Esai 56:10 - Maktub gə́ To gə Kəmee

¹⁰ Njékaa dɔ Israɛlje lai to gə́ njékəmtɔje Gə́ lal gosonégər, Deḛ lai to bisije gə́ gwɔb dee udu Gə́ d’askəm ro el, Deḛ to gə́ njénije Gə́ to naŋg ləm, D’unda ɓi ɓa dan kəm dee’g ləm tɔ.

Esai 56:10 ပူးပေါင်းရင်းမြစ်များ

2 Mbaije 12:6

maji kar njékinjanéməsje lé taa ji nana kara gə́ deḛ gəree gə mba gɔl ne mee kəi gə́ to gə kəmee, loo gə́ né gə́ kəm gɔl a to keneŋ ya.

Esai 29:10

Mbata Njesigənea̰ ɔm ndil gə́ tɔl sí gə ɓi pərəg dɔ sí’g Yeḛ libi kəm sí. (Rɔta kəm sí neelé wɔji dɔ njéteggintaje.) Yeḛ kə́ dɔ sí gə né. (Rɔta dɔ sí neelé wɔji dɔ njénékooje.)

Esai 29:9

Sije jim arje kaar sí wa sí paḭ ləm, Nibije kəm sí to gə́ seḭ toje njékəmtɔje Gə́ d’oo loo el ləm tɔ! Deḛ lé kido tɔl dee Nɛ to mán-nduú ɓa ra dee el ləm, Deḛ ləŋg Nɛ to kido gə́ mḭ ɓa oso kəm dee’g el ləm tɔ.

Esai 52:8

Ndu njéŋgəmlooje lə sí ɓar wəl, Deḛ d’ɔr ndu dee gə́ tar ləm, Deḛ d’ɔr ndu dee gə́ tar na̰’d wəl Gə ndu pa kalrɔ ləm tɔ, Mbata kəm dee-deḛ ya d’oo ne To gə́ Njesigənea̰ tel gə njé gə́ Sio̰ mba̰.

Esai 58:1

Ɔr ndui gə́ tar ɓó əw el, Ar ndui ɓar to gə́ to̰to̰ bèe, Ila mbər ar koso-dəwje d’oo ne néra kori-korije lə dee ləm, Ar gel-bɔje lə Jakob d’oo ne kaiyaje lə dee ləm tɔ.

Nɔ̰-ndôo gə́ wɔji dɔ Jerusalem 4:14

Deḛ d’ila mbir-mbir dan rəwje’g Asəna gə njékəmtɔje bèe, Məs wa rɔ dee mbəgə-mbəgə. Dəw askəm kɔrɔ rɔ kubuje lə dee el.

Ejekel 13:16

gə́ to njéteggintaje gə́ Israɛl gə́ d’aw tegginta d’wɔji ne dɔ Jerusalem ləm, deḛ gə́ d’oo némḭdije gə́ ka̰ meelɔm loo gə́ meelɔm godo lé kara d’a godo ləm tɔ. Mbaidɔmbaije gə́ Njesigənea̰ ɓa pa bèe.

Ejekel 33:6

Ɓó lé njeŋgəmloo oo to gə́ deḛ d’isi ree gə kiambas ɓa im to̰to̰ el ɓa koso-dəwje d’oo mbər ndəji lé el ar dee ree gə kiambas ree tɔl ne dəw kára ndá dèbee neelé a kudu mbata néra kori-kori ləa ya nɛ n’a tel dəji njeŋgəmloo ta məs dəw neelé gə́ wa dəa lé.

Ojee 4:6

Koso-dəwje ləm tuji Mbata deḛ gərm el. To gə́ seḭ mbad gərmje ne lé Ndá ma kara m’a mbad sí Kɔr sí ne loo-kula gə́ wɔji dɔm’g tɔ, To gə́ seḭ arje meḛ sí wəi dɔ godndu Ala’g lə sí Ndá ma kara m’a kar məəm wəi dɔ ŋgan síje’g ya tɔ.

Nahum 3:18

I mbai gə́ Asiri, njékul dəwje ləi lé toɓi, Bao-rɔje ləi d’wa rɔ dee, Koso-dəwje ləi sané na̰ dɔ mbalje’g Ndá dəw kára kara gə́ njembo̰ dee dɔ na̰’d godo.

Matiyo 15:14

Maji kar sí ya̰ deeje. Deḛ to njékəmtɔje gə́ d’ula kag ji na̰’d. Ɓó lé njekəmtɔ a ndɔr njekəmtɔ maree ndá deḛ joo bɔr d’a koso godə-bwa’g ya.

Njé gə́ Pilibə 3:2

Aaje rɔ sí dɔ bisije’g ləm, aaje rɔ sí dɔ njékulaje gə́ majel’g ləma, aaje rɔ sí dɔ njékḭja tamɔd deeje gə́ ŋgɔm lé ləm tɔ.