Esai 54:6 - Maktub gə́ To gə Kəmee

⁶ Mbata Njesigənea̰ tel ɓari To gə́ dené gə́ d’ubá d’yá̰ Ar kəmee to ndòo bèe ləm, Asəna gə dené gə́ təa gə ma̰dee ba Ndá tel tubá bèe ləm tɔ.

Esai 54:6 ပူးပေါင်းရင်းမြစ်များ

Gosota-Kəmkàrje 5:18

Maji kar dɔ ŋgira ma̰n ləi ai səgərə, Tɔɓəi maji kari ra rɔlel gə dené Gə́ i təa gə kasi ba,

Njekillamber 9:9

Al rɔi gə dené gə́ i undá dan kəmi’g lé Ndɔje lai gə́ i si ne kəmba gə mḭdé ba Gə́ Ala ari dɔ naŋg neelé, Ndɔje ləi lai gə́ gə mḭdé ba lé. Mbata yee ɓa gə́ né gə́ wɔji dɔi Loo gə́ i si ne kəmba loo-kula’g ləi Gə́ i ra dɔ naŋg nee.

Esai 62:4

D’a ɓari yeḛ gə́ d’ubá d’yá̰ el ŋga ləm, D’a ɓar dɔ naŋg ɓee ləi dɔnduba el ŋga ləm tɔ. Nɛ d’a ɓari yeḛ gə́ m’iŋga rɔlel rəa’g ləm, D’a ɓar dɔ naŋg ləi asəna gə dené gə́ njeŋgao ləm tɔ. Mbata Njesigənea̰ iŋga rɔlel rɔi’g ləm, Dɔ naŋg ləi iŋga ŋgabeeje ləm tɔ.

Jeremi 30:17

Nɛ Njesigənea̰ pana: M’a kajii ləm, M’a tɔ ta dooje ləi ləm tɔ. Mbata deḛ lé d’unda rii lə Dəw gə́ d’ɔsee rəw ləm, Gə Sio̰ nee gə́ dəw kára kara Ǝ̰ji dəa’g el ləm tɔ.

Ojee 2:19

M’a kɔr ri magə-Baalje təa’g Mba kar ri dee ɓar təa’g gogo el ŋga.

Malasi 2:14

Tɔɓəi seḭ pajena: See ban wa. Mbata Njesigənea̰ lé to njekoo goo ta mbuna sí-seḭ’g gə dené ji síje gə́ seḭ taa deeje gə basa sí ba lé. Deḛ lé to gə́ njela sə síje ləm, to denéje gə́ seḭ manje rɔ sí ar deeje ləm tɔ nɛ seḭ telje uba deeje ya̰ deeje ya.

Matiyo 11:28

Reeje rɔm’g, seḭ gə́ nékodo gə́ wɔi to dɔ sí’g ar sí daoje ne ɓa m’a kun dɔ sí’g.

2 Njé gə́ Kɔrḭtə 7:6

Nɛ Ala gə́ njegɔl meḛ deḛ gə́ rɔ dee wəi njururu lé yeḛ nja ɓa ar Titə teḛ dɔ sí’g gɔl ne meḛ sí,