Esai 53:10 - Maktub gə́ To gə Kəmee

¹⁰ Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.

Esai 53:10 ပူးပေါင်းရင်းမြစ်များ

Pakɔsje 110:3

Loo gə́ i mbo̰ njérɔje ləi dɔ na̰’d ndá Koso-dəwje ləi lé rɔ dee wɔilɔ ne pélé-pélé, Loo gə́ mabra uba bər ndá Siŋgai gə́ basi’g lé tel ree rɔi’g Asəna gə tàl bèe Mbuna néɗɔi-rɔ gə́ to gə kəmee’g lé.

Pakɔsje 147:11

Njesigənea̰ lé unda deḛ gə́ ɓəlee Deḛ gə́ d’unda meḛ dee yel gə́ dɔ meemaji’g ləa lé dan kəmee’g.

Pakɔsje 149:4

Mbata Njesigənea̰ ar rəa lelee dɔ dəwje’g ləa, Njénékəmndooje lé yeḛ aji dee ula ne rɔnduba dɔ dee’g tɔ.

Pakɔsje 21:4

Mbata i wa dɔ gɔl nojimeendaje tɔr ne ndui dəa’g ləm, I ula dɔgugu larlɔr gə́ àr ŋgad-ŋgad dəa’g ya ləm tɔ.

Pakɔsje 22:30

Njésiŋgamoŋje lai gə́ dɔ naŋg nee D’a sɔ né ləm, d’a kunda barmba dəb kəm dee naŋg nea̰’g ləm tɔ, Dəwje lai gə́ d’a gə tel nduji naŋg lé D’a rəm gə no̰ kəji dee yèm gə́ nea̰’g, Deḛ gə́ d’askəm kisi kəmba saar-saar el lé.

Pakɔsje 22:31

Ŋgaka deeje d’a ra né karee, D’a pata gə́ wɔji dɔ Mbaidɔmbaije kar njéboakojije lə na̰ gə́ goo dee’g.

Pakɔsje 69:26

Maji kar loo-si dee tel to dɔ nduba piu-piu Ɓó ar dəwje d’isi mee kəi-kubuje’g lə dee el ya saar!

Pakɔsje 72:17

Ria a ɓar saar-saar to gə́ kàr to ne saar-saar gə no̰ bèe ləm, Ria-yeḛ lé d’a tɔr ne ndu dee dɔ na̰’g ləma, Ginkoji dəwje gə raŋg lé d’a pana: Yeḛ lé to njerɔlel ləm tɔ.

Pakɔsje 72:7

Mee ndəaje’g neelé njera nédana a kidi pug-pug ləm, Meelɔm a kḭ dɔ maree’d gə́ kédé-kédé Saar kar ndogó lə naḭ a godo ne ləm tɔ.

Pakɔsje 89:29

N’a ra səa meemaji gə́ kédé-kédé Ɓó n’a kya̰ gée el ləm, Manrɔ gə́ neḛ man ne rɔ neḛ n’aree lé N’a karee to njaŋg gə no̰ ləm tɔ.

Pakɔsje 89:36

Neḛ n’un ndu neḛ gə rɔkubu gə goo meenda lə neḛ gɔl kára ya, See n’a kula Dabid taŋgɔm wa.

Esai 42:1

Aa ooje kura ləm gə́ m’a gə gədee, Yeḛ gə́ m’ɔree m’undá gə kəmee Gə́ rɔm lelm dəa’g. M’ɔm ndiləm dəa’g ya, Yeḛ a kila mber néra gə́ gə dɔ najee Kar ginkoji dəwje gə raŋg.

Esai 46:10

Néje gə́ d’a gə ree lé M’pa taree kédé gə́ dɔtar, Néje gə́ teḛ el ɓəi kara Ma m’pa ləw ba tɔ. Ma m’pana: Néje gə́ m’wɔji lé D’a to njaŋg gə no̰ ləm, M’a kar torndumje lai d’aw lée’g béréré ya ləm tɔ.

Esai 49:4

Ndá ma m’pana: Ma lé m’ra kula kari ba ləm, M’sané siŋgam pi Asəna gə dəw gə́ aiŋgwɔd goo lel’g bèe ləm tɔ. Tɔgərɔ ya, né gə́ wɔji dɔm lé To rɔ Njesigənea̰’g ləm, Nékoga-dɔ-jim kara To rɔ Ala’g lé ləm ləm tɔ.

Esai 53:12

Gelee gə́ nee ɓa m’a karee ne né gə́ wɔji dəa Gə dəwje gə́ boo-boo na̰’d, Yeḛ lé a kai nébanrɔ kar njésiŋgamoŋje Mbata yeḛ ḭ gə mée ya̰ rəa ar yoo ləm, Deḛ turá na̰’d gə njéramajelje ləm, Mbata yeḛ odo kaiya lə dəwje bula ɔm dəa’g ləma, Yeḛ ra tamaji mbata lə dəwje gə́ ta wa dɔ dee ləm tɔ.

Esai 54:3

Mbata i a taa loo par gə́ dɔ jikɔl ləm, gə dɔ jigel ləm tɔ, Ŋgakaije d’a taa loo pəl-pəl mbuna ginkoji dəwje gə raŋg’g, D’a rusu ɓee-booje gə́ to nduba lé.

Esai 61:9

D’a gər ginkoji dee mbuna ginkoji dəwje gə raŋg’g ləm, Gə ŋgaka deeje mbuna koso-dəwje’g ləm tɔ. Deḛ lai gə́ d’a koo dee lé D’a gər gao To gə́ deḛ to gə́ ginkoji dəwje Gə́ Njesigənea̰ tɔr ndia dɔ dee’g.

Esai 66:22

Tɔgərɔ ya, to gə́ dara gə́ sigi gə naŋg gə́ sigi gə́ m’a gə kunda dee lé d’a to njaŋg nɔm’g lé togə́bè ɓa ŋgaka síje ləm gə ri sí ləm d’a to njaŋg nɔm’g bèe ya tɔ. Njesigənea̰ ɓa pa bèe.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Jeremi 32:41

Rɔm a lelm mba kam m’ra sə dee meemaji ndá m’a ma̰a dee tɔgərɔ mee ɓee’g neelé gə meendakaḭ gə ŋgaw məəm bura ya.

Ejekel 33:11

Maji kam m’ula dee m’pana: Neḛ n’to njesikəmba! Mbaidɔmbaije gə́ Njesigənea̰ ɓa pa bèe, né gə́ wa mee neḛ lé to mba kar njemeeyèr wəi ɓa el nɛ karee un panjaa gə́ sigi si ne kəmba ɓa wa mee neḛ. Ɔsje badm telje, ubaje goo rəw néra gə́ majel lə sí ya̰je, see a kwəije mba ɗi tɔɓəi wa, seḭ gel-bɔje lə Israɛl.

Ejekel 37:25

D’a si mee ɓee gə́ n’ar kura lə neḛ Jakob gə́ bɔ síje-je d’isi keneŋ lé, deḛ gə ŋgan deeje-je gə ŋgan meḛ ŋgan deeje d’a si keneŋ saar-saar gə no̰, ndá kura lə neḛ Dabid a to mbai lə dee saar-saar gə no̰ tɔ.

Loo gə́ killa rea kəm Daniel’g 9:24

Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Misee 7:18

See Ala gə́ raŋg gə́ njekar mée oso lemsé dɔ néra gə́ kori-kori’g ləm, Gə njekar mée wəi dɔ kaiyaje’g Le ges dəwje gə́ to nékea̰je ləm tɔ lé ɓa ra wa. Yeḛ ŋgəm oŋg ləa saar-saar gə no̰ el Mbata meekoso lemsé ɓa taa kəmee ya.

Soponi 3:17

Njesigənea̰, Ala lə sí si mbuna sí’g Yeḛ to bao-rɔ gə́ to njekaji sí, Yeḛ a kar sí toje nérɔlel ləa gə́ boo, Yeḛ a kila təa maree’g gə goo meenoji ləa, Yeḛ a kal rəa gə boo-rɔkal mbata lə sí tɔ.

Jakari 13:7

Njesigənea̰ gə́ njeboo-néje ɓa pa togə́bè pana: Kiambas, maji kari ḭta rɔ gə njekulbadje ləm ləm Gə yeḛ gə́ to njeboalookaw ləm ləm tɔ. Maji kari tɔl njekulbadje ar badje d’aḭ sané na̰ kad-kad. Bèe ɓa n’a tel gə ji neḛ par gə́ rɔ dee gə́ siŋga dee godo’g lé.

Bula lə Israɛlje 7:15

Bɔ maŋg kára ləm, bàl badə kára ləma, ŋgonbad gə́ ra ləbee kára ləm tɔ ɓa gə mbata nékinjaməs gə́ ka̰ roo lé,

Matiyo 17:5

Ta gə́ pa nai təa’g ɓəi ndá mum ree liriri dəb dɔ dee’g rigim ar ndu dəw ɓar mee mum’g neelé wəl pana: Yeḛ neelé to Ŋgonəm gə́ gəd-gəd gə́ m’undá dan kəm’g gə́ taa kəm rəgm ya. Taaje ta təa’g.

Matiyo 3:17

Tɔɓəi aa oo, ndu dəw ɓar mee dara’g wəl pana: Yeḛ neelé to ŋgonəm gə́ gəd-gəd gə́ m’undá dan kəm’g, yeḛ taa kəm rəgm ya.

Lugu 1:33

Yeḛ a ko̰ɓee dɔ gel-bɔje’g lə Jakob saar-saar gə no̰ ndá ɓeeko̰ ləa lé rudee a godo.

Tagə́maji gə́ Ja̰ ndang 1:29

Bèlè lookàree Ja̰ oo Jeju si aw gə́ rəa’g ndá yeḛ pana: Aa ooje, Ŋgon badə lə Ala gə́ a gə kɔr kaiya naŋg neelé.

Tagə́maji gə́ Ja̰ ndang 12:24

Ma m’ula sí təsərə, kandə kó gə́ oso naŋg lé ɓó lé wəi el ndá a to kára ba kiao ya, nɛ ɓó lé wəi ndá a koji maree gə́ kédé-kédé.

Tagə́maji gə́ Ja̰ ndang 13:32

Ɓó lé Ala iŋga rɔnduba rəa-yeḛ’g ndá Ala kara a kula rɔnduba kea̰-yeḛ dəa’g tɔ, waga ba bèe ndá yeḛ a kula rɔnduba dəa’g ŋga.

Njé gə́ Rɔmə 6:9

mbata jeḛ n’gər gao Kristi gə́ teḛ dan dəwje gə́ d’wəi’g lé a tel kwəi gogo el ləm, yoo kara a ɓar ria gogo el ŋga ləm tɔ.

Njé gə́ Rɔmə 8:32

Ŋgon mée kara yeḛ yá̰ ar sí ɓó ŋgəmee rəa’g el, nɛ ɓəd ɓa see néje gə́ raŋg lai-lai lé see a kɔg sí tɔɓəi wa.

Njé gə́ Rɔmə 8:8

Bèe ɓa deḛ gə́ d’wa goo rɔ dee dɔ darɔ’g ndá loo taa kəm Ala asəna̰’d ar dee el ŋga.

2 Njé gə́ Kɔrḭtə 5:21

Yeḛ gə́ kaiya ɓar ria el lé Ala telee gə́ darɔ kaiya gə́ doŋgɔ mbata lə sí ɓó gə mba tel síjeḛ gə́ j’ɔm səa na̰’d lé kar sí n’to ne darɔ meekarabasur gə́ doŋgɔ gə́ ka̰ Ala lé.

Njé gə́ Galati 3:13

Kristi uga sí ɔr ndɔl godndu dɔ sí’g mbata yeḛ tel to dəw gə́ ndɔl wa dəa mbata lə sí, mbata deḛ ndaŋg ta mee maktub’g pana: Nana ɓa gə́ deḛ ɗaree kaar kag’d lé ndá ndɔl yoo nai dəa’g ya.

Njé gə́ Epesə 1:5

Yeḛ kuma̰ sí ne mée’g gə goo kunda gə́ yeḛ unda sí dan kəmee’g lé mba kar sí n’toje ne ŋganɓaaje ləa gin Jeju Kristi to gə́ mée ɓa wɔji lé.

Njé gə́ Epesə 1:9

Yeḛ ar sí n’gər ne né gə́ mée wɔji gə́ to loo-kiya’g gə goo némeemaji gə́ yeḛ nja wɔji-kwɔji mba ra lé ɓa

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

2 Njé gə́ Tesalonikə 1:11

Gelee gə́ nee ɓa, jeḛ n’ra ne tamaji ta-ta mbata lə sí mba kar Ala lə sí ar néra sí wa bua ɓar gə́ yeḛ ɓar sí ləm, mba kar mbɔl dɔ siŋgamoŋ ləa ɓa némeemajije ləa lai gə́ yeḛ wɔji-kwɔji ra lé a kɔr dɔ njal ləma, meekun lə sí a ra née karee ɔr ne njal ləm tɔ.

Ǝbrəje 2:13

Tɔɓəi yeḛ pa pana: M’a kɔm məəm dəa’g. Yeḛ pa tɔɓəi pana: Aa oo, ma gə ŋganəmje gə́ Ala ɓa am dee.

Ǝbrəje 7:27

Ŋgɔ-njékinjanéməsje gə́ neen lé ndɔ dee ndɔ dee d’inja nékinjanéməsje mba kuga ne kaiya lə dee-deḛ nja kédé ɓa ka̰ koso-dəwje lé ɓəi. Nɛ kea̰-yeḛ lé to togə́bè el. Mbata yeḛ ya̰ rəa ar yoo tel ne nékoga-kaiya lə dəwje gɔl kára ba kiao gə́ ŋgaŋgee.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

1 Piɛrə 2:24

Yeḛ nja ɓa odo kaiyaje lə sí ɔm dəa’g aw ne kaar kag’d mba kar sí j’oo rɔ sí gə́ yoo-dəwje dɔ kaiya’g lə sí ɓa j’isi ne kəmba dɔ néra gə́ ka̰ meekarabasur lé. Dooje gə́ yeḛ iŋga lé gə́ kuma̰ kar ta doo lə sí ər ne kəmsə.

Loo gə́ killa rea kəm Ja̰’g 1:18

Neḛ n’to gə́ dɔtar ləm, n’to gə́ rudu ləma, n’to Njesikəmba ləm tɔ. Neḛ n’wəi kédé mba̰, nɛ aa oo, n’isi kəmba gə ləb neḛ-ləb neḛ gə no̰. Nékɔrtarəw lə yoo gə ɓee lə njé gə́ d’wəi lé n’wa ji neḛ’g.