Esai 54:7 - Maktub gə́ To gə Kəmee

⁷ Ma m’uba sí m’ya̰ sí, waga ba ya Nɛ gə goo boo-meenoji ləm lé M’a tel kwa sí gə́ rɔm’g.

Esai 54:7 ပူးပေါင်းရင်းမြစ်များ

Pakɔsje 106:47

Njesigənea̰, Ala lə sí, maji kari aji sí ya, Maji kari ar sí j’ḭ mbuna ginkoji dəwje gə raŋg’g mbo̰ dɔ na̰ Mba kar sí j’ilaje riɓar dɔ rii gə́ to gə kəmee doi’g lé ləm, Mba kar sí nduba rɔ sí ká m’pidii ne ləm tɔ.

Pakɔsje 107:3

Deḛ gə́ yeḛ ḭ sə dee mee ɓeeje lai Gə́ to par gə́ bər gə dɔ-gó ləm, Gə par gə́ dɔgel gə par gə́ loo gə́ baa-boo-kad to keneŋ ləm tɔ lé Maji kar dee pa togə́bè ya.

Pakɔsje 30:5

Maji kar sí ɔsje pa arje Njesigənea̰, Seḭ gə́ ṵdáje dan kəm sí’g lé Maji kar sí ɔsje pa pidije ne meenda londoŋ ləa tɔ.

Pakɔsje 30:6

Mbata oŋg ləa lé kuree əw waga ba, Nɛ meenoji ləa lé to saar-saar gə no̰. Loondul’g lé no̰ ndòo to ya, Nɛ teḛ gə́ ndɔ rad lé boo-rɔkal teḛ tɔ.

Esai 11:11

Mee ndəa’g neelé ya Mbaidɔmbaije a kun jia tar gɔl kára ya ɓəi Mba taa ne dɔ ges koso-dəwje gə́ nai lé gogo, Deḛ gə́ sanéna̰ mee ɓee gə́ Asiri, gə Ejiptə, Gə Patros, gə Etiopi, Gə Elam, gə Sineyar, gə Amat, Gə dɔgoré-looje gə́ dan baa-boo-kad’g tɔ.

Esai 11:12

Yeḛ a kun nétɔji gə́ tar kar ginkoji dəwje gə raŋg neelé d’oo To gə́ yeḛ a gə mbo̰ Israɛlje gə́ d’wa dee gə́ ɓər lé ləm, Yeḛ a mbo̰ Judaje gə́ sanéna̰ ləm tɔ Kar dee d’ḭ dɔ kum naŋg gə́ sɔ lé tel ree.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 14:1

Mbata Njesigənea̰ a koo kəmtondoo lə ŋgaka Jakob ləm, yeḛ a mbər Israɛlje ya ləm tɔ ndá, a tel kunda dee mee ɓee’g lə dee gogo, dəw-dɔ-ɓeeje d’a kɔm sə dee na̰’d ləm, d’a kɔm na̰’d gə ŋgaka Jakob ləm tɔ.

Esai 26:20

Koso-dəwje ləm, awje mee kəije’g lə sí Ndá uduje takəi dɔ sí’g, Iyaje rɔ sí waga Saar kar oŋg lə Njesigənea̰ dəs ɓa.

Esai 27:12

Mee ndəa’g neelé Njesigənea̰ a yə kandə kagje Un kudee baa-boo’g saar teḛ kəm-rəw-mán gə́ Ejiptə, Ndá yeḛ a mbo̰ sí-seḭ Israɛlje kára-kára dɔ na̰’d!

Esai 27:8

I wɔji dee kəmkàr aree as lé Loo gə́ i ar dee d’wa dee d’aw sə dee ɓee-ɓər’g Asəna gə lel-boo gə́ ḭ bər Ɔr dee aw sə dee bèe.

Esai 40:11

Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.

Esai 49:13

Dara, maji kari ra rɔlel! Dɔ naŋg, maji kari si gə rɔkal! Mbata Njesigənea̰ gɔl meḛ dəwje ləa ləm, Yeḛ oo kəmtondoo lə njénékəmndooje ləa ləm tɔ.

Esai 49:18

Unje kəm sí ooje ne loo gə́ gugu dɔ sí! Deḛ lai mbo̰ dɔ na̰ ree gə́ rɔ sí’g. Njesigənea̰ pana: Ma m’to njesikəmba. Seḭ a kɔm deeje rɔ sí’g Asəna gə néra ma̰dje ləm, Seḭ a tɔ deeje reŋ sí’g To gə́ njeŋgao-sigi tɔ ne néra ma̰dje rḛgee’g bèe ləm tɔ.

Esai 49:21

Bèe ɓa seḭ a paje meḛ sí’g pana: See na̰ ɓa oji dee ar sí wa. Mbata jeḛ n’lalje ŋganje. Jeḛ n’toje kawkadje. D’wa sí gə́ ɓər ɓa tuba sí. See na̰ ɓa odo dee wa. Jeḛ j’isije gə kar sí ba. See loo gə́ ra ɓa ŋganje neelé d’ḭ keneŋ wa.

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Esai 56:8

Mbaidɔmbaije gə́ Njesigənea̰ gə́ mbo̰ Israɛlje Gə́ sanéna̰ lé pa pana: M’a gə mbo̰ dəwje gə́ raŋg rəa’g, Rɔ njé’g ləa gə́ mbo̰ dɔ na̰ mba̰ lé.

Esai 60:10

Dəw-dɔ-ɓeeje d’a gɔl ndògo-bɔrɔ ləi gogo ləm, Mbaije lə dee d’a tel to kuraje ləi ləm tɔ, Mbata loo gə́ oŋg ram lé ɓa m’kundai ya Nɛ gə goo meekoso lemsé ləm lé M’tel m’oo ne kəmtondoo ləi.

Esai 60:4

Un kəmi aa ne looje gə́ gugu dɔi sub oo, Deḛ lai mbo̰ na̰ ree gə́ rɔi’g, Ŋganije gə́ diŋgam d’ḭ loo gə́ əw’g ree ləm, Ŋganije gə́ dené kara d’odo dee kag ji dee’g ləm tɔ.

Esai 62:4

D’a ɓari yeḛ gə́ d’ubá d’yá̰ el ŋga ləm, D’a ɓar dɔ naŋg ɓee ləi dɔnduba el ŋga ləm tɔ. Nɛ d’a ɓari yeḛ gə́ m’iŋga rɔlel rəa’g ləm, D’a ɓar dɔ naŋg ləi asəna gə dené gə́ njeŋgao ləm tɔ. Mbata Njesigənea̰ iŋga rɔlel rɔi’g ləm, Dɔ naŋg ləi iŋga ŋgabeeje ləm tɔ.

Esai 63:7

M’a kila mber meenoji lə Njesigənea̰ ləm, Gə pa pidije gə́ wɔji dɔ Njesigənea̰ ləm tɔ Gə goo néje lai gə́ Njesigənea̰ ra mbata lə sí. M’a pata boo-némeemajije ləa Gə́ yeḛ ra ar gel-bɔje lə Israɛl Gə goo meekaw taḭ-taḭ ləa ləm, Gə goo bao-meenoji ləa ləm tɔ.

Esai 66:18

Ma m’gər kula ra dee gə takə̰jije lə dee tɔ. Ndɔ mbo̰ ginkoji dəwje gə raŋg lai gə takɔji dəwje lai dɔ na̰’d teḛ mba̰ ndá d’a ree koo rɔnduba ləm,

Jeremi 51:5

Mbata Ala gə́ to Njesigənea̰ gə́ njeboo-néje lé Uba Israɛlje gə Judaje ya̰ dee el Néra gə́ kərm-kərm Taa mee ɓee gə́ Kalde pəl-pəl Ar dee d’ɔs ne Njerɔkunda lə Israɛlje rəw.

Nɔ̰-ndôo gə́ wɔji dɔ Jerusalem 3:31

Mbata Njesigənea̰ lé A kuba dəw kyá̰ gə no̰ el.

Nɔ̰-ndôo gə́ wɔji dɔ Jerusalem 3:32

Lee yeḛ ar nékəmndoo Ra dəw kara Yeḛ tel ar mée aw taḭ-taḭ dəa’g Gə goo boo-meekɔrjol ləa.

Ejekel 36:24

N’a kɔr sí mbuna ginkoji dəwje gə raŋg’g ləm, n’a kḭ sə sí mee ɓeeje’g lai mbo̰ sí dɔ na̰’d ləma, n’a tel ree sə sí mee ɓee’g lə sí gogo ləm tɔ.

Misee 4:6

Njesigənea̰ pana: Mee ndəa’g neelé N’a mbo̰ njémədje gə́ rɔ neḛ’g ləm, N’a mbo̰ deḛ gə́ n’tuba dee kédé N’ula ne kəm dee ndòo lé ləm tɔ.

Matiyo 23:37

Seḭ njéɓeeje gə́ Jerusalem, seḭ njéɓeeje gə́ Jerusalem lé seḭ gə́ tɔlje njéteggintaje gə tilaje deḛ gə́ d’ula dee rɔ sí’g gə kɔri-ərje lé see gɔl ka̰da ɓa ma m’ndiŋga rɔm mba mbo̰ sí gelm’g to gə́ ko̰ kṵja mbo̰ ne ŋganee gel bagee’g bèe nɛ seḭ ṵdamje ɓad nee ɓəi wa.

2 Njé gə́ Kɔrḭtə 4:17

Némeeko̰ gə́ ra sí waga gə́ jeḛ j’oo gə́ né gə́ əḭ el lé a to kó rɔnduba gə́ d’a kula dɔ sí’g saar-saar gə no̰, gə́ lal kwɔji ləm, gə lal kunda ŋgaŋgee ləm tɔ.

Njé gə́ Epesə 1:10

mba kar loo gə́ ndɔ gə́ wɔji dəa a kaw lée’g béréré ndá yeḛ a mbo̰ néje lai na̰’d gin Kristi’g ya, néje gə́ dara ləm, gə néje gə́ naŋg nee ləm tɔ,

Tel tura Godndu 30:3

Ala lə sí gə́ Njesigənea̰ a tel gə njé’g lə sí gə́ d’wa dee gə́ ɓər ləm, a ra sə sí meemaji ləma, yeḛ a tel mbo̰ sí dɔ na̰’d kar sí ḭje mbuna koso-dəwje’g lai gə́ Ala lə sí gə́ Njesigənea̰ sané sí mbuna dee’g lé ləm tɔ.

Maktub gə́ Jak ula ne ar ngan-Allaje 4:6

Nɛ Ala lé wa sə sí noji gə́ maji unda nje gə́ kédé, gelee gə́ nee ɓa maktub gə́ to gə kəmee lé pa ya tɔɓəi pana: Ala ɔs njébeeleje rəw nɛ yeḛ wa noji gə njékula dɔ deeje.

2 Piɛrə 3:8

Seḭ gə́ ma m’unda sí dan kəm’g lé ta kára nee ɓa ma m’ndigi kar meḛ sí wəi dɔ’g el: No̰ Mbaidɔmbaije’g lé ndɔ gə́ kára ba lé to asəna gə ləb gə́ tɔl-dɔg kəmee’g ləm, ləb gə́ tɔl-dɔg lé to asəna gə ndɔ gə́ kára ba kəmee’g ləm tɔ.