Esai 53:7 - Maktub gə́ To gə Kəmee

⁷ Deḛ ra səa majel d’ula ne kəmee ndòo Nɛ yeḛ teḛ təa ja̰ el, Asəna gə ŋgon badə gə́ d’ɔree D’aw səa gə́ loo-tɔlee’g ləm, Asəna gə ko̰ badə gə́ təa to gə́ loo ndèmee No̰ deḛ gə́ d’inja bḭyee’g bèe ləm tɔ lé Yeḛ teḛ təa ja̰ el .

Esai 53:7 ပူးပေါင်းရင်းမြစ်များ

Pakɔsje 38:14

Nɛ ma lé m’to asəna gə njembikudu ɓó m’oo ta el ləm, M’to asəna gə njegwɔskudu gə́ teḛ təa pa ne ta el ləm tɔ.

Pakɔsje 38:15

Ma lé m’to asəna gə dəw gə́ oo ta el Ndá yeḛ oo loo kila maree ta’g el tɔ.

Pakɔsje 44:22

See Ala gə́ njegər néje gə́ to loo-kiya’g meḛ dəwje’g lé See yeḛ a kaskəm gər el wa.

Esai 50:6

M’tel girm m’ila m’ar deḛ gə́ njékṵdamje ləm, M’ila mbɔrm m’ar deḛ gə́ njétɔr mbaitamje ləm tɔ, M’o̰ kəm gə né Mbata rɔkulje gə́ d’ila dɔm’g Esé yiro gə́ tibi kəm’g lé el.

Esai 53:6

Jeḛ lai n’to j’asjena gə badje Gə́ ndəm d’ila rima-rima, Nana kara un rəw gə́ mée wɔji, Nɛ Njesigənea̰ odo néra kori-korije lə sí lai ɔm dəa’g.

Jeremi 11:19

Ma m’to asəna gə ŋgon badə gə́ kul gə́ d’aw səa gə́ loo-tɔlee’g bèe, ndá ma m’gər rəw né gə́ majel gə́ deḛ la̰ji meḛ dee’g gə mba ra səm lé el. Deḛ pana: Ar sí n’tujije kag gə ka̰dee na̰’d! Ar sí j’oreeje dɔ naŋg’d lə njésikəmbaje mba kar dəw ə̰ji dɔ ria’g gogo el ŋga.

Bula lə Israɛlje 7:27

Bɔ maŋg kára ləm, bàl badə kára ləma, ŋgon badə gə́ ra ləb kára ba ləm tɔ gə mbata nékinjaməs gə́ ka̰ roo,

Matiyo 26:63

Jeju ila təa maree’g ndag ya si. Ŋgɔ-njekinjanéməs lé un ta ulá pana: Ma mani gə ri Ala gə́ njesikəmba, ɓó lé i to Kristi, Ŋgon-Ala lé nja ndá ula sí woḭ.

Mark 14:61

Jeju ila təa maree’g ndaŋg si, ar təa teḛ ja̰ el. Ŋgɔ-njekinjanéməs tel dəjee tɔɓəi pana: See i to Kristi, Ŋgon-Ala gə́ kəm pidee lé wa.

Mark 15:5

Jeju teḛ təa ja̰ ila ta kára kara keneŋ el ar kaar Pilatə lé wá paḭ.

Lugu 23:9

Yeḛ odo taje gə́ ɓəd-ɓəd dəji Jeju nɛ Jeju teḛ təa ja̰ ilá keneŋ el.

Tagə́maji gə́ Ja̰ ndang 1:29

Bèlè lookàree Ja̰ oo Jeju si aw gə́ rəa’g ndá yeḛ pana: Aa ooje, Ŋgon badə lə Ala gə́ a gə kɔr kaiya naŋg neelé.

Tagə́maji gə́ Ja̰ ndang 19:9

Yeḛ tel aw kəi-mbai’g ndá dəji Jeju pana: See i to gə́ nawa. Nɛ Jeju teḛ təa ilá keneŋ el.

1 Piɛrə 2:23

Deḛ tajee nɛ yeḛ tel taji dee gogo el ləm, deḛ rəa meeyèr nɛ yeḛ tel gə́ ta gə́ yèr ila dee keneŋ el ləm tɔ. Nɛ yeḛ ya̰ rəa ar yeḛ gə́ njekɔrkəmta gə goo rəbee lé.

Loo gə́ killa rea kəm Ja̰’g 5:6

M’aa loo ndá loo gə́ dan kalimbai’g ləm, gə mbuna nékundaje lə Ala sɔ gə́ d’aw kəmba ləma, gə mbuna ŋgatɔgje’g ləm tɔ lé m’oo Ŋgonbad gə́ to asəna gə ŋgonbad gə́ d’inja gə́ məs ya aar keneŋ. Ŋgonbad neelé lé gajee siri ləm, kəmee siri ləm tɔ. Deḛ ɓa gə́ ndilje lə Ala gə́ siri gə́ yeḛ ula deḛ gə́ d’un loo lad-lad dɔ naŋg nee.