Esai 55:13 - Maktub gə́ To gə Kəmee

¹³ Kag-siprɛs ɓa a kuba tor kunje’g ləm, Mbəə ɓa a ra tɔg tor kun-pɔrɔrɔ’g ləm tɔ, Yee ɓa a to gə́ nérɔnduba mbata lə Njesigənea̰ ləm, As to nékolé-mee gə́ to gə no̰ gə́ a tuji el ləm tɔ.

Esai 55:13 ပူးပေါင်းရင်းမြစ်များ

Pakɔsje 96:12

Maji kar ndɔje gə néje lai gə́ to keneŋ lé D’al rɔ dee ləm, Maji kar kagje lai gə́ mee kag-kɔrje’g lé Ra rɔlel ləm tɔ

Esai 19:20

Yee ɓa a to nétɔji gə nékɔrgoota lə Njesigənea̰ gə́ njeboo-néje mee ɓee gə́ Ejiptə tɔ. D’a no̰ ɓar Njesigənea̰ mbata lə deḛ gə́ to njékula kəm dee ndooje ndá yeḛ a kar dee njekaji dee ləm, gə njekaḭ bada dɔ dee’g mba kɔm dee ne tar ləm tɔ.

Esai 32:13

Gə dɔ naŋg lə koso-dəwje ləm Gə́ kunje gə kun-pɔrɔrɔje d’uba keneŋ ləma, Gə dɔ kəije lai gə́ kédé maji yaa̰ Mee ɓee-boo gə́ to ɓee-rɔlel lé ləm tɔ.

Esai 35:1

Dɔdilaloo gə ɓee gə́ tudu kurum-kurum d’a ra rɔlel, Ndag-mbo lé a si dan rɔlel’g ləm, A kidi lururu to gə́ pudu néje bèe ləm tɔ,

Esai 35:2

Puduje d’a taa loo keneŋ pəl-pəl ləm, Dɔ naŋg lé a kal rəa ləm tɔ Gə pa boo-rɔlelje gə ndu kii kun baŋga, D’a kula rɔnduba lə Liba̰ dəa’g ləm, Gə boo-ronduba lə Karmel gə Saron ləm tɔ. Ndá d’a koo nérɔnduba lə Njesigənea̰ Gə boo-ronduba lə Ala lə sí tɔ.

Esai 41:19

M’a kar kag-sɛdrə, gə kag-akasia, Gə bəe, gə koiyo d’uba na̰’d dɔdilaloo’g ləm, M’a kar kag-siprɛs, gə ɗəŋgərə, gə warəm, D’uba na̰’d loo gə́ mán godo keneŋ ləm tɔ,

Esai 43:21

Koso-dəwje gə́ m’uba dee gə mbata ləm-ma lé D’a kila mber pa pidimje.

Esai 5:6

M’a kya̰ karee tuji: Dəw a tuga barkəmee el ləm, D’a ndɔ mée el ləm tɔ, Kun-pɔrɔrɔje gə kunje d’a ra tɔg keneŋ ləm, M’a kun ndum kar loo-kil-lə-ndije Gə mba kar dee d’ar ndi ər keneŋ el ləm tɔ.

Esai 54:10

Lée mbalje d’a ŋgəs gə́ raŋg ləm, Lée dɔdərlooje d’a yə ləm tɔ kara Meenoji ləm a ŋgəs rɔ sí’g nda̰ el ləm, Maa̰ rɔ ləm gə́ wɔji dɔ meekulɔm lé M’a kya̰ gée el ləm tɔ, Njesigənea̰ gə́ to njekoo kəmtondoo lə sí ɓa pa bèe.

Esai 56:5

Ndá m’a kar dee loo mee kəi’g ləm, Gə mee ndògo’g ləm ləm, M’a kar ri dee maji unda ŋganje Gə́ diŋgam gə njé gə́ dené ləm tɔ, M’a kar dee ri dee gə́ to gə no̰ Gə́ a tuji el lé.

Esai 60:13

D’a ree gə nérɔnduba gə́ Liba̰ mee ɓee’g ləi, Yee ɓa to kag-siprɛs gə ɗəŋgərə gə warəm gə́ d’a ree ne na̰’d Gə mba ɗɔi ne loo ləm gə́ to gə kəmee, M’a kula ne rɔnduba dɔ loo-tura-gɔl-kɔm’g tɔ.

Esai 60:17

M’a kar dee ree gə larlɔr Taa ne tor larkas ləm, M’a kar dee ree gə larnda Taa ne tor larndul ləm, M’a kar larkas Taa tor kag ləma, M’a kar larndul Taa tor kɔr mbal ləm tɔ. M’a kar meekulɔm o̰ ɓee dɔi’g ləm, M’a kar néra gə́ gə dɔ najee o̰ ɓee dɔi’g ləm tɔ.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Esai 63:12

Yeḛ lé gəd jikɔl Moyis Gə kag ji rɔnduba ləm, Yeḛ kai mán dana no̰ dee’g Gə mba kar riɓar ləa to ne saar-saar gə no̰ ləm tɔ.

Esai 63:14

Ndil Njesigənea̰ ar dee d’wa rɔ dee To gə́ nékul gə́ risi gə́ wəl-loo’g bèe. Togə́bè ɓa i ɔr no̰ koso-dəwje ləi Gə mba kar ri rɔnduba ləi ɓar ne.

Esai 7:11

Maji kari dəji Ala ləi gə́ Njesigənea̰ karee ari nétɔji gə́ wɔji dɔi, dəjee né gə́ to gin naŋg’d gə́ naŋg əsé né gə́ to pə̰ dara’d gə́ tar.

Esai 7:19

D’a ree si mee ndag-wəlje’g ləm, Gə mbuna mbalje gə́ ta̰’g ləm, Gə dɔ ŋgan kagje’g lai ləma, Gə loo-ko̰-mu lə nékulje’g lai ləm tɔ.

Esai 7:24

Dəw a kandə keneŋ Gə kandə ɓandaŋgje gə kageeje ɓa Mbata mee ɓee lai lé a to kunje gə ŋgarje ya doŋgɔ.

Jeremi 13:11

To gə́ d’wa ne reŋ dəw gə ndar bèe lé neḛ kara n’tɔ gel-bɔje lə Israɛl gə gel-bɔje lə Juda lai reŋ neḛ’g togə́bè tɔ, gə mba kar dee to koso-dəwje lə neḛ ləm, gə riɓar lə neḛ ləm, gə népidi lə neḛ ləma, gə nérɔnduba lə neḛ ləm tɔ, nɛ deḛ d’un mbi dee rəw dɔ ta’g lə neḛ.

Jeremi 33:9

Ɓee-boo neelé a to nérɔlel, gə népidi, gə nékula rɔnduba mbata ləm mbuna ginkoji dəwje gə raŋg lai dɔ naŋg nee gə́ d’a koo sor meemajije lai gə́ m’ra sə dee lé. Kaar dee a kwa dee paḭ kar dee d’unda bala mbata meemajije lai ləm, gə teḛ gə́ m’ar dee teḛkɔr ləm tɔ.

Jeremi 50:5

D’a dəji rəw gə́ aw gə́ Sio̰ ləm, D’a tel kəm dee gə́ keneŋ ləm tɔ. Gə́ reeje ɔmje na̰’d gə Njesigənea̰ Gə manrɔ gə́ to gə no̰ Gə́ mee dəw a kwəi dɔ’g nda̰ el.

Ejekel 28:24

Bèe ɓa yeḛ a to kun gə́ njekɔs gɔl loo el ləm, a to ŋgar mba tuga ne gel-bɔje lə Israɛl gogo el ŋga ləm tɔ mbuna deḛ lai gə́ gugu dəa sub gə́ d’ə̰jee bəḭ-bəḭ lé. Ndá d’a gər to gə́ neḛ n’to Mbaidɔmbaije gə́ Njesigənea̰ ya.

Misee 7:4

Dəw gə́ maji ur dɔ dee’g mbuna dee’g lé To asəna gə kun pɔrɔrɔ bèe ləm, Dəw gə́ danasur ur dɔ dee’g lé Majel ur dɔ kun’g ləm tɔ. Ndɔ gə́ bo̰ néra sí a kɔs ta sí’g Gə́ njéteggintaje lə sí d’ila mberee lé nai dəb ba ŋga. Yee gə́ bèe ɓa seḭ lai meḛ sí to ne kəgəgə mba̰.

Jakari 1:8

Ma m’aa loo gərərə loondul’g ndá aa oo, dəw kára uba kunda-ndai ndá yeḛ aar mbuna bèmèje gə́ wəl-loo’g. Loo gə́ goo njekunda-ndai’g lé ndá kunda-ndaije gə kunda-ndulije d’aar keneŋ tɔ.

Lugu 2:14

Ulaje rɔnduba dɔ Ala’g lé, seḭ gə́ síje mee dara’g lé Deḛ gə́ dɔ naŋg nee gə́ taa kəmee rəgm lé d’a sí ne dan meekulɔm’g tɔ.

Tagə́maji gə́ Ja̰ ndang 15:8

Ɓó lé seḭ a̰dje gə kandə sí njim-njim ndá yee ɓa seḭ a kulaje ne rɔnduba dɔ Bɔm’g ləm, seḭ a toje njékwakilamje ləm tɔ.

Njé gə́ Rɔmə 6:19

Tapa dəwje ɓa m’un gosee m’ula sí ne mbata kunda ndolé lə darɔ sí lé. To gə́ seḭ waje dəb rɔ sí gə́ ɓər lə ram-né gə néra gə́ kori-kori mba kuru ne dan néra gə́ kori-kori’g ndá ɓasinè lé maji kar sí waje rɔ sí gə́ ɓər lə meekarabasur gə mba teḛ ne gə́ dəwje gə́ to gə kəmee lé.

2 Njé gə́ Kɔrḭtə 5:17

Ɓó lé dəw ɔm na̰’d gə Kristi ndá yeḛ to dəw-kunda lə Ala gə́ sigi ya. Ɓuga néje gə́ ləw lé sané kad mba̰, aa ooje, néje lai tel to néje gə́ sigi ya.

1 Piɛrə 4:11

Lé nana ɓa gə́ pata ndá maji karee pa kankəmta lə Ala ya. Lé nana ɓa gə́ ra kula ra Ala ndá maji karee ra gə goo siŋgamoŋ gə́ Ala a karee ya, togə́bè ɓa néje lai gə́ seḭ a raje lé Jeju Kristi a koo loo kula ne rɔnduba dɔ Ala’g tɔ. Rɔnduba ləm, gə siŋgamoŋ ləm tɔ lé to kea̰-yeḛ gə ləbee-ləbee saar-saar gə no̰ ya. Amen.