Esai 55:10 - Maktub gə́ To gə Kəmee

¹⁰ To gə́ ndi gə ndi kwɔji d’ḭ dara dər dɔ naŋg neelé Ndá deḛ tel gogo Lal kar mán dee tən naŋg əsé D’ar dɔ naŋg maji əsé d’ar muje d’idi el ləm, Lal kar njedubu-né kandə nédubu el ləma, Lal kar yeḛ gə́ sɔ né nésɔ el ləm tɔ lé

Esai 55:10 ပူးပေါင်းရင်းမြစ်များ

Pakɔsje 104:15

Gə mán-nduú mba kar rɔ dəw lelee ne ləm, Gə mba kar rəa ndɔḭ ne unda ubu ləma, Gə muru gə mba kar siŋgá to ne ləm tɔ.

Esai 30:23

Yen ŋga yeḛ a kar ndi ər dɔ nédubu gə́ seḭ dubuje dɔ naŋg’d lé Ndá kandə nésɔ gə́ dɔ naŋg a kar sí lé A lel ta sí’g ləm, a kul sí ləm tɔ, Mee ndəa gən lé koso-nékulje lə sí D’a ko̰ mu loo-ko̰-mu’g lə dee gə́ tad rəg-rəg lé.

Esai 5:6

M’a kya̰ karee tuji: Dəw a tuga barkəmee el ləm, D’a ndɔ mée el ləm tɔ, Kun-pɔrɔrɔje gə kunje d’a ra tɔg keneŋ ləm, M’a kun ndum kar loo-kil-lə-ndije Gə mba kar dee d’ar ndi ər keneŋ el ləm tɔ.

Esai 61:11

Mbata to gə́ dɔ naŋg ar kandə né gə́ dubu keneŋ lé idi ləm, To gə́ loo-kamnaḭ ar kandə néje gə́ dubu keneŋ d’uba ləm tɔ lé Mbaidɔmbaije gə́ Njesigənea̰ a kar kaji gə néra gə́ gə dɔ najee uba Kəm ginkoji dəwje gə raŋg’g lai togə́bè tɔ.

Ejekel 34:26

N’a kar dee-deḛ gə looje gə́ gugu dɔ mbal sub lé to nétɔrnduje, n’a kar ndi ər mee naḭyee-naḭyee’g ndá a to ndi gə́ ka̰ ndutɔr.

Ojee 10:12

Maji kar sí dubuje né gə goo meekarabasur Ndá a kinjaje né gə goo meekɔrjol tɔ, Tugaje loo-ndɔ gə́ sigi. To kàr kar sí saŋgje Njesigənea̰ Saar gə mba karee ree ɔm meekarabasur dɔ sí’g.

Ojee 2:21

Israɛl, m’a to njemɔr ləi gə́ gəd gə́ gə no̰ ləm, M’a to njemɔr ləi gə́ gəd gə goo meekarabasur ləm, Gə goo néra gə́ gə dɔ najee ləm, Gə goo meenoji ləma, gə goo meekɔrjol ləm tɔ.

Tel tura Godndu 32:2

Maji kar ta ndoo ləm taa loo pəl-pəl asəna gə ndi gə́ ər bèe ləm Ta ləm tɔ asəna gə mán-tàl Gə́ wa dɔ naŋg bèe ləm Asəna gə ndi dodaŋ Gə́ ər dɔ mu gə́ idi lururu’g ləma Asəna gə mán ndi Gə́ ula kəŋgəŋ-kəŋgəŋ dɔ mu’g bèe ləm tɔ!

Loo gə́ killa rea kəm Ja̰’g 11:6

Siŋga dee as kudu loo-kil-lə-ndi kar ndi ər el ndəa gə́ d’ɔr ne goo ta lé saar ləm, mba kar manje tel məs ləma, gə kunda naŋg nee kar rɔko̰je gə́ gə ria-ria oso dɔ dəwje’g to gə́ meḛ dee wɔji lé ləm tɔ.

1 Samel 23:4

Togə́bè Dabid tel dəji Njesigənea̰ ya tɔɓəi. Njesigənea̰ tel ilá keneŋ pana: Ḭta aw Keyila, mbata m’ya̰ Pilistije meḛ jii’g ya.