Esai 56:3 - Maktub gə́ To gə Kəmee

³ Maji kar dəw-dɔ-ɓee Gə́ ɔm gə Njesigənea̰ na̰’d pana: Njesigənea̰ unda neḛ ɓad Rɔ koso-dəwje’g ləa bèe el ləm, Maji kar njekuji pana: Aa ooje, neḛ n’to kag gə́ tudu bèe el ləm tɔ!

Esai 56:3 ပူးပေါင်းရင်းမြစ်များ

2 Sôrta Gḭka Israɛlje 6:32

Loo gə́ dəw-dɔ-ɓee gə́ to gə́ ka̰ dəwje ləi gə́ Israɛl el ɓa a kḭ mee ɓee gə́ əw ree mbata lə rii gə́ ur dɔ rije’g lai ləm, gə ji siŋgamoŋ ləi gə́ ɓar mèr-mèr ləma, gə kag jii gə́ i ula ndiŋ ləm tɔ lé, loo gə́ yeḛ ree ra tamaji mee kəi’g neelé ndá

Este 9:27

Jibje d’wɔji meḛ dee’g njaŋg, d’un ne ndu dee mbata lə dee-deḛ ləm, mbata lə gel ka lə dee ləma, gə mbata lə deḛ lai gə́ d’a gə kɔm sə dee na̰’d ləm tɔ gə mba kar mee ləbje kára kára lai lé d’a ra naḭ mee ndɔje’g joo neelé gə goo lée gə́ deḛ ndaŋg, gə mee ndəa gə́ d’wɔji njaŋg lé ləm tɔ ɓó dəw a telee raŋg el ŋga.

Esai 14:1

Mbata Njesigənea̰ a koo kəmtondoo lə ŋgaka Jakob ləm, yeḛ a mbər Israɛlje ya ləm tɔ ndá, a tel kunda dee mee ɓee’g lə dee gogo, dəw-dɔ-ɓeeje d’a kɔm sə dee na̰’d ləm, d’a kɔm na̰’d gə ŋgaka Jakob ləm tɔ.

Esai 39:7

D’a kwa ŋganije gə́ na̰je gə́ d’ḭ məəi’d gə́ i oji dee lé mba kaw tel dee gə́ njekujije kar dee to njékaa dɔ néje mee kəi’g lə mbai gə́ Babilɔn ya.

Esai 56:5

Ndá m’a kar dee loo mee kəi’g ləm, Gə mee ndògo’g ləm ləm, M’a kar ri dee maji unda ŋganje Gə́ diŋgam gə njé gə́ dené ləm tɔ, M’a kar dee ri dee gə́ to gə no̰ Gə́ a tuji el lé.

Esai 56:6

Dəw-dɔ-ɓeeje gə́ d’ɔm na̰’d gə Njesigənea̰ Gə mba kwá meḛ dee’g ləm, Gə mba kunda ri Njesigənea̰ dan kəm dee’g ləma, Gə mba to kuraje ləa ləm tɔ lé Deḛ lai gə́ d’a kaa dɔ ndɔ-kwa-rɔ Kar dee d’ila ndɔl dɔ’g el ləm, D’a kaar njaŋg dɔ manrɔ’g ləm tɔ lé

Jeremi 50:5

D’a dəji rəw gə́ aw gə́ Sio̰ ləm, D’a tel kəm dee gə́ keneŋ ləm tɔ. Gə́ reeje ɔmje na̰’d gə Njesigənea̰ Gə manrɔ gə́ to gə no̰ Gə́ mee dəw a kwəi dɔ’g nda̰ el.

Ləbije 21:20

əsé dəw gə́ jugumee to əsé yeḛ gə́ rɔko̰ aree əŋ kəŋ-kəŋ əsé yeḛ gə́ kəmee aa əsé yeḛ gə́ ŋgaŋguna sia əsé né tila rəa əsé njekuji.

Ləbije 25:45

Seḭ a kasjekəm ndogoje ŋgan meḛ dəw-dɔ-ɓeeje gə́ d’isi sə sí ləm, əsé njémeekəije lə dee gə́ d’oji dee mee ɓee’g lə sí lé ləm tɔ, ndá d’a to né ka̰ sí-seḭ ya.

Soponi 2:11

Njesigənea̰ a to ɓəl kədm-kədm kəm dee’g Mbata yeḛ a tuji magəje lai gə́ dɔ naŋg nee pugudu-pugudu ya, Yee ɓa nana kara a kunda barmba nea̰’g mee ɓee’g ləa ləm, Gə dɔgoré-looje’g lə ginkoji dəwje gə raŋg ləm tɔ.

Bula lə Israɛlje 18:4

D’a kɔm səi na̰’d loo-kula’g ləm, d’a kaa dɔ kula gə́ wɔji dɔ kəi-kubu lé ləm tɔ. Dəw-dɔ-ɓee gə́ rara kara a tibi mbɔr sí el.

Bula lə Israɛlje 18:7

I seḭ gə ŋganije na̰’d lé a tɔsje kəm sí bao-bao dɔ kula ra sí gə́ wɔji dɔ nékinjaməs ləm, mbata lə néje lai gə́ wɔji dɔ loo-nékinjaməs ləma, gə mbata lə né gə́ to mee kubu-gaŋg-mee-kəi’g ləm tɔ: yee ɓa to kula ra sí gə́ seḭ a raje. Kula gə́ wɔji dɔ nékinjaməs lé to nojimeenda gə́ ma m’wa sə sí. Dəw-dɔ-ɓee gə́ tibi mbɔree ndá d’a tɔlee gə́ tɔl ya.

Néra Njékaḭkulaje 10:34

Yen ŋga Piɛrə teḛ təa pata pana: Tɔgərɔ ya, ma m’oo to gə́ Ala lé ɔr kəm dəw kára kara el.

Néra Njékaḭkulaje 17:4

Njé gə́ na̰je mbuna dee’g taa ta ləa ndá d’ɔm gə Pool gə Silas na̰’d yəg. Grekje bula yaa̰ gə́ d’wa Ala meḛ dee’g ləm, gə denéje gə́ na̰je gə́ to gə́ kankəm denéje mee ɓee’g ləm tɔ lé d’ɔm sə dee na̰’d tɔ.

Néra Njékaḭkulaje 18:7

Yeḛ ḭ keneŋ aw si gə Justus gə́ to dəw gə́ ɓəl Ala lé ləm, kəi ləa to boa ta kəi-kwa-dɔ-na̰’d ləm tɔ.

Njé gə́ Rɔmə 15:16

ɔrm ne am m’to ne kura lə Jeju Kristi mbuna njépole-magəje’g. Kula gə́ wɔji dɔ Tagə́maji lə Ala lé m’ra gə mba kun ne njépole-magəje gə́ Ndilmeenda ɔr dee unda dee gə kəmee mba kar dee to nékar Ala gə́ a taa kəmee rəgm.

1 Njé gə́ Kɔrḭtə 6:17

Nɛ yeḛ gə́ ɔm na̰’d sad gə Mbaidɔmbaije ndá deḛ joo bɔr ndil dee a to gə́ kára ba tɔ.

Njé gə́ Epesə 2:12

mee ndəaje’g neelé seḭ lalje Kristi ləm, d’ɔg sí loo ra ɓee mee ɓee gə́ Israɛl ləm, ndukun gə́ Ala ar dee lé seḭ toje njékwagireeje ləm, nékunda-mee-yel dɔ’g lə sí godo ləma, Ala kara seḭ toje njékwagireeje ya ləm tɔ.

Njé gə́ Epesə 2:22

Seḭje kara yeḛ rɔd sí ta na̰’d ar sí toje ne tar gəd-gəd mba kar sí toje kəi gə́ Ndil Ala a si keneŋ tɔ.

Tel tura Godndu 23:9

ŋgan deeje gə́ d’a koji dee lé, lé as ŋgakadɔg deeje gə́ njekɔm’g munda kara d’a kandə loo-mbo̰-dɔ-na̰’g lə koso-dəwje lə Njesigənea̰ ya.

1 Piɛrə 1:1

Ma Piɛrə, njekaḭkula lə Jeju Kristi lé m’ndaŋg maktub m’ula ne m’ar deḛ gə́ to gə́ mbáje gə́ dɔ naŋg nee gə́ sanéna̰ d’aḭ d’wa gel dəb ɓeeko̰ gə́ Po̰t, gə Galati, gə Kapadɔs, gə Asi, gə Bityni lé