Esai 56:6 - Maktub gə́ To gə Kəmee

⁶ Dəw-dɔ-ɓeeje gə́ d’ɔm na̰’d gə Njesigənea̰ Gə mba kwá meḛ dee’g ləm, Gə mba kunda ri Njesigənea̰ dan kəm dee’g ləma, Gə mba to kuraje ləa ləm tɔ lé Deḛ lai gə́ d’a kaa dɔ ndɔ-kwa-rɔ Kar dee d’ila ndɔl dɔ’g el ləm, D’a kaar njaŋg dɔ manrɔ’g ləm tɔ lé

Esai 56:6 ပူးပေါင်းရင်းမြစ်များ

1 Mbaije 8:41

Loo gə́ dəw-dɔ-ɓeeje gə́ to gə́ mbuna koso-dəwje ləi gə́ Israɛlje, d’a kḭ ɓee gə́ əw ree mbata lə rii,

Esai 14:1

Mbata Njesigənea̰ a koo kəmtondoo lə ŋgaka Jakob ləm, yeḛ a mbər Israɛlje ya ləm tɔ ndá, a tel kunda dee mee ɓee’g lə dee gogo, dəw-dɔ-ɓeeje d’a kɔm sə dee na̰’d ləm, d’a kɔm na̰’d gə ŋgaka Jakob ləm tɔ.

Esai 44:5

Yeḛ gə́ nee a pana: Ma m’to ka̰ Njesigənea̰, Yeḛ gə́ yo a kunda ri Jakob dəa’g, Yeḛ gə́ raŋg a ndaŋg dɔ jia’g pana: Ka̰ Njesigənea̰! Ndá d’a ɓar ri Israɛl dan meenoji’g.

Esai 58:13

Ɓó lé i ɔg rɔi kaw tar gə ndɔ-kwa-rɔ Mba ra ne né gə́ məəi ndigi Mee ndɔ’g ləm gə́ to gə kəmee el ləm, Ɓó lé i oo ndɔ-kwa-rɔ gə́ ndɔ-kal-rɔi Mba kula ne rɔnduba dɔ Njesigənea̰’g Kundá ne gə kəmee ləma, Ɓó lé i ila riɓar dəa’g Ya̰ ne goo rəwje ləi Gə ya̰ ne goo kulaje gə́ məəi ndigi, Gə taje gə́ kari ba ləm tɔ ndá

Esai 60:10

Dəw-dɔ-ɓeeje d’a gɔl ndògo-bɔrɔ ləi gogo ləm, Mbaije lə dee d’a tel to kuraje ləi ləm tɔ, Mbata loo gə́ oŋg ram lé ɓa m’kundai ya Nɛ gə goo meekoso lemsé ləm lé M’tel m’oo ne kəmtondoo ləi.

Esai 61:5

Dəw-dɔ-ɓeeje gə́ keneŋ lé D’a to njékul koso-nékulje lə sí ləm, Dəw-dɔ-ɓeeje lé D’a to kura-kwɔsje lə sí ləm, Gə njéŋgəm ndɔ-nduúje lə sí ləm tɔ.

Esai 61:6

Nɛ seḭ lé d’a ɓar sí njékinjanéməsje lə Njesigənea̰ ləm, D’a kunda ri sí gə́ kuraje lə Ala lə sí ləm tɔ. Seḭ a kubaje maji nébaoje lə ginkoji dəwje gə raŋg ləm, Seḭ a ndubaje rɔ sí ká gə néro̰dubaje lə dee ləm tɔ.

Jeremi 50:5

D’a dəji rəw gə́ aw gə́ Sio̰ ləm, D’a tel kəm dee gə́ keneŋ ləm tɔ. Gə́ reeje ɔmje na̰’d gə Njesigənea̰ Gə manrɔ gə́ to gə no̰ Gə́ mee dəw a kwəi dɔ’g nda̰ el.

Ejekel 20:13

Nɛ gel-bɔje lə Israɛl d’ḭ sə neḛ d’ɔs ta lə neḛ rəw dɔdilaloo’g. Deḛ d’un goo godnduje lə neḛ el ləm, d’uba ndukunje lə neḛ gə́ dəw ra née ndá a si ne kəmba lé d’ya̰ ləma, deḛ d’ula sul dɔ ndɔ-kwa-rɔje’g lə neḛ ləm tɔ. Bèe ɓa neḛ n’wɔji mba ɓugu boo-oŋg lə neḛ dɔ dee’g dɔdilaloo’g kar dee d’udu guduru tɔ.

Ejekel 47:22

Né gə́ to asəna gə tḛ́ bèe ɓa seḭ a kundaje ne kəmee lə sí-seḭ ləm, gə ka̰ dəw-dɔ-ɓeeje gə́ d’a si mbuna sí’d gə́ d’a koji ŋgan deeje mbuna sí’g ləm tɔ, seḭ a koo deeje gə́ kojiɓeje mbuna Israɛlje’g, né gə́ to asəna gə tḛ́ bèe ɓa deḛ d’a taa ne loo sə sí mbuna ginkoji Israɛlje’g.

Jakari 6:15

Deḛ gə́ d’ɔr rɔ dee d’aw əw lé d’a tel ree ləm, d’a ra kula gɔl kəi lə Njesigənea̰ gə́ to gə kəmee gogo ləm tɔ. Ndá seḭ a gərje gao to gə́ Njesigənea̰ gə́ njeboo-néje ɓa ulam rɔ sí’g. Ɓó lé seḭ ilaje ŋgonkoji dɔ ndukun’g lə Njesigənea̰ gə́ to Ala lə sí lé ndá né neelé a kaw lée’g béréré ya.

Néra Njékaḭkulaje 11:23

Loo gə́ yeḛ teḛ keneŋ aa loo oo noji gə́ Ala wa sə dee lé ndá yeḛ ra rɔlel, tɔɓəi yeḛ ndəji dee bər-bər mba kar kɔm meḛ lə dee gə́ d’ɔm dɔ Mbaidɔmbaije’g lé d’a reḛ́ keneŋ rḛ́-rḛ́ ya.

Néra Njékaḭkulaje 2:41

Deḛ gə́ taa ta ləa lé d’aree ra dee batɛm. Ndá mee ndəa’g neelé bula lə njémeekunje ḭ dɔ maree’g as tɔl-dɔg-loo-munda d’ɔm dɔ mar deeje’g.

Njé gə́ Rɔmə 8:28

Gelee gə́ nee ɓa, jeḛ n’gər gao, dəwje gə́ d’unda Ala dan kəm dee’g, deḛ gə́ Ala ɓar dee gə goo né gə́ yeḛ nja wɔji mée’g lé ndá néje lai gə́ ra dee lé d’a mbo̰ na̰ kiŋga na̰ gə majee dɔ dee’g ya.

1 Njé gə́ Kɔrḭtə 16:22

Nana ɓa gə́ ndigi Mbaidɔmbaije gə meekɔr jol-jol el ndá maji kar ndɔl nai dəa’g ya. Mbaidɔmbaije si ree!

2 Njé gə́ Kɔrḭtə 8:5

Deḛ ra d’al ne dɔ lée gə́ jeḛ j’wɔji meḛ sí’g nɛ deḛ d’wa rɔ dee-deḛ nja d’ar Mbaidɔmbaije kédé ɓa d’ar síjeḛ ɓəi gə goo né gə́ mee Ala wɔji lé tɔ.

Njé gə́ Galati 5:6

Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

Njé gə́ Epesə 6:24

Maji kar noji lé nai gə deḛ lai gə́ d’unda Mbaidɔmbaije lə sí Jeju Kristi dan kəm dee’g gə meenda kaḭ ya!

Maktub gə́ Jak ula ne ar ngan-Allaje 1:12

Dəw gə́ wa mée mbidi ti dɔ nékər gə́ a gə neán ndá rəa a lelee, mbata loo gə́ yeḛ dum dɔ nékər mba̰ ndá yeḛ a kiŋga dɔgugu gə́ ka̰ kəmə gə́ Mbaidɔmbaije un ndia mba kar deḛ gə́ d’undá dan kəm dee’g lé.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.

Loo gə́ killa rea kəm Ja̰’g 1:10

Ndɔ lə Mbaidɔmbaije lé Ndil taa məəm yal-yal ndá m’oo ndu dəw ɓar girm’g wəl asəna gə ndu to̰to̰ gə́ ɓar bèe,