Esai 53:3 - Maktub gə́ To gə Kəmee

³ Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Esai 53:3 ပူးပေါင်းရင်းမြစ်များ

Pakɔsje 69:29

Maji kar ri dee kara tuji pugudu mee maktub kəmə’g lé Ɓó gə́ ndaŋg ri dee na̰’d gə njémeekarabasurje el.

Pakɔsje 88:4

Mbata némeekonje gə́ teḛ dɔm’g lé al dɔm sula, M’to ne ta yoo’g tebdé bèe.

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Esai 50:6

M’tel girm m’ila m’ar deḛ gə́ njékṵdamje ləm, M’ila mbɔrm m’ar deḛ gə́ njétɔr mbaitamje ləm tɔ, M’o̰ kəm gə né Mbata rɔkulje gə́ d’ila dɔm’g Esé yiro gə́ tibi kəm’g lé el.

Esai 52:14

To gə́ kédé yeḛ to né gə́ ar dəwje bula ɓəl ne Mbata kəmee to ndòo yaa̰ ləm, Rɔndɔḭ ləa to asəna gə ka̰ dəw el ləm tɔ lé

Esai 53:10

Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.

Esai 53:4

Lée togə́bè kara to nékəmndooje lə síjeḛ ɓa Yeḛ odo ɔm dəa’g ləm, Rɔ ndiri njigi-njigi lə síjeḛ ɓa Yeḛ ɓugu dəa’g ləm tɔ. Nɛ jeḛ lé j’ée gə́ dəw gə́ bo̰ nérea-yeḛ nja ɓa ɔs təa’g Ɓa Ala undá ula ne kəmee ndòo.

Misee 5:1

I Betlehem, Eprata, I to ŋgon ɓee gə́ lam ba mbuna ŋgan-ɓeeje gə́ Juda ya, Nɛ yeḛ gə́ a ko̰ dəwje ləm gə́ Israɛl lé A kḭ rɔi’g ya. Gin koji ləa to gə́ kédé par-par ləm, To gə́ mee ndəaje gə́ kédé gə́ dɔtar ləm tɔ.

Jakari 11:8

Ma m’tɔb njékulbadje munda mee naḭ gə́ kára ba ya. Rɔm asm dɔ dee’g ləm, deḛ ya kara d’ḛjim bəḭ-bəḭ ləm tɔ.

Matiyo 26:67

Yee gə́ bèe ɓa deḛ tibi yiro kəmee’g ləm, deḛ tɔs kwɔjee ləma, deḛ kunda mbɔree ləm tɔ.

Matiyo 27:63

Deḛ d’ulá pana: Mbai, ta lə njesu kəm dəwje neelé to meḛ sí’g gu ɓəi mbata loo gə́ yeḛ si gə kəmee ɓəi lé yeḛ pana: ndɔ gə́ njekɔm’g munda lə neḛ ndá neḛ n’a kunda loo teḛ.

Mark 10:33

Aa ooje, j’isi j’aw gə́ Jerusalem ŋga ndá d’a gə kula Ŋgon-dəw lé ji mbai dɔ njékinjanéməsje-je’g gə ji njéndaji-maktubje’g tɔ. D’a kɔr ta yoo kɔm dəa’g ndá d’a kulá ji njépole-magəje’g tɔ.

Mark 10:34

Deḛje neelé d’a ndaji ndia kogo ne ləm, d’a tibi yiro kəmee’g ləm, d’a kundá gə ndəi-kɔb ləma, d’a tɔlee karee wəi ləm tɔ. Nɛ ndɔ gə́ njekɔm’g munda ləa lé ndá yeḛ a kunda loo teḛ dan njé gə́ d’wəi’g ya.

Mark 14:34

Yeḛ ula dee pana: Meem ḭ səm jugugu al dɔm sula saar a kas yoom, maji kar sí sije dɔkəji sí’g kəgəgə loo gə́ nee.

Mark 15:19

Deḛ kunda dəa gə kag-kɔbə ləm, deḛ tibi yiro kəmee’g ləma, deḛ rəm gə kəji dee yəm-yəm dəb ne kəm dee naŋg nea̰’g ləm tɔ.

Mark 9:12

Yeḛ ila dee keneŋ pana: Eli a ree kédé ya ndá yeḛ a gɔl néje lai kunda dee gə lée-lée. Ŋga see gelee ban ɓa deḛ ndaŋg ta mee maktub’g d’wɔji ne dɔ Ŋgon-dəw pana: Lé riri kara néurti a rəa yaa̰ ləm, d’a kḛjee ne bəḭ-bəḭ ləm tɔ wa.

Lugu 16:14

Parisiḛje gə́ to njéko̰laolarje d’aar keneŋ d’oo ta ləa lai neelé ndá deḛ kogo ne.

Lugu 19:41

Loo gə́ nai tḛ́ bèe gə mba kar dee teḛ mee ɓee’g lé ndá Jeju ila kəmee dɔ ɓee-boo’g neelé ndá no̰ gə mán kəmee dəa’g pana:

Lugu 8:53

Deḛ kogee dɔ ŋgaŋ dee’g ŋgwɔi-ŋgwɔi mbata deḛ gər gao ŋgon lé wəi jib mba̰.

Lugu 9:22

Tɔɓəi Jeju ila ta dɔ’g pana: Ŋgon-dəw lé lé riri kara néurti a rəa yaa̰ ləm, ŋgatɔgje gə mbai dɔ njékinjanéməsje-je gə njéndaji-maktubje d’a kɔsee rəw ləma, d’a tɔlee ləm tɔ nɛ ndɔ munda gogo ndá yeḛ a kunda loo teḛ loo-yoo’g.

Tagə́maji gə́ Ja̰ ndang 11:35

Jeju oso gə no̰ biriŋ.

Tagə́maji gə́ Ja̰ ndang 8:48

Jibje tel dəjee pana: See ta gə́ jeḛ m’pa kédé m’pana: I to gə́ dəw gə́ Samari gə́ ndil gə́ yèr to məəi’g lé see jeḛ m’pa rəbee’g el wa.

Tel tura Godndu 32:15

Israɛlje lé tel d’ər ndɔl-ndɔl ndá Deḛ gad kudu dee gə́ gogo ləm Deḛ tel boo ləm Gə tel d’ər ndɔl-ndɔl ləm tɔ! Ndá deḛ d’uba Ala d’yá̰ Yeḛ gə́ to njekunda dee ləm Mbal gə́ to gin kaji lə dee lé Deḛ d’ée gə́ né el ləm tɔ.

Ǝbrəje 4:15

Mbata ŋgɔ-njekinjanéməs lə sí lé askəm gər gin rəm lə sí gao ya mbata yeḛ si dan nékərje gə́ gə ria-ria to gə́ ra sí lé nɛ yeḛ tibi ne mbɔr kaiya el.

Ǝbrəje 5:7

Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.