Esai 55:6 - Maktub gə́ To gə Kəmee

⁶ Saŋje Njesigənea̰ loo gə́ kəm kiŋgá’g, Ɓareje loo gə́ yeḛ sí ne mbɔr sí’g dəb.

Esai 55:6 ပူးပေါင်းရင်းမြစ်များ

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

2 Sôrta Gḭka Israɛlje 19:3

Nɛ yeḛ iŋga néje gə́ maji məəi’g mbata i tuji magəje mee ɓee’g ləm, i wa məəi kɔgərɔ ndolè ne goo Ala ləi ləm tɔ.

Esdras 10:2

Yen ŋga Sekania, ŋgolə Jehiel gə́ to gə́ mbuna gel-bɔje’g lə Elam lé un ta ula Esdras pana: Jeḛ n’raje kaiya j’ɔs ne Ala lə sí rəw loo gə́ jeḛ n’taaje denéje gə́ ginkoji dee raŋg gə́ mee ɓee’g neelé. Nɛ lé bèe kara ɓasinè né gə́ kəm kar Israɛlje d’unda meḛ dee yel dɔ’g lé to keneŋ ya ɓəi.

Maktub gə́ wɔji dɔ Jɔb 8:5

Nɛ i lé ɓó lé i ndolè goo Ala ləm, Ɓó lé i ra ndòo rɔ Bao-siŋgamoŋ’d ləma,

Pakɔsje 14:2

Njesigənea̰ gə́ si dɔ dara gə́ tar lé Aa loo oo dəwje Mba koo see dəw kára gə́ to gə́ njekəmkàr Gə́ saŋg Ala si gən wa.

Pakɔsje 145:18

Njesigənea̰ lé si mbɔr dee-deḛ gə́ ɓar ria’g lé dəb, Deḛ lai gə́ ɓar ria gə mée kára ba bərəŋ lé.

Pakɔsje 148:14

Yeḛ ar siŋga koso-dəwje ləa tel ḭ dɔ maree’g, Yee ɓa gə́ népidi mbata lə majikojije ləa lai ləm, Mbata lə Israɛlje gə́ d’isi mbɔree’g dəb ləm tɔ. Maji kar sí pidije Njesigənea̰ ya.

Pakɔsje 27:8

M’ə̰ji goo ta gə́ i pa pana: Maji kar sí n’saŋgje loo koo kəmi lé ndá Ǝi Njesigənea̰, m’saŋg loo koo kəmi ya to!

Pakɔsje 32:6

Togə́bè ɓa maji kar deḛ lai gə́ to majikojije lé Ra tamaji ta Ala’g lé mee kàr’d gə́ rara kara ya! Lée mán bélm ḭ gə mba tur dɔ dee pubug kara A kaskəm tibi mbɔr dee nda̰ el.

Pakɔsje 34:19

Njesigənea̰ aar mbɔr deḛ gə́ ɓəŋgərə dee ti dus’g lé Yeḛ aji deḛ gə́ ndil dee unda bala tigi-tigi lé tɔ.

Pakɔsje 75:1

Pakɔs lə Asap gə́ ar bao-pa mba karee ɔs sə dee lé. D’ɔs gə ndu gwɔs pa gə́ pana: Tuji né el ɓòo.

Pakɔsje 95:7

Mbata yeḛ lé to Ala lə sí ya, Jeḛ n’toje koso-dəwje gə́ j’aar mee loo-ko̰-mu’g ləa lé ləm, Jeḛ n’toje gə́ koso-nékulje gə́ yeḛ nja o̰ sí gə jia ya ləm tɔ. Ǝi, ɓó lé seḭ asjekəm kooje ndia ɓogənè ndá

Gosota-Kəmkàrje 8:17

Deḛ gə́ d’undam dan kəm dee’g lé M’unda dee dan kəm’g ləm, Deḛ gə́ saŋgəm ndá d’iŋgam ya ləm tɔ.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 26:9

Loondul’g lé ma m’ndiŋgai ləm, Ma m’ndoli gə ŋgaw məəm bura ləm tɔ, Mbata loo gə́ rəwta-gaŋgje ləi taa dɔ naŋg nee pəl-pəl lé Ndá njé gə́ dɔ naŋg nee ndoo ne né gə́ danasur.

Esai 45:19

Ma m’pata gə goo ŋgəḭ Dan mee loo gə́ ndul njudu-njudu gə́ dɔ naŋg neelé el, Ma m’ula ŋgaka Jakob ta kára kara m’pana: Saŋgmje gə mḭdé ba lé m’pa bèe el! Ma Njesigənea̰ lé m’pata né gə́ tɔgərɔ ləm, Ma m’ila mber ta né gə́ danasur ləm tɔ.

Esai 45:22

Telje gə́ rɔm’g nee Ndá seḭ a kajije ne, Seḭ lai gə́ síje gwɔi naŋg’d lé! Mbata ma nja m’to Ala Ɓó yeḛ gə́ raŋg godo.

Esai 46:13

M’ar néra gə́ gə dɔ najee ləm ree M’aree to mbɔr sí’g dəb ɓó to əw el, Kaji ləm kara a tila gə́ tila el tɔ. M’a kar kaji to mee ɓee gə́ Sio̰’g ləm, M’a kar rɔnduba ləm ɔm dɔ Israɛlje’g ləm tɔ.

Esai 49:8

Njesigənea̰ pa togə́bè pana: Ndɔ noji’g lé m’a koo ndu sí ləm, Ndɔ kaji’g lé m’a la sə sí ləm tɔ, M’a ŋgəm sí ləm, m’a tel sí gə́ nékɔm gə ginkoji dəwje lé na̰’d ləm tɔ Gə mba tel kun ne ɓee kuree tar ləm, Mba kai ne nénduba gə́ tuji kar sí gogo lé ləm tɔ,

Esai 58:9

Togə́bè ɓa i a ɓar-ɓar ndá Njesigənea̰ a kilai keneŋ, I a ra né wəl ndá Yeḛ a pana: Yḛ̀ m’aar nee! Ɓó lé i ɔr néməməna̰ rɔi’g ila əw ləm, Gə ŋgaw jii gə́ kula ləma, Gə ta gə́ hərm gə́ pa ləm tɔ,

Esai 65:10

Loo gə́ Saron a to loo-ko̰-mu lə ŋgan nékulje ləm, Wəl-loo gə́ Akɔr a to loo-to maŋgje ləm tɔ Gə mbata lə koso-dəwje ləm gə́ d’a saŋgəm lé.

Esai 65:24

Kédé ɓa kar dee ɓar rim ɓəi ndá M’a kila dee ta’g ləm, Kédé ɓa kar dɔ ta nai meḛ dee’g ɓəi ndá M’a koo ndu dee ləm tɔ.

Jeremi 25:5

Deḛ pana: Nana kara maji karee ɔs badm tel ya̰ rəw-kabee gə́ majel ləm, ya̰ goo néra meeyèrje ləa ləm tɔ ndá seḭ a síje mee ɓee gə́ n’ar sí-seḭ gə bɔ síje-je lé saar-saar gə no̰.

Jeremi 33:3

Ɓarm ndá m’a kilai keneŋ ndá m’a kulai boo-néje gə néje gə́ to loo-kiya’d gə́ i gər el lé.

Ejekel 14:6

Gelee gə́ nee ɓa maji kam m’ula gel-bɔje lə Israɛl lai m’pana: Mbaidɔmbaije gə́ Njesigənea̰ pa togə́bè pana: Gə́ telje, ya̰je goo magəje lə sí ləm, unje kəm sí rəw dɔ néje’g lə sí gə́ mina̰ lai lé ləm tɔ.

Ejekel 33:11

Maji kam m’ula dee m’pana: Neḛ n’to njesikəmba! Mbaidɔmbaije gə́ Njesigənea̰ ɓa pa bèe, né gə́ wa mee neḛ lé to mba kar njemeeyèr wəi ɓa el nɛ karee un panjaa gə́ sigi si ne kəmba ɓa wa mee neḛ. Ɔsje badm telje, ubaje goo rəw néra gə́ majel lə sí ya̰je, see a kwəije mba ɗi tɔɓəi wa, seḭ gel-bɔje lə Israɛl.

Ejekel 8:6

Ndá yeḛ ulam pana: Ma ŋgon-dəw lé see m’oo né gə́ deḛ ra gə́ to boo-néje gə́ mina̰ gə́ gel-bɔje lə Israɛl d’isi ra loo gə́ nee’g gə mba kar neḛ n’ya̰ ne loo lə neḛ gə́ to gə kəmee neelé wa. Nɛ m’a koo boo-néraje gə́ mina̰ gə́ raŋg ya tɔɓəi.

Loo gə́ killa rea kəm Daniel’g 4:27

ndá mbai lé un ta pa pana: Babilɔn gə́ boo gə́ to neelé see to ma nja gə́ m’unda gelee mba karee to ɓee-si mbai gə goo boo-siŋgamoŋ ləm-ma ləm, gə goo boo-ronduba lə dɔmoŋ ləm-ma ləm tɔ el wa.

Ojee 10:12

Maji kar sí dubuje né gə goo meekarabasur Ndá a kinjaje né gə goo meekɔrjol tɔ, Tugaje loo-ndɔ gə́ sigi. To kàr kar sí saŋgje Njesigənea̰ Saar gə mba karee ree ɔm meekarabasur dɔ sí’g.

Amɔs 5:6

Saŋje Njesigənea̰ ndá Seḭ a síje ne kəmba ya. Ɓəlje nà banelə yeḛ a roo ŋgaka Jisəb to gə́ pər bèe, To gə́ pər gə́ roo ar dəw nai Betel Kára kara gə mba tɔlee el.

Junas 3:8

Nɛ maji kar dee d’ula kubu-kwa-ndòo rɔ dee’g, dəwje ləm, gə daje ləm tɔ kar dee d’ɔr ndu dee gə́ tar wəl no̰ ne gə kaar gəd rɔ Ala’g lé. Maji kar dəwje kára-kára lai lé d’uba goo néra deeje gə́ majel ləm, gə goo néra gə́ kərm-kərm gə́ ji dee ɓa ra lé ləm tɔ d’ya̰.

Matiyo 5:25

Maji kari ɔs rɔi ɓad mba kaw kar sí-seḭ gə njeta ləi ɔmje na̰’d yəg ɓa nà loo gə́ seḭ səa naije rəbə ɓəi lé banelə yeḛ a koso səi ta njegaŋ-rəwta’g ləm, njegaŋ-rəwta a koso səi ta njekaa dɔ daŋgai’g ləma, d’a kilai daŋgai’g ndəd ləm tɔ.

Lugu 13:25

Loo gə́ njekəi lé a kuba naŋg kḭ tar gə mba kudu takəi ɓa seḭ a naije raga ndá a kunje kudu kundaje tabidi rəw-kəi, a pajena: Mbai, mbai, ɔr rəw ar sí. Nɛ yeḛ a kila sí keneŋ pana: Ma m’gər loo gə́ seḭ ḭje keneŋ el.

Tagə́maji gə́ Ja̰ ndang 8:21

Jeju ula dee tɔɓəi pana: M’a gə kɔd kaw ndá seḭ a saŋgmje nɛ seḭ a kwəije dan kaiya’g lə sí ya. Loo gə́ m’isi m’aw gə́ keneŋ lé seḭ a kasjekəm kilaje gɔl sí keneŋ el.

Njé gə́ Epesə 3:13

Togə́bè ɓa, ma m’dəji sí mba kar sí arje némeeko̰ gə́ m’ai məəm danee’g sam-sam mbata lə sí lé ar rɔ sí wəi ne keneŋ sululu el, némeekonje neelé d’a tel to nérɔnduba lə sí ya.

Tel tura Godndu 4:29

Lée gə́ neelé ya ɓa seḭ a saŋgje Ala lə sí gə́ Njesigənea̰ keneŋ ndá seḭ a kḭgáje, ɓó lé seḭ sa̰geeje gə ŋgaw meḛ sí gə rɔ sí bura tɔ.

Tel tura Godndu 4:7

Tɔgərɔ ya, see ginkoji dəwje gə́ boo gə́ ra ɓa magə lə dee aar mbɔr dee’g dəb to gə Njesigənea̰, Ala lə sí gə́ sí mbɔr sí’g dəb loo gə́ rara gə́ jeḛ no̰ m’ɓaree keneŋ lé wa.

Ǝbrəje 2:3

ndá ɓó lé jeḛ ndoo bao dɔ boo-kaji gə́ Mbaidɔmbaije ila mberee kédé ləm, deḛ gə́ d’oo ta ləa təa’g d’ɔr ginee d’ar sí j’oo ləm tɔ ndá see j’a kiya rɔ sí ra ɓa mba kar ta wa dɔ sí el wa.

Ǝbrəje 3:13

Nɛ ndəjije na̰ gə ndɔ sí ndɔ sí saar ndəa gə́ ɓaree ɓogənè ɓəi, mba kar kaiya ər kəm dəw kára kara mbuna sí’g el ləm, mba karee aar ne gə meetɔg el ləm tɔ.