Esai 54:8 - Maktub gə́ To gə Kəmee

⁸ Gə goo oŋg gə́ ram waga lé Ma m’iya sə sí kəm, Nɛ gə goo meenoji ləm gə́ to gə no̰ lé ɓa M’a koo ne kəmtondoo lə sí, Njesigənea̰ gə́ njekoga dɔ sí ɓa pa bèe.

Esai 54:8 ပူးပေါင်းရင်းမြစ်များ

Pakɔsje 103:17

Nɛ meemaji lə Njesigənea̰ lé to saar-saar Mbata lə njéɓəleeje ləm, Meekɔrjol ləa lé to saar-saar Mbata lə ŋgan meḛ ŋgan deeje ya ləm,

Pakɔsje 103:4

Yeḛ nja ɓa taai ta bwa-yoo’g ləm, Ula meemaji gə meekɔrjol to gə́ dɔgugu bèe dɔi’g ləm tɔ.

Pakɔsje 13:1

Pa lə Dabid gə́ ar bao-pa mba karee ɔs sə dee lé.

Pakɔsje 27:9

Maji kari iya səm kəmi el ləm, Maji kari ɔs ŋgonjelookisi ləi gə oŋg ŋgərəŋ el ləm tɔ. I nja ɓa to njela səm Bèe ndá maji kari ya̰’m el ləm, Ubam ya̰’m el ləm tɔ, I Ala gə́ njekajim.

Pakɔsje 30:5

Maji kar sí ɔsje pa arje Njesigənea̰, Seḭ gə́ ṵdáje dan kəm sí’g lé Maji kar sí ɔsje pa pidije ne meenda londoŋ ləa tɔ.

Esai 14:1

Mbata Njesigənea̰ a koo kəmtondoo lə ŋgaka Jakob ləm, yeḛ a mbər Israɛlje ya ləm tɔ ndá, a tel kunda dee mee ɓee’g lə dee gogo, dəw-dɔ-ɓeeje d’a kɔm sə dee na̰’d ləm, d’a kɔm na̰’d gə ŋgaka Jakob ləm tɔ.

Esai 26:20

Koso-dəwje ləm, awje mee kəije’g lə sí Ndá uduje takəi dɔ sí’g, Iyaje rɔ sí waga Saar kar oŋg lə Njesigənea̰ dəs ɓa.

Esai 40:27

Seḭ ŋgaka Jakob lé see ban ɓa seḭ paje bèe wa. Seḭ Israɛlje lé see ban ɓa seḭ paje pana: Né gə́ wɔji dɔ sí lé Iya rəa kəm Njesigənea̰’g ləm, Né gə́ kəm kar sí j’iŋgaje lé Dəs no̰ Ala’g lə sí lal karee oo ləm tɔ ɓa paje bèe wa.

Esai 45:15

Nɛ i Ala lə Israɛlje gə́ njekaji dee lé I to Ala gə́ iya rɔi.

Esai 47:6

Ma m’ar məəm ḭ səm pu dɔ koso-dəwje’g ləm, M’ila ndɔl dɔ nédɔji’g ləm Ndá ma m’uba dee m’ya̰ dee meḛ jii’g, Nɛ seḭ arje meḛ sí aw taḭ-taḭ dɔ dee’g el ləm, Seḭ arje néməməna̰ lə sí wɔi gwɔb ɓuga’g ləm tɔ.

Esai 48:17

Njesigənea̰ gə́ to njekoga dɔ sí, Njerɔkunda lə Israɛlje pa togə́bè pana: Ma nja m’to Njesigənea̰, Ala lə sí, Ma m’ndoo sí mbata maji lə sí ləm, Ma m’ɔr no̰ sí dan rəw’d Gə́ kəm kar sí njaaje keneŋ ləm tɔ.

Esai 49:10

Ɓó a tɔl dee el ləm, Kṵdaman a tɔl dee el ləma, Pər kàr gə́ nuŋga kəd-kəd gə kàr lé D’a kula kəm dee ndòo el ləm tɔ Mbata yeḛ gə́ mée aw taḭ-taḭ dɔ dee’g lé A to njekɔrno̰ dee Ndá yeḛ a kɔr no̰ dee par gə́ kəm-rəw-manje’g.

Esai 49:13

Dara, maji kari ra rɔlel! Dɔ naŋg, maji kari si gə rɔkal! Mbata Njesigənea̰ gɔl meḛ dəwje ləa ləm, Yeḛ oo kəmtondoo lə njénékəmndooje ləa ləm tɔ.

Esai 49:26

Njékula kəm sí ndooje lé M’a kar dee d’usɔ dakasrɔ dee-deḛ ya ləm, M’a kar dee d’ai məs dee karee oso kəm dee’g To gə́ mán-nduú gə́ sigi bèe ləm tɔ. Dəwje lai d’a koo to gə́ ma m’to Njesigənea̰ Gə́ njekaji sí ləm, M’to njekoga dɔ sí Gə́ to njesiŋgamoŋ lə Jakob ləm tɔ.

Esai 54:10

Lée mbalje d’a ŋgəs gə́ raŋg ləm, Lée dɔdərlooje d’a yə ləm tɔ kara Meenoji ləm a ŋgəs rɔ sí’g nda̰ el ləm, Maa̰ rɔ ləm gə́ wɔji dɔ meekulɔm lé M’a kya̰ gée el ləm tɔ, Njesigənea̰ gə́ to njekoo kəmtondoo lə sí ɓa pa bèe.

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Esai 55:3

Urje mbi sí gèŋ, Ndá gə́ reeje rɔm’g, Ooje ta ndá A síje ne kəmba. M’a kun ndum kar sí Gə ndu manrɔ gə́ to gə no̰ Gə mba kar némeemaji gə́ m’ra gə Dabid lé To ne njaŋg.

Esai 55:7

Maji kar njemeeyèr uba goo rəw ləa ya̰ ləm, Maji kar dəw gə́ njera né kori-kori uba goo takə̰jije ləa ya̰ ləm tɔ, Maji karee tel ree rɔ Njesigənea̰’g Mbata yeḛ a koo kəmtondoo ləa ləm, Maji karee tel ree rɔ Ala’g lə sí Gə́ rəa asee dɔ meekoso lemsé’g el ləm tɔ.

Esai 60:10

Dəw-dɔ-ɓeeje d’a gɔl ndògo-bɔrɔ ləi gogo ləm, Mbaije lə dee d’a tel to kuraje ləi ləm tɔ, Mbata loo gə́ oŋg ram lé ɓa m’kundai ya Nɛ gə goo meekoso lemsé ləm lé M’tel m’oo ne kəmtondoo ləi.

Esai 63:7

M’a kila mber meenoji lə Njesigənea̰ ləm, Gə pa pidije gə́ wɔji dɔ Njesigənea̰ ləm tɔ Gə goo néje lai gə́ Njesigənea̰ ra mbata lə sí. M’a pata boo-némeemajije ləa Gə́ yeḛ ra ar gel-bɔje lə Israɛl Gə goo meekaw taḭ-taḭ ləa ləm, Gə goo bao-meenoji ləa ləm tɔ.

Esai 64:7

Lé bèe kara əi Njesigənea̰, I to bɔ síje ya, Jeḛ n’toje gə́ a̰ji Nɛ i ɓa gə́ njekuba sí, Jeḛ n’toje kula gə́ jii ɓa ra.

Esai 8:17

Ma m’unda məəm yel dɔ Njesigənea̰’g, yeḛ gə́ iya kəmee gə ŋgaka Jakobje lé, m’ɔm məəm dəa’g ya.

Jeremi 31:3

Njesigənea̰ tɔjim rəa Loo gə́ əw’g ya pana: Ma ndigi sí gə meenoji gə́ to gə no̰, Gelee gə́ nee ɓa ma m’ar meemaji ləm To keneŋ mbata lə sí.

Jeremi 33:26

ma m’a kuba ŋgaka Jakob, gə ŋgaka kura ləm Dabid kya̰ dee togə́bè ləm, mbuna ŋgakeaje’g lé m’a kɔr deḛ gə́ d’a gə ko̰ dɔ ŋgaka Abrakam, gə ka̰ Isaak, gə ka̰ Jakob el ŋga ləm tɔ. Mbata m’a kar njé’g lə dee gə́ d’aw ɓee-ɓər’g tel ree ɓée ləm, m’a koo kəmtondoo lə dee ləm tɔ.

Jeremi 51:5

Mbata Ala gə́ to Njesigənea̰ gə́ njeboo-néje lé Uba Israɛlje gə Judaje ya̰ dee el Néra gə́ kərm-kərm Taa mee ɓee gə́ Kalde pəl-pəl Ar dee d’ɔs ne Njerɔkunda lə Israɛlje rəw.

Ejekel 39:29

n’a kiya sə dee kəm neḛ el ŋga ləm tɔ. Mbata n’a kar ndil neḛ ɔm dɔ gel-bɔje’g lə Israɛl, Mbaidɔmbaije gə́ Njesigənea̰ ɓa pa bèe.

Habakuk 3:2

Njesigənea̰, ma m’oo ta gə́ i pa lé Ndá ɓəl undam badə gaŋgm. Ǝi Njesigənea̰! ar kula raije d’aw lée’g béréré gə ləb dee ləb dee, Gə ləbje ləbje lé ar dee gər kula raije tɔ. Nɛ dan oŋg’d ləi lé ar məəi olé dɔ meekoso lemsé’g ləi to!

Jakari 1:15

Neḛ lé oŋg ḭ sə neḛ al dɔ neḛ sula Dɔ ginkoji dəwje gə raŋg’d gə́ to njébeeleje, Mbata kédé lé n’ar oŋg ḭ sə neḛ lam ba ya, Nɛ dee lé d’ar némeekonje lə dee ḭ dɔ maree’d gə́ kédé-kédé.

Jakari 1:16

Gelee gə́ nee ɓa Njesigənea̰ pa ne togə́bè pana: N’a gə tel ree Jerusalem gə meemaji Ndá d’a tel kunda kəi lə neḛ gogo ləm, D’a kwɔji Jerusalem gə kúla ləm tɔ.

Jakari 10:6

N’a kar siŋga Judaje ḭ dɔ maree’d gə́ kédé-kédé ləm, N’a taa dɔ njé’g lə Jisəb ləm tɔ, N’a tel ree sə dee Mbata mee neḛ aw taḭ-taḭ mbata lə dee, Ndá d’a to kasəna gə dəwje gə́ n’uba dee n’ya̰ dee kédé el lé bèe, Mbata neḛ n’to Njesigənea̰, Ala lə dee Ndá n’a koo ta lə dee ya.

2 Njé gə́ Tesalonikə 2:16

Maji kar Jeju Kristi Mbaidɔmbaije lə sí nja ləm, gə Ala Bɔ síje gə́ unda sí dan kəmee’g ləm tɔ lé d’wa sə sí noji d’ar sí j’isi ne dan meelɔm’g gə́ to gə no̰ ləm, d’ar meḛ sí to ne yel ləm tɔ lé

1 Timote 1:16

Nɛ yeḛ ar mée oso lemsé dɔm’g gə mba kar Jeju Kristi riba ne dɔ meekila ləa gə́ yeḛ ila dɔm-ma gə́ m’to gə́ doŋgɔr lə dee pərəg ləm, mba kwam gə́ nétɔji lə dee gə́ d’a gə kɔm meḛ dee dəa’g mba kisi gə kəməgə́ gə no̰ lé ləm tɔ.