə Jerusalem lai d’wa ndòo Jojias tɔ.

Pakɔsje 12:1

Pa lə Dabid gə́ ar bao-pa mba karee ɔs sə dee lé. D’ɔs gə kṵdu-kag gə́ kulaje jinaijoo.

Pakɔsje 37:37

Maji kari orè kəmi sḭ dɔ yeḛ gə́ to njera né gə́ gə goo rəbee ləm, Aa loo oo yeḛ gə́ to njera né gə́ danasur ləm tɔ, Mbata dəw gə́ njemeelom lé ŋgakeaje d’a si gən ya.

Esai 42:25

Gelee gə́ nee ɓa yeḛ ɓugu ne boo-oŋg ləa dɔ Israɛlje’g ləm, Ar rɔ gə́ to ɓəl kədəm-kədəm lé Ɔm ne dɔ dee’g ləm tɔ. Rɔ neelé aḭ dɔ dee sub-sub gə looje lai Nɛ dee d’oo ginee el ləm, Yee roo dee dula-dula Nɛ d’oo gə́ né el tɔ.

Esai 47:11

Meeko̰ a koso dɔ sí’g Lal kar sí gərje loo gə́ ḭ keneŋ, Tuji-boo a koso dɔ sí’g Kar né gə́ a kar sí teḛje ta’g godo, Nétujije d’a ɓugu na̰ dɔ sí’d gə́ léegəneeya Lal kar sí ooje rəbee.

Esai 47:7

Seḭ paje pana: Seḭ a toje mbai dɔ ɓeeko̰je ya saar-saar! Seḭ ə̰jije meḛ sí’g to gə́ néje neelé Rudu dee a kun ɗiao bèe el ya saar.

Esai 57:11

See na̰ ɓa seḭ ɓəleeje Ndəbje ne pəd-pəd nea̰’g Mba su ne kəm ləm, Mba kar meḛ sí olé ne dɔm’g el ləma, Mba kḛji ne dɔm’g el ləm tɔ wa. See ma m’isi mundu kurum əw lé el wa. Gelee gə́ nee ɓa Seḭ ɓəlmje ne el gə mbəa.

Jeremi 18:11

Ɓasinè, maji kam m’pata m’ar dəwje gə́ Juda ləm, gə deḛ gə́ d’isi Jerusalem ləm tɔ pana: Njesigənea̰ pa togə́bè pana: Aa ooje, neḛ n’wa dɔ gɔl némeeko̰ mba ra sə sí ləm, neḛ n’la̰ji ta né mba ra sə sí ləm tɔ. Maji kar sí gɔlje rəw-kaw sí ləm, gə kula ra sí ləm tɔ.

Jeremi 22:10

Yeḛ gə́ wəi mba̰ lé Maji kar sí nea̰je el ləm, Waje ndòo yée el ləm tɔ. Nɛ yeḛ gə́ aw kəmba Gə́ a tel ree gogo el ləm, A tel koo ɓee-kojee el ləm tɔ lé ɓa Maji kar sí nea̰je.

Ejekel 21:3

M’a kula kag-kɔr gə́ dɔkɔl pana: Maji kari oo ta lə Njesigənea̰! Mbaidɔmbaije gə́ Njesigənea̰ pa togə́bè pana: N’a gə kila pər dɔi’g ndá a roo kagje lai gə́ to təb gə kagje lai gə́ tudu tɔ. Kṵji pər gə́ teḛ bilim-bilim lé a kwəi nda̰ el ləm, kəm dee-deḛ lai gə́ dɔkɔl saar teḛ dɔgel lé a nəd kurum-kurum ləm tɔ.

Misee 7:2

Dəw gə́ njemeemaji godo mee ɓee’g ləm, Dəw gə́ njera nédanasur godo mbuna dəwje’g ləm tɔ, Deḛ lai d’um loo gə mba kila məs, Ar nana kara iya gum gə mba kwa ne ŋgokea̰.

Malasi 2:2

Njesigənea̰ gə́ njeboo-néje lé pana: Ɓó lé seḭ ooje ta el ləm, əsé arje ta kula rɔnduba dɔ rim’g lé wa dɔɓəŋgərə sí el ləm tɔ ndá m’a kar ndɔl oso mbuna sí’g ləm, m’a kila ndɔl dɔ nétɔrnduje’g lə sí ləm tɔ. Oiyo, m’a kila ndɔl dɔ’g ya mbata seḭ arje taree wa dɔɓəŋgərə sí el.

Bula lə Israɛlje 23:10

See na̰ ɓa askəm tura babur lə Jakob Esé a tura ges Israɛlje gə́ kudu kára nɛ nai kudu munda ɓəi wa. Maji kam m’wəi yoo lə njémeekarabasurje ləm, Maji kar rudu ndɔje ləm tɔ asəna gə ka̰ dee-deḛ ləm tɔ!