Esai 56:7 - Maktub gə́ To gə Kəmee

⁷ Ndá m’a kaw sə dee dɔ mbal’g ləm Gə́ to gə kəmee ləm, M’a kar dee d’al rɔ dee Mee kəi-ra-tamaji’g ləm ləma, Nékinjaməsje lə dee gə́ ka̰ roo Gə nékinjanéməsje lə dee gə́ raŋg lé D’a taa kəm rəgm dɔ loo-nékinjaməs’g ləm ləm tɔ. Mbata kəi ləm lé D’a ɓaree kəi-ra-tamaji Mbata lə koso-dəwje lai-lai ya.

Esai 56:7 ပူးပေါင်းရင်းမြစ်များ

1 Mbaije 8:41

Loo gə́ dəw-dɔ-ɓeeje gə́ to gə́ mbuna koso-dəwje ləi gə́ Israɛlje, d’a kḭ ɓee gə́ əw ree mbata lə rii,

Pakɔsje 2:6

Yeḛ pana: Yeḛ gə́ n’undá gə́ mbai lé Neḛ nja n’wa dəa gə ubu. Dɔ mbal’g lə neḛ gə́ Sio̰ gə́ to gə kəmee doi!

Teḛ-Raga 28:38

Mbɔr lé to ŋgono̰ Aaro̰’g mba kar Aaro̰ taa ne ta kaiya ra Israɛlje dəa’g loo gə́ yeḛ odo nékarje lə deḛ lai gə́ to gə kəmee aar ne, mbɔr lé a tɔ ŋgonea̰’g ta-ta no̰ Njesigənea̰’g mba kar Njesigənea̰ wa dee ne gə́ rəa’g.

Esai 11:9

Dɔ mbal’g ləm gə́ to gə kəmee bura lé Dəwje d’a ra né gə́ majel əsé d’a tuji né keneŋ el Mbata gər Njesigənea̰ a taa dɔ naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər lé bèe.

Esai 19:19

Mee ndəa’g neelé ya loo-nékinjaməs lə Njesigənea̰ a to keneŋ mbuna ɓeeje gə́ Ejiptə ləm, nékolé-mee gə́ d’unda tar gə́ wɔji dɔ Njesigənea̰ a to rəw-nim-ɓee’g lé ləm tɔ.

Esai 19:21

Njesigənea̰ a riba dɔ rəa kar Ejiptəje gəree ndá Ejiptəje d’a gər Njesigənea̰ mee ndəa’g neelé ya. Deḛ d’a kinja nékinjanéməsje ləm, d’a kar nékarje ləma, d’a kun ndu dee gə ndu manrɔ kar Njesigənea̰ mba ra né ndá d’a ra née ləm tɔ.

Esai 25:6

Njesigənea̰ gə́ njeboo-néje gɔl muru-gad Gə́ wɔji dɔ nésɔje gə́ lel ləm, Gə mán-nduú gə́ àr ŋgad-ŋgad ləm tɔ Dɔ mbal’g neelé mbata koso-dəwje lai, To nésɔje gə́ lel gə́ to ubu yaa̰ ləm, Gə mán-nduú gə́ kuree əw Gə́ àr ŋgad-ŋgad ləm tɔ.

Esai 56:5

Ndá m’a kar dee loo mee kəi’g ləm, Gə mee ndògo’g ləm ləm, M’a kar ri dee maji unda ŋganje Gə́ diŋgam gə njé gə́ dené ləm tɔ, M’a kar dee ri dee gə́ to gə no̰ Gə́ a tuji el lé.

Esai 57:13

Loo gə́ seḭ a no̰je wəl lé See boo-magpoleje lə sí d’a taa sí kila sí tar wa. Lel gə́ ula lé a kodo deḛ lai kaw sə dee ləm, Kəmə gə́ kila pugudu lé a kodo dee ləm tɔ. Nɛ yeḛ gə́ ɔm mée dɔm’g ndá A kiŋga ɓee lé gə́ né kea̰ ləm, A kiŋga mbal ləm gə́ to gə kəmee gə́ né kea̰ ləm tɔ.

Esai 60:11

Tarəwkɔgje ləi d’a to tag bə̰dəŋ ya Ɓó d’a kudu dan kàrá əsé loondul’g el Gə mba kya̰ loo kar ginkoji dəwje gə raŋg Ree gə nébaoje lə dee mee kəi’g ləi ləm, Kar mbaije lə dee gə njé’g lə dee d’a ree ne ləm tɔ.

Esai 60:7

Koso-nékulje lə njé gə́ Kedar D’a mbo̰ na̰ rɔi’g, Bàl badje lə njé gə́ Nebajot D’a to néra kula ləi, D’a kaw sə dee dɔ loo-nékinjaməs’g ləm ndá D’a taa kəm rəgm ləm, M’a kula rɔnduba dɔ kəi rɔnduba’g ləm ləm tɔ.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Esai 65:11

Nɛ seḭ gə́ ubaje Njesigənea̰ yá̰je ləm, Seḭ arje meḛ sí wəi dɔ mbal’g ləa gə́ to gə kəmee ləm, Seḭ undaje ka-nésɔ Mbata lə magə Gad ləma, Seḭ arje mán-nduú rusu ŋgo Mbata lə magə Meni ləm tɔ lé

Esai 65:25

Jagmjər dee gə ŋgon badə d’a kaar na̰’d loo-ko̰-mu’g ləm, Toboḭ a ko̰ mu to gə́ bɔ maŋg bèe ləma, Nduji naŋg a to nésɔ lə li ləm tɔ. D’a ra né gə́ to əsé d’a tuji dəw Dɔ mbal’g ləm gə́ to gə kəmee lé el, Njesigənea̰ ɓa pa bèe.

Jeremi 7:11

Njesigənea̰ pana: Tɔgərɔ ya ma m’oo gao. See seḭ ooje kəi gə́ rim ɓar dɔ’g lé gə́ duu-loo lə njéɓogoje wa.

Ejekel 20:40

Mbata dɔ mbal lə neḛ gə́ to gə kəmee gə́ to mbal lə Israɛlje gə́ ŋgal lé lée neelé ɓa gel-bɔje lə Israɛl lai gə́ to deḛ lai gə́ d’isi mee ɓee’g neelé d’a kwa neḛ meḛ dee’g keneŋ, Mbaidɔmbaije gə́ Njesigənea̰ ɓa pa bèe, lé neelé ɓa n’a kwa dee gə́ rɔ neḛ’d gə́ majee keneŋ ləm, n’a ndigi nékarje lə sí gə́ to kandə nénojije lə sí gə́ doŋgɔr ləm, gə néje lai gə́ seḭ a kundaje gə kəmee kar neḛje lé ləm tɔ.

Ejekel 47:22

Né gə́ to asəna gə tḛ́ bèe ɓa seḭ a kundaje ne kəmee lə sí-seḭ ləm, gə ka̰ dəw-dɔ-ɓeeje gə́ d’a si mbuna sí’d gə́ d’a koji ŋgan deeje mbuna sí’g ləm tɔ, seḭ a koo deeje gə́ kojiɓeje mbuna Israɛlje’g, né gə́ to asəna gə tḛ́ bèe ɓa deḛ d’a taa ne loo sə sí mbuna ginkoji Israɛlje’g.

Jakari 8:3

Njesigənea̰ pa togə́bè pana: Neḛ n’tel n’ree Sio̰, Neḛ ndigi si dan njé gə́ Jerusalem’g. D’a ɓar Jerusalem lé ɓee-boo gə́ njekila koji ləm, Mbal lə Njesigənea̰ gə́ njeboo-néje lé D’a ɓaree mbal gə́ to gə kəmee ləm tɔ.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Matiyo 21:13

Yeḛ ula dee pana: Deḛ ndaŋg mee maktub’g pana: Kəi ləm lé d’a ɓaree kəi-ra-tamaji nɛ seḭ teleeje undaje gə́ duu-loo lə njéɓogoje ya.

Mark 11:17

Yeḛ ndoo dee ula dee pana: See deḛ ndaŋg ta mee maktub’g pana: Kəi ləm lé d’a ɓaree kəi ra tamaji keneŋ mbata lə ginkoji dəwje gə raŋg lai lé, see deḛ ndaŋg taree togə́bè el wa. Nɛ seḭ ɓa seḭ telee undaje gə́ duu-loo lə njéɓogoje.

Lugu 19:46

ula dee pana: Deḛ ndaŋg mee maktub’g pana: Kəi ləm a to kəi-ra-tamaji keneŋ. Nɛ seḭ ɓa seḭ teleeje undaje gə́ duu-loo lə njéɓogoje ya.

Njé gə́ Rɔmə 12:1

Ŋgakɔmje, m’ndəji sí bər-bər gə mba kar sí unje rɔ sí arje Ala, asəna gə nékinjaməs gə́ to kəmba ləm, gə to gə kəmee doi ləma, gə a taa kəm Ala rəgm ləm tɔ. Yee ɓa gə loo kwá meḛ sí’g gə́ kəm ra ya.

1 Timote 2:8

Yee ɓa, ma m’ndigi kar dəwje ra tamaji gə loo lai, ɓó gə d’odo ne ji dee gə́ àr ŋgad-ŋgad par gə́ dara, lal oŋg ləm, gə lal kɔl ləm tɔ.

Ǝbrəje 12:22

Nɛ seḭ lé seḭ rəmje pər gə́ mbɔr mbal gə́ Sio̰, ɓee-si Ala gə́ Njesikəmba gə́ to Jerusalem gə́ dara ləm, gə́ loo gə́ dəwje gə́ dara d’isi keneŋ tap-tap nduba rɔ dee ləm,

Ǝbrəje 13:15

Bèe ndá maji kar ta sí oji ta pidi Ala ta-ta, yee ɓa gə́ nékinjaməs gə́ j’un j’ar Ala mba kar ria ɓar ne.

1 Piɛrə 2:5

Seḭje kara toje asəna gə mbalje gə́ to kəmba gə́ d’odo sí rɔd sí dɔ na̰’g mba ra ne kankəm kəi gə́ ka̰ Ndil lé ləm, kar sí toje njékinjanéməsje gə́ d’unda sí gə kəmee mba kar sí unje nékinjaməs gə́ ka̰ ndil lé gə ri Jeju Kristi gə́ a taa kəm Ala rəgm lé ləm tɔ.