Esai 55:8 - Maktub gə́ To gə Kəmee

⁸ Mbata takə̰jije ləm-ma lé D’asəna gə takə̰jije lə sí-seḭ el ləm, Rəw néraje lə sí-seḭ kara To d’asəna gə rəw néraje ləm-ma el ləm tɔ, Njesigənea̰ ɓa pa bèe.

Esai 55:8 ပူးပေါင်းရင်းမြစ်များ

2 Samel 7:19

Yee gə́ nee to né gə́ lam ba bèe kəmi-i Mbaidɔmbaije gə́ Njesigənea̰’g nɛ i pata gə́ wɔji dɔ ŋgaka kura ləi mbata ndɔje gə́ d’aw ree ɓəi tɔ. See i a kar dəw oo néje neelé wa, Njesigənea̰ Mbaidɔmbaije!

2 Mbaije 5:11

Mee Naaman ḭ səa pu aree ɔd par-par aw ndá pana: Ma m’ə̰ji m’pana: Yeḛ a gə ree gə rəa ya rɔm’g kaar tar ɓar ri Ala ləa gə́ Njesigənea̰ ndá a kila jia loo gə́ ba̰ji tilam keneŋ lé gə mba kɔr ne ba̰ji lé rɔm’g wa...

Maktub gə́ wɔji dɔ Jɔb 35:5

Maji kari aa dara gərərə oo: Maji kari aa mumje oo, deḛ to dɔi’g tar nu!

Pakɔsje 25:10

Deḛ gə́ d’aa dɔ ndu manrɔ lə Njesigənea̰, gə torndia lé ndá Kila rəwje lə Njesigənea̰ lai to meekɔrjol gə kankəmta mbata lə dee.

Pakɔsje 33:11

Néje gə́ Njesigənea̰ wɔji mée’g gə mba ra lé To saar gə no̰ ləm, Néje gə́ yeḛ wɔji-kwɔji ra lé Yeḛ ra mbata lə njéboakojije lə na̰ gə goo na̰ goo na̰ ya ləm tɔ.

Pakɔsje 40:5

Rɔlel nai gə dəw gə́ ɔm mee jəb-jəb dɔ Njesigənea̰’g ləm, Yeḛ gə́ njaa gə njébeeleje gə njépa taŋgɔmje el ləm tɔ.

Pakɔsje 92:5

Ǝi Njesigənea̰, néraije lé ar rɔm lelm yaa̰, Nérai gə́ i ra gə jii lé kara M’ɔs ne pa m’al ne rɔm ya.

Gosota-Kəmkàrje 21:8

Dəw gə́ ta wa dəa lé un rəwje gə́ nduni koŋ-koŋ, Nɛ dəw gə́ ta wa dəa el lé ra né gə́ danasur.

Gosota-Kəmkàrje 25:3

Dara gə́ to tar sab ləm, kuru lə naŋg gə́ gə naŋg ləma, Gə meḛ mbaije ləm tɔ lé dum gər ya.

Esai 14:24

Njesigənea̰ gə́ njeboo-néje man rəa pa ne pana: Tɔgərɔ ya, né gə́ m’wɔji lé a teḛ ya, Né gə́ m’wɔji njaŋg lé a kaw lée’g béréré ya tɔ.

Esai 53:6

Jeḛ lai n’to j’asjena gə badje Gə́ ndəm d’ila rima-rima, Nana kara un rəw gə́ mée wɔji, Nɛ Njesigənea̰ odo néra kori-korije lə sí lai ɔm dəa’g.

Esai 58:13

Ɓó lé i ɔg rɔi kaw tar gə ndɔ-kwa-rɔ Mba ra ne né gə́ məəi ndigi Mee ndɔ’g ləm gə́ to gə kəmee el ləm, Ɓó lé i oo ndɔ-kwa-rɔ gə́ ndɔ-kal-rɔi Mba kula ne rɔnduba dɔ Njesigənea̰’g Kundá ne gə kəmee ləma, Ɓó lé i ila riɓar dəa’g Ya̰ ne goo rəwje ləi Gə ya̰ ne goo kulaje gə́ məəi ndigi, Gə taje gə́ kari ba ləm tɔ ndá

Esai 65:2

M’duu jim gə ndɔje kára-kára lai Par gə́ rɔ koso-dəwje gə́ njékɔsta-rəwje’g Gə́ njaa rəw gə́ majel’g Gə goo takə̰jije lə dee ləm,

Esai 66:18

Ma m’gər kula ra dee gə takə̰jije lə dee tɔ. Ndɔ mbo̰ ginkoji dəwje gə raŋg lai gə takɔji dəwje lai dɔ na̰’d teḛ mba̰ ndá d’a ree koo rɔnduba ləm,

Jeremi 3:1

Njesigənea̰ pana: Ɓó lé diŋgam tuba dené ləa Ɓa dené neelé ubá yá̰ Tel to dené lə dəw gə́ raŋg lé See diŋgam neelé a tel kaw rəa’g ɓəi wa. See ɓee neelé a tel mina̰ gə mbəa el wa. Nɛ seḭ lé seḭ toje asəna Gə kaiya-denéje kəm njéndigi síje gə́ bula lé Ɓa seḭ a gə tel reeje rɔm’g ɓəi! Njesigənea̰ ɓa pa bèe.

Ejekel 18:29

Gel-bɔje lə Israɛl pana: Rəw lə Mbaidɔmbaije to gə goo rəbee el. Seḭ gel-bɔje lə Israɛl, see rəw lə neḛ ɓa to gə goo rəbee el wa. See to rəwje lə sí-seḭ ɓa gə́ to gə goo rəbee el lé el wa.

Ojee 14:9

Seḭ Eprayimje, see ɗi ɓa a raje gə magə-poleje tɔɓəi wa. Ma nja m’a koo tamaji lə Eprayimje ləm, M’a kaa dɔ dee ləm tɔ, M’a to kasəna gə kag-siprɛs gə́ kamee ndòlé el mbata lə dee bèe. Seḭ a kiŋgaje kandə sí rɔm ma’g ya.

1 Samel 16:7

Nɛ Njesigənea̰ ula Samel pana: Maji kari oo rəa gə́ raga el ləm, əsé kagrea gə́ ŋgal el ləm tɔ mbata ma mbəree el. Mbata Njesigənea̰ lé oo né to gə́ dəw oo né bèe el. Dəw lé né gə́ oo gə kəmee ɓa yeḛ oo gə́ né, nɛ Njesigənea̰ lé mee dəw ɓa yeḛ oo ya.