Esai 56:5 - Maktub gə́ To gə Kəmee

⁵ Ndá m’a kar dee loo mee kəi’g ləm, Gə mee ndògo’g ləm ləm, M’a kar ri dee maji unda ŋganje Gə́ diŋgam gə njé gə́ dené ləm tɔ, M’a kar dee ri dee gə́ to gə no̰ Gə́ a tuji el lé.

Esai 56:5 ပူးပေါင်းရင်းမြစ်များ

Esai 2:2

Ndɔ gə́ rudu ndəaje a gə kun ɗiao ndá Dɔ mbal gə́ wɔji dɔ kəi lə Njesigənea̰ lé D’a tel tum ginee dɔ mbalje gə́ tar. Yeḛ a to tar dɔ dɔdərloo’g Ndá ginkoji dəwje gə raŋg lai d’a kaḭ kaw keneŋ.

Esai 2:3

Ginkoji dəwje gə raŋg lai d’a ndɔm na̰ keneŋ Ndá d’a pana: Gə́ reeje ar sí j’awje dɔ mbal’g lə Njesigənea̰ ləm, Gə j’awje mee kəi’g lə Ala lə Jakob ləm tɔ Gə mba karee ndoo sí torndiaje Kar sí njaaje ne kila-rəwje’g ləa. Mbata godndu a kḭ Sio̰’g ləm, Ta lə Njesigənea̰ a kḭ Jerusalem ləm tɔ.

Esai 26:1

Mee ndəa’g neelé d’a kɔs pa nee mee ɓee gə́ Juda pana: Ɓee-boo lə sí lé siŋgá to yaa̰, Njesigənea̰ aa dɔ ndògo-bɔrɔ ləa ləm, Yee aa dɔ gadloo-kula-rɔ sí keneŋ ləm tɔ.

Esai 43:7

Deḛ lai gə́ d’unda rim dɔ dee’g, Deḛ gə́ m’unda dee mba kar dee d’ula rɔnduba dɔm’g ləm, M’uba kubururɔ dee ləma, m’ra dee ləm tɔ.

Esai 48:19

Ŋgaka síje d’a bula kasəna gə babur bèe ləm, Ŋgan meḛ síje d’a bula to gə́ kandə nagəra bèe ləma, Ri sí kara a tuji pugudu nɔm’g el ləm tɔ.

Esai 55:13

Kag-siprɛs ɓa a kuba tor kunje’g ləm, Mbəə ɓa a ra tɔg tor kun-pɔrɔrɔ’g ləm tɔ, Yee ɓa a to gə́ nérɔnduba mbata lə Njesigənea̰ ləm, As to nékolé-mee gə́ to gə no̰ gə́ a tuji el ləm tɔ.

Esai 56:7

Ndá m’a kaw sə dee dɔ mbal’g ləm Gə́ to gə kəmee ləm, M’a kar dee d’al rɔ dee Mee kəi-ra-tamaji’g ləm ləma, Nékinjaməsje lə dee gə́ ka̰ roo Gə nékinjanéməsje lə dee gə́ raŋg lé D’a taa kəm rəgm dɔ loo-nékinjaməs’g ləm ləm tɔ. Mbata kəi ləm lé D’a ɓaree kəi-ra-tamaji Mbata lə koso-dəwje lai-lai ya.

Esai 60:18

Dəw a koo ta néra gə́ kərm-kərm mee ɓee’g ləi el ŋga ləm, D’a koo ta tuji gə tuji-boo dɔ naŋg’d ləi el ŋga ləm tɔ, I a kunda ri kaji dɔ ndògo-bɔrɔje’g ləi ləm, A kunda ri rɔnduba dɔ tarəwkɔgje’g ləi ləm tɔ.

Esai 62:12

D’a ɓar dee dəwje gə́ to gə kəmee Gə́ Njesigənea̰ uga dɔ dee. I ɓee gə́ Jerusalem kara d’a ɓari ɓee-boo Gə́ Ala unda dan kəmee’g Ɓó ɓee-boo gə́ yeḛ uba ya̰ bèe lé el.

Esai 62:2

Togə́bè ɓa ginkoji dəwje gə raŋg d’a koo kaji ləi ləm, Mbaije d’a koo rɔnduba ləi ləm tɔ Ndá d’a ɓari gə rii gə́ sigi Gə́ ta Njesigənea̰ ɓa a teḛ kunda ne dɔi’g.

Esai 66:20

D’a ree gə ŋgako̰ síje lai gə́ d’isi mbuna ginkoji dəwje gə raŋg’g asəna gə nékar Njesigənea̰ lé, d’a ree sə dee dɔ kundaje’g ləm, gə dɔ pusuje’g ləm, gə dɔ topoije’g ləm, gə dɔ kundaje-mulayḛ̀jeje’g ləma, gə dɔ jambalje’g ləm tɔ, kaw ne sə dee saar dɔ mbal’g ləm gə́ to gə kəmee gə́ to Jerusalem asəna gə Israɛlje gə́ ree gə nékarje lə dee mee joje gə́ àr ŋgad-ŋgad mee kəi’g lə Njesigənea̰ bèe tɔ. Njesigənea̰ ɓa pa bèe.

Esai 66:22

Tɔgərɔ ya, to gə́ dara gə́ sigi gə naŋg gə́ sigi gə́ m’a gə kunda dee lé d’a to njaŋg nɔm’g lé togə́bè ɓa ŋgaka síje ləm gə ri sí ləm d’a to njaŋg nɔm’g bèe ya tɔ. Njesigənea̰ ɓa pa bèe.

Soponi 3:20

Mee ndəa’g neelé n’a tel ree sə sí, Mee ndəa’g neelé n’a mbo̰ sí dɔ na̰’d, Mbata n’a kar sí tel toje gə́ nékula rɔnduba gə népidi Mbuna koso-dəwje lai gə́ dɔ naŋg nee Loo gə́ n’a kḭ gə njé’g lə sí gə́ d’wa dee gə́ ɓər Tel sə dee kəm sí’g ya, Njesigənea̰ ɓa pa bèe.

Matiyo 16:18

Ma nja m’ulai təsərə: I to Piɛrə, dɔ mbal neelé m’a rɔd Eglisə ləm dɔ’g. Lé riri gə́ a gə teḛ gə tarəw gə́ ɓee lə yoo kara a koma̰ səa pi ya.

Tagə́maji gə́ Ja̰ ndang 1:12

Nɛ dəwje gə́ rara ɓa gə́ d’wá gə́ rɔ dee’g d’unda meḛ dee dɔ ria’g ndá yeḛ nja ar dee siŋgá gə mba kar dee tel to ne ŋgan-Alaje.

Njé gə́ Epesə 2:22

Seḭje kara yeḛ rɔd sí ta na̰’d ar sí toje ne tar gəd-gəd mba kar sí toje kəi gə́ Ndil Ala a si keneŋ tɔ.

1 Timote 3:15

ɓa ɓó lé gɔlm nai ti ɓəi ndá i a gər ne néje gə́ kəm ra mee kəi’g lə Ala gə́ to Eglisə lə Ala gə́ njesikəmba lé ləm, gə́ to gaji ŋgɔ-kag gə́ gəd kankəmta lé ləm tɔ.

Ǝbrəje 3:6

Nɛ Kristi gə́ njaa gə ŋgonkoji mee kəi’g lə Ala lé to gə́ Ŋgonee. Ndá jeḛ nja n’to gə́ kəi ləa-yeḛ lé loo gə́ j’aar njaŋg dɔ né gə́ j’ɔm meḛ sí dɔ’g ləm, gə dɔ némeekundayel gə́ jeḛ n’ti ne rɔ sí dɔ’g ləm tɔ.

1 Ja̰ 3:1

Aa ooje, Bɔ-dəwje lé ndigi sí gə mée gə́ ɔr jol-jol ɓa gə mba kar dee ɓar sí ne ŋgan-Alaje. Tɔgərɔ jeḛ n’to gə́ ŋganeeje ya. Ɓó lé dəwje gə́ dɔ naŋg nee gər sí gə́ ŋganeeje el ndá to mbata deḛ gəree-yeḛ el tɔ.

Loo gə́ killa rea kəm Ja̰’g 2:17

Nana ɓa gə́ mbia to gən ndá maji karee oo ne ta gə́ Ndil ɓa ula Eglisəje: Yeḛ gə́ a kun baŋga ndá m’a karee muru gə́ ḭ dara gə́ to loo-kiya’g ɓəi ləm, m’a karee j’ər gə́ nda ləm tɔ. Dɔ jər gə́ nda lé d’a ndaŋg ria gə́ sigi gə́ dəw kára kara gər el lé keneŋ, yeḛ gə́ njekiŋga ri lé ɓa a gər.

Loo gə́ killa rea kəm Ja̰’g 3:12

Yeḛ gə́ a kun baŋga ndá m’a karee to gaji ŋgɔ-kag gəd kəi-Ala ləm ləm, m’a karee nai keneŋ gə no̰ ɓó a teḛ kaw raga el ləm tɔ. M’a ndaŋg ri Ala ləm rəa’g ləm, gə ri ɓee lə Ala gə́ to Jerusalem gə́ sigi gə́ ḭ dara ɓee lə Bɔm ɓa ree naŋg nee rəa’g ləma, gə rim-ma gə́ sigi rəa’g ləm tɔ.

Loo gə́ killa rea kəm Ja̰’g 3:5

Yeḛ gə́ a kun baŋga ndá m’a kula kubu gə́ nda rəa’g. M’a tuji ria mee maktub kəmə’g lé nda̰ el ləm, m’a teḛ gə ria gə́ raga no̰ Bɔm’g gə no̰ kuraje ləa gə́ dara ləm tɔ.

1 Samel 1:8

Elkana gə́ ŋgabeeje lé dəjee pana: See gelee ban ɓa i no̰ ləm, sɔ né el ləm tɔ wa. See gelee ban ɓa ar məəi tuji ar kəmi to ne ndòo wa. See ma m’to maji kəmi’g m’unda ŋganje gə́ diŋgam dɔg el wa.