Esai 54:9 - Maktub gə́ To gə Kəmee

⁹ A to kasəna gə mán gə́ mee ndəa’g ka̰ Noe lé Gə́ ma m’un ne ndum dɔ’g lé, Loo gə́ ma man rɔm gə mba kar manje Gə́ to d’asəna gə manje gə́ mee ndəa’g lə Noe lé D’a taa loo pəl-pəl dɔ naŋg nee el ŋga, Togə́bè ɓa ma man rɔm Gə mba kar məəm ḭ səm pu dɔ sí’g togə́bè el ŋga ləm, Gə mba ndaŋg sí ne el ŋga ləm tɔ.

Esai 54:9 ပူးပေါင်းရင်းမြစ်များ

Gḭ-Néje 8:21

Njesigənea̰ taa baḭ né gə́ ə̰də lel ndá yeḛ pa mée’g pana: M’a Man naŋg neelé gə mbata lə dəw lé gogo el ŋga, mbata dəw lé un kudee gə́ kasee ba saar gə́ kédé-kédé lé takə̰ji gə́ mée’g majel ya, tɔɓəi m’a tel tuji néje lai gə́ d’aw kəmba lé to gə́ m’ra kédé lé el ŋga tɔ.

Maktub gə́ wɔji dɔ Jɔb 11:16

Mbata məəi a kwəi dɔ némeekonje’g ləi, Məəi a kolé dɔ’g asəna gə manje gə́ ula dəs bèe.

Pakɔsje 104:9

I wɔji rəw-nim Gə mba kar manje d’al dəa nda̰ el ləm, Gə mba kar dee tel ree Taa naŋg nee yəŋgəm-yəŋgəm gogo el ŋga ləm tɔ.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 49:18

Unje kəm sí ooje ne loo gə́ gugu dɔ sí! Deḛ lai mbo̰ dɔ na̰ ree gə́ rɔ sí’g. Njesigənea̰ pana: Ma m’to njesikəmba. Seḭ a kɔm deeje rɔ sí’g Asəna gə néra ma̰dje ləm, Seḭ a tɔ deeje reŋ sí’g To gə́ njeŋgao-sigi tɔ ne néra ma̰dje rḛgee’g bèe ləm tɔ.

Esai 51:22

Mbaidɔmbaije gə́ Njesigənea̰ lə sí, Ala lə sí gə́ aḭ bada dɔ koso-dəwje’g ləa pa togə́bè pana: Aa ooje, ma m’taa bai gə́ nékai gə́ ar dɔ dəw ila mbir-mbir to keneŋ ji sí’g To bai oŋg ləm, Seḭ a kaije gogo el ŋga!

Esai 51:6

Unje kəm sí gə́ dara ləm, Aaje loo gə́ dɔ naŋg nee ləm tɔ ooje! Mbata dara a sané kad to gə́ sa pər bèe ləm, Dɔ naŋg nee a tel ŋgisi to gə́ kubu bèe ləma, Dəwje gə́ keneŋ kara d’a kwəi mburug-mburug to gə́ kémje bèe ləm tɔ. Nɛ kaji ləm a to saar-saar gə no̰ ləm, Néra gə́ gə dɔ najee ləm kara rudee a kun el ləm tɔ.

Esai 51:8

Mbata dirije d’a kunda dee tuŋgu-tuŋgu to gə́ kubu bèe ləm, Kuruje d’a tuji dee to gə́ tuji ne kubu gə́ d’ṵji gə bḭ badje bèe ləm tɔ. Nɛ néra gə́ gə dɔ najee ləm a to saar-saar gə no̰ ləm, Kaji ləm kara a to gə ləbee-ləbee gə no̰ ləm tɔ.

Esai 55:11

Togə́bè ɓa taje gə́ teḛ tam’g lé D’a tel ree rɔm’g Lal kar née teḛ el ləm, Lal ra né gə́ məəm ndigi el ləma, Lal ra torndum kar néje gə́ m’wɔji lé d’aw lée’g béréré el ləm tɔ.

Esai 62:8

Njesigənea̰ man rəa gə goo ji siŋgamoŋ ləa Ndá yeḛ pana: N’a kun kó ləi kar njéba̰je ləi D’ul ne rɔ dee nda̰ el ləm, Ŋgalə dəw-dɔ-ɓeeje d’a kai mán-nduú ləi Gə́ to kandə néndɔje ləi lé nda̰ el ləm tɔ.

Jeremi 31:37

Njesigənea̰ pa togə́bè pana: Ɓó lé dəw askəm kwɔji tad lə dara gə́ tar ləm, Gə askəm tən gin naŋg gə́ bər ləm tɔ ndá Ma kara m’a kɔm ginkoji Israɛlje lai kɔrɔ Gə mbata néra deeje lai tɔ, Njesigənea̰ ɓa pa bèe.

Ejekel 16:42

N’a kar oŋg lə neḛ aw as lée’g béréré dɔi’g ndá i a to néra kəmkəḭ lə neḛ el ŋga, n’a kar mee neḛ to lɔm ləm, n’a kar mee neḛ ḭ sə neḛ jugugu el ŋga ləm tɔ.

Ejekel 39:20

Ta ka nésɔ’g lə neḛ lé dakasrɔ kundaje gə dakasrɔ njékal deeje gə dakasrɔ bao-rɔje gə dakasrɔ njérɔje lai lé seḭ a sɔje kaareeje as sí nag-nag, Mbaidɔmbaije gə́ Njesigənea̰ ɓa pa bèe.

Ejekel 39:29

n’a kiya sə dee kəm neḛ el ŋga ləm tɔ. Mbata n’a kar ndil neḛ ɔm dɔ gel-bɔje’g lə Israɛl, Mbaidɔmbaije gə́ Njesigənea̰ ɓa pa bèe.