Esai 55:2 - Maktub gə́ To gə Kəmee

² See gelee ban ɓa seḭ saneje lar lə sí Dɔ né gə́ a la sə sí el lé wa. See gelee ban ɓa seḭ raje kula Mbata né gə́ as sí el lé wa. Ooje ta ləm ndá A sɔje ne né gə́ maji ləm, A kiŋgaje ne nésɔje gə́ lel lé ləm tɔ.

Esai 55:2 ပူးပေါင်းရင်းမြစ်များ

Pakɔsje 22:26

I a to gin pa pidije ləm loo-mbo̰-dɔ-na̰’g lə koso-dəwje, M’a tɔl ne ta ndukun ləm bém kəm dee-deḛ gə́ ɓəli’g.

Pakɔsje 34:11

Ŋgan toboḭje lé Ɓó ra dee ləm, lab ɔr dee ləm tɔ, Nɛ deḛ gə́ ndolè goo Njesigənea̰ lé Némaji kára kara lal dee nda̰ el.

Pakɔsje 36:8

Ǝi Ala, meemaji ləi gə́ al dɔ loo sula lé M’oo gə́ né gə́ to ŋgonkəm bèe ya! Ndil bagee ɓa dəwje saŋg njo̰loo-kula-dɔ dee keneŋ.

Pakɔsje 63:5

Gelee gə́ nee ɓa m’a kunda no̰ dɔkaisəgərə ləi Loo gə́ m’isi ne kəmba ləm, M’a kula ne jim ndiŋ gə́ tar ɓar ne rii ləm tɔ.

Teḛ-Raga 15:26

Yeḛ pana: Ɓó lé seḭ tugaje mbi sí ooje ne ndu Njesigənea̰, Ala lə sí ləm, lé seḭ raje né gə́ taa kəmee ləm, lé seḭ urje mbi sí ooje ne torndiaje ləma, lé seḭ raje godndiaje ləm tɔ ndá rɔko̰je gə́ ɓəd-ɓəd gə́ m’tuji ne njé gə́ Ejiptə lé m’a tuji sí ne el, mbata ma lé m’to Njesigənea̰ gə́ njekaji sí ya.

Gosota-Kəmkàrje 1:33

Nɛ yeḛ gə́ oo ta ləm ndá A kwa rəa gə meendakaḭ ləm, Yeḛ a si lɔm ɓó A ɓəl né majel kára kara el ləm tɔ.

Gosota-Kəmkàrje 7:23

Saar ar kandə ɓandaŋg mbudu wurndulee, Asəna gə yel gə́ ḭ kalaŋ aw uru jám’g Lal gər to gə́ to né yée bèe.

Gosota-Kəmkàrje 8:32

Bèe ɓa ɓasinè lé ŋganəmje, Ooje ta ləm, Deḛ gə́ d’aa dɔ rəw-kabmje lé Rɔlel nai sə dee ya!

Gosota-Kəmkàrje 9:5

Gə́ reeje, o̰je muru ləm ləm, Aije mán-nduú gə́ mḭ gə́ m’pélé na̰’d ləm tɔ,

Njekillamber 6:2

Dəw kára si keneŋ, Ala aree nébaoje gə némajije gə rɔnduba ləm, Né kára gə́ wɔji dəa gə́ malee rəa lé Lalee el ləm tɔ Nɛ Ala ya̰ loo aree ul ne rəa el Mbata dəw-dɔ-ɓee ɓa a kal ne rəa ya. Yee neelé to né gə́ gə mḭdé ba ya ləm, To némajel gə́ boo ya ləm tɔ.

Esai 1:19

Ɓó lé seḭ ḭje gə meḛ sí Mba koo ne ta ləm ndá Seḭ a sɔje némajije Gə́ ur dɔ mareeje mee ɓee’g neelé,

Esai 10:27

Mee ndəa’g neelé D’a taa nékodo lə dee gə́ wɔi dɔ tam sí’g ləm, D’a taa néməməna̰ lə dee gwɔb sí’g ləm tɔ, Ndá néməməna̰ lé a təd karee godo.

Esai 25:6

Njesigənea̰ gə́ njeboo-néje gɔl muru-gad Gə́ wɔji dɔ nésɔje gə́ lel ləm, Gə mán-nduú gə́ àr ŋgad-ŋgad ləm tɔ Dɔ mbal’g neelé mbata koso-dəwje lai, To nésɔje gə́ lel gə́ to ubu yaa̰ ləm, Gə mán-nduú gə́ kuree əw Gə́ àr ŋgad-ŋgad ləm tɔ.

Esai 44:20

Yeḛ munu bu pər, Mée əree aree ndəm Ndá yeḛ askəm kaji rəa pai godo ləm, Askəm pa pana: Néŋgɔm ɓa to ji neḛ’g lé a pa bèe el ləm tɔ.

Esai 46:6

Deḛ tɔr larlɔr gə́ mee ɓɔlje’g lə dee, Deḛ d’wɔji larnda gə nékwɔjee tɔ. Deḛ d’uga ne dɔ ji njelḛ̀ né Gə mba karee rəa gə́ magə. Deḛ d’unda barmba nea̰’g d’wa meḛ dee’g.

Esai 51:1

Ooje ta ləm, Seḭ gə́ njéndolè goo néra gə́ gə dɔ najee-je, Seḭ gə́ ndolèje goo Njesigənea̰! Oreeje kəm sí ndəŋ dɔ kɔr mbal gə́ d’ɔr sí kaaree’g ləm, Gə dɔ bwa gə́ Njesigənea̰ ɔr sí keneŋ lé ləm tɔ.

Esai 51:4

Koso-dəwje ləm, Sije gèŋ ooje ndum! Ginkoji dəwje ləm, Urje mbi sí gə́ rɔm’g nee! Mbata godndu a kḭ rɔm’g ləm, M’a tum gel godndum Gə mba karee to gə́ lookàr lə koso-dəwje ləm tɔ.

Esai 51:7

Ooje ta ləm, Seḭ gə́ gərje rəw néra gə́ gə dɔ najee, Seḭ dəwje gə́ godndum to dɔɓəŋgərə sí’g lé! Ɓəlje mbata rɔkul gə́ dəwje d’ila dɔ sí’g lé el ləm, Undaje bala mbata kəm sí gə́ d’ula ndòo lé el ləm tɔ.

Esai 62:8

Njesigənea̰ man rəa gə goo ji siŋgamoŋ ləa Ndá yeḛ pana: N’a kun kó ləi kar njéba̰je ləi D’ul ne rɔ dee nda̰ el ləm, Ŋgalə dəw-dɔ-ɓeeje d’a kai mán-nduú ləi Gə́ to kandə néndɔje ləi lé nda̰ el ləm tɔ.

Esai 62:9

Nɛ deḛ gə́ d’a mbo̰ kó kɔm damá lé D’a sɔ pidi ne Njesigənea̰, Deḛ gə́ d’a kinja kandə nduú lé D’a kai mee gadloo’g lə kəi ləm gə́ to gə kəmee tɔ.

Esai 65:23

Deḛ d’a ra kula karee nai rɔ dee’g kari ba el ləm, D’a koji ŋganje kar dee tuji el ləm tɔ, Mbata d’a to ginka dəwje gə́ Njesigənea̰ tɔr ndia dɔ dee’g Gə dɔ ŋgan deeje’g sə dee na̰’d.

Jeremi 12:13

Deḛ dubu kó nɛ kun ɓa d’inja ləm, Deḛ dao ne dao-dao lal kiŋga né keneŋ ləm tɔ. Maji kar sí naije gə rɔkul dɔ né gə́ seḭ injaje’g Gə goo oŋg lə Njesigənea̰ gə́ taa pər lam-lam lé.

Jeremi 17:24

Njesigənea̰ pana: Ɓó lé seḭ ooje ta lə neḛ ləm, ɓó lé mee ndɔ-kwa-rɔ’g lé seḭ a̰dje gə nékodo gə́ wɔi tarəwkɔgje’g lə ɓee-boo neelé el ləm, ɓó lé seḭ ɔrje ndɔ-kwa-rɔ lé undaje gə kəmee ləma, raje kula kára kara keneŋ el ləm tɔ ndá

Jeremi 2:13

Mbata koso-dəwje ləm ra kaiyaje joo: Deḛ d’ubam-ma gə́ m’to Kəm-rəw-mán-kaji lé d’ya̰’m ləm, D’uru bwa-manje Gə́ to bwa-manje gə́ tɔr wuyum-wuyum Gə́ mán askəm kaar keneŋ el ləm tɔ.

Jeremi 31:14

M’a kar né gə́ to ubu As njékinjanéməsje nag-nag ləm, Némajije ləm A kas koso-dəwje ləm nag-nag ləm tɔ, Njesigənea̰ ɓa pa bèe.

Ojee 12:1

Eprayimje d’aḭ dɔm gə taŋgɔm ləm, Ta sukəmloo ɓa ginkoji Israɛlje d’aḭ ne dɔm bèe ləm tɔ, Nɛ Judaje lé meḛ dee to dɔ Ala’g lé Gə́ to Njemeenda londoŋ lé.

Ojee 8:7

Mbata deḛ dubu lel Ndá lel-boo ɓa d’a kinja. D’a kinja dɔ kó nda̰ el, Ko gə́ uba aar jəm lé D’a kiŋga ndujee el tɔ, Esé ɓó lé to keneŋ ndá kara Dəw-dɔ-ɓeeje ɓa d’a sɔ ya.

Habakuk 2:13

Aa ooje, loo gə́ Njesigənea̰ gə́ njeboo-néje wɔji-kwɔji né mée’g ndá Koso-dəwje ra kula nɛ pər ɓa tujee ləm, Ginkoji dəwje gə raŋg ra kula nɛ dao ne kari ba ləm tɔ.

Matiyo 15:9

Deḛ tədkagm gə mḭdé-mḭdé ba Ndoo dee ne ndukunje gə́ to gə́ torndu dəwje ba.

Matiyo 22:4

Yeḛ ula kuraje ləa gə́ raŋg tɔɓəi pana: Ulaje kuramarmje lé pajena: Ma m’wa dɔ gɔl né ra naḭ lé jəb mba̰, maŋgje ləm, gə nékulje gə́ d’ər ndɔl-ndɔl ya ləm tɔ ndá m’tɔl dee m’wa dɔ gɔl néje lai jəb mba̰ tɔ. Gə́ reeje loo-naḭ’g lé ŋga.

Matiyo 5:6

Deḛ gə́ mal ra né gə́ gə dɔ najee ra dee asəna gə kṵdaman gə́ tɔl dee əsé ɓoo gə́ ra dee lé rɔ dee lel dee, Mbata meḛ dee a ndan tub-tub ɓəi.

Mark 7:14

Gée gə́ gogo yeḛ tel ɓar boo-dəwje gə́ rəa’g ula dee pana: Maji kar sí-seḭje lai ooje ta ləm ɓó gə gərje ginee.

Lugu 15:23

Maji kar sí ɔd aw reeje gə ŋgon maŋg gə́ ər ndɔl-ndɔl ree tɔleeje. Ar sí j’usɔje j’alje ne rɔ sí.

Tagə́maji gə́ Ja̰ ndang 6:27

Maji kar sí raje kula mba nésɔ gə́ a sané darɔ sí’g kari ba el. Nɛ raje kula mbata nésɔ gə́ a nai sə sí saar-saar gə́ a kar sí sije ne gə kəməgə́ gə no̰ lé gə́ Ŋgon-dəw a kar sí lé ya. Mbata yeḛ nja ɓa Ala Bɔ-dəwje lé ɔree unda gə kəmee gə dɔ jia.

Njé gə́ Rɔmə 10:17

Togə́bè ɓa korè mbi dɔ ta’g ɓa gə́ kuma̰ kar dəw un ne mée ləm, kɔr goo ta lə Kristi ɓa gə́ kuma̰ kar dəw orè ne mbia dɔ’g lé ləm tɔ.

Njé gə́ Rɔmə 9:31

nɛ Israɛlje gə́ ndolè goo godndu gə mba kiŋga meekarabasur neelé deḛ d’wa godee wodolo.

Tel tura Godndu 11:13

Ɓó lé seḭ tədje kag godndumje gə́ ma m’un m’ar sí ɓogənè ləm, ɓó lé seḭ undaje Ala lə sí gə́ Njesigənea̰ dan kəm sí’g gə ŋgaw meḛ sí gə rɔ sí bura ləm tɔ ndá

Ǝbrəje 13:9

Arje taje ɓəd-ɓəd gə́ d’ḭ ne raŋg lé wa meḛ sí el, maji kar noji lə Ala lé ɓa wa meḛ sí ɓiri ɓó nésɔje gə́ d’ɔr kəm dee gə mḭdé ba el.