Esai 53:4 - Maktub gə́ To gə Kəmee

⁴ Lée togə́bè kara to nékəmndooje lə síjeḛ ɓa Yeḛ odo ɔm dəa’g ləm, Rɔ ndiri njigi-njigi lə síjeḛ ɓa Yeḛ ɓugu dəa’g ləm tɔ. Nɛ jeḛ lé j’ée gə́ dəw gə́ bo̰ nérea-yeḛ nja ɓa ɔs təa’g Ɓa Ala undá ula ne kəmee ndòo.

Esai 53:4 ပူးပေါင်းရင်းမြစ်များ

Pakɔsje 69:26

Maji kar loo-si dee tel to dɔ nduba piu-piu Ɓó ar dəwje d’isi mee kəi-kubuje’g lə dee el ya saar!

Pakɔsje 69:27

Mbata yeḛ gə́ i ɔr jii undá ne lé D’ula kəmee ndòo ləm, D’ɔr sor némeeko̰ lə dee gə́ i nja ar dee doo lé ləm tɔ.

Pakɔsje 69:8

Mbata rii-i nja ɓa dəwje tajim ne D’ar rɔkulee lé nai ne dɔm’g.

Esai 53:10

Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.

Ləbije 16:10

Bàl bya̰ gə́ téḛ gə́ wɔji dɔ Ajajel oso dəa’g lé d’a karee aar kəmba no̰ Njesigənea̰’g gə mba karee to nékoga dɔ kaiya ləm, kar dee d’yá̰ d’aree aw dɔdilaloo’g mbata lə Ajajel ləm tɔ.

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.

Bula lə Israɛlje 7:15

Bɔ maŋg kára ləm, bàl badə kára ləma, ŋgonbad gə́ ra ləbee kára ləm tɔ ɓa gə mbata nékinjaməs gə́ ka̰ roo lé,

Bula lə Israɛlje 7:45

Bɔ maŋg kára ləm, bàl badə kára ləma, ŋgon badə gə́ ra ləb kára ba ləm tɔ gə mbata nékinjaməs gə́ ka̰ roo,

Matiyo 26:37

Yeḛ ɔr Piɛrə gə ŋgalə Jebede gə́ joo lé njɔl ar dee d’aw səa. Meeko̰ un kudu kḭ səa jugugu ləm, mée tɔsee mbigi-mbigi ləm tɔ.

Matiyo 8:17

Togə́bè ɓa ta gə́ njetegginta Esai pa ləw lé aw lée’g béréré mbata yeḛ pana: Yeḛ nja ɓa odo rɔ yooje lə sí ɓugu dəa’g ləm, yeḛ ɔr rɔko̰je lə sí ɔm dəa’g ləm tɔ.

Tagə́maji gə́ Ja̰ ndang 19:7

Jibje tel d’ilá keneŋ pana: Godndu lə sí kára to gən, godndu neelé wɔji dəa gə mba karee wəi ya, mbata yeḛ nja wa rəa gə Ŋgon-Ala ya.

Njé gə́ Rɔmə 4:25

Jeju lé deḛ d’wá tɔlee gə mbata kaltaje lə sí nɛ yeḛ unda loo teḛ dan njé gə́ d’wəi’g gə mba kar sí n’toje njémeekarabasurje ya.

Njé gə́ Galati 3:13

Kristi uga sí ɔr ndɔl godndu dɔ sí’g mbata yeḛ tel to dəw gə́ ndɔl wa dəa mbata lə sí, mbata deḛ ndaŋg ta mee maktub’g pana: Nana ɓa gə́ deḛ ɗaree kaar kag’d lé ndá ndɔl yoo nai dəa’g ya.

Ǝbrəje 9:28

togə́bè ɓa Kristi kara wəi gɔl kára ba kiao gə́ ŋgaŋgee to mba kodo ne kaiyaje lə dəwje bula. Loo ree ləa gə́ gɔl joo lé yeḛ a ree mba kaji deḛ gə́ ŋginá pèrèrè lé ɓó mba taa kaiya le dee el ŋga.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

1 Piɛrə 3:18

Tɔgərɔ ya, Kristi, njemeekarabasur lé wəi gɔl kára ba kiao gə́ ŋgaŋgee mbata lə njéra né kori-korije gə mba kɔr sí ne kaw sə sí kar Ala ya, darəa ɓa deḛ tɔl nɛ Ndil ɓa tel ula kəmə mée’g gogo ɓəi.

1 Ja̰ 2:2

Yeḛ nja d’inja gə́ məs, d’udu ne bwa-kaiya lə sí lé, bwa-kaiya lə síjeḛ ɓa gə kar sí el, nɛ ka̰ dəwje lai-lai dɔ naŋg neelé nja tɔ.