Esai 52:8 - Maktub gə́ To gə Kəmee

⁸ Ndu njéŋgəmlooje lə sí ɓar wəl, Deḛ d’ɔr ndu dee gə́ tar ləm, Deḛ d’ɔr ndu dee gə́ tar na̰’d wəl Gə ndu pa kalrɔ ləm tɔ, Mbata kəm dee-deḛ ya d’oo ne To gə́ Njesigənea̰ tel gə njé gə́ Sio̰ mba̰.

Esai 52:8 ပူးပေါင်းရင်းမြစ်များ

Pakɔsje 102:22

Gə mba kar dee d’ila mber ri Njesigənea̰ mee ɓee gə́ Sio̰’g lé ləm, Gə ta pideeje mee ɓee gə́ Jerusalem’g ya ləm tɔ

Pa gə́ ur dɔ paje 3:3

Njéŋgəmlooje gə́ d’aw gugu dɔ ɓee-boo lé D’iŋgam ndá m’dəji dee m’pana: See seḭ ooje yeḛ gə́ m’ndigee gə ŋgaw məəm bura lé el wa.

Pa gə́ ur dɔ paje 5:7

Njéŋgəmlooje gə́ d’aw njaa Gugu dɔ ɓee-boo lé d’iŋgam, Deḛ kundam d’am doo. Deḛ d’wam taa kubu-kila-dɔ’g ləm Deḛ gə́ to njéŋgəm ndògo-bɔrɔje-je lé.

Esai 24:14

Deḛ d’ɔr ndu dee gə́ tar wəl gə rɔkal, Deḛ gə́ d’ḭ dɔ-gó lé d’ɔs pa D’ula ne rɔnduba dɔ Njesigənea̰’g.

Esai 26:1

Mee ndəa’g neelé d’a kɔs pa nee mee ɓee gə́ Juda pana: Ɓee-boo lə sí lé siŋgá to yaa̰, Njesigənea̰ aa dɔ ndògo-bɔrɔ ləa ləm, Yee aa dɔ gadloo-kula-rɔ sí keneŋ ləm tɔ.

Esai 27:2

Mee ndəa’g neelé Ɔsje pa gə́ wɔji dɔ loo-ndɔ-nduú.

Esai 30:26

Ndogó lə naḭ a tel to to gə́ ka̰ kàr bèe ləm, Kɔs lə kàr lé siŋgá a kur dɔ kɔs’g ləa gə́ ndɔ kára as gɔl siri ləm tɔ Loo gə́ Njesigənea̰ a tɔ ta doo lə koso-dəwje ləa Kar ta dooje gə́ d’iŋga loo gə́ yeḛ kunda dee lé ər kəmsə.

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 40:9

Seḭ gə́ síje Sio̰ lé Ubaje dɔ mbal gə́ ŋgal léŋgé-léŋgé Gə mba kila mber ta gə́ maji, Seḭ gə́ síje Jerusalem lé Ɔrje ndu sí gə́ tar wəl Gə mba kila mber ta gə́ maji, Ɔrje ndu gə́ tar ɓó ɓəlje el, Ulaje ɓee-booje gə́ Juda pajena: Aa ooje Ala lə sí lé,

Esai 48:20

Undaje loo mee ɓee gə́ Babilɔn teḛje ləm, Ḭje dan Kaldeje’g aḭje ləm tɔ! Paje gə ndu kalrɔ, ilaje ne mberee Ar deḛje gə́ d’isi gwɔi naŋg’d d’oo taree Pajena: Njesigənea̰ uga dɔ kura ləa Jakob!

Esai 56:10

Njékaa dɔ Israɛlje lai to gə́ njékəmtɔje Gə́ lal gosonégər, Deḛ lai to bisije gə́ gwɔb dee udu Gə́ d’askəm ro el, Deḛ to gə́ njénije Gə́ to naŋg ləm, D’unda ɓi ɓa dan kəm dee’g ləm tɔ.

Esai 58:1

Ɔr ndui gə́ tar ɓó əw el, Ar ndui ɓar to gə́ to̰to̰ bèe, Ila mbər ar koso-dəwje d’oo ne néra kori-korije lə dee ləm, Ar gel-bɔje lə Jakob d’oo ne kaiyaje lə dee ləm tɔ.

Esai 62:6

I ɓee gə́ Jerusalem, ma m’unda njéŋgəmlooje dɔ ndògo-bɔrɔje’g ləi, D’a si dɔ mundu dan kàrá əsé loondul’g el, Seḭ gə́ arje mee Njesigənea̰ olé dɔ Jerusalem’g lé Loo-kwa-rɔ lə sí godo!

Jeremi 31:12

D’a ree ra ne wəl gə rɔlel Dɔ dɔdərlooje gə́ Sio̰, D’a kaiŋgwɔd gə́ dɔ némajije’g Le Njesigənea̰ gə́ to wa ləm, Gə mán-nduú gə́ sigi ləm, gə ubu ləm, Gə badje ləma, gə maŋgje ləm tɔ, Meḛ dee a to kasəna gə loo-kamnaḭ Gə́ saga mán keneŋ bèe Ndá d’a si dan némeeko̰’g el ŋga.

Jeremi 32:39

M’a kar meḛ dee gə panjaa dee to asəna kára ba mba kar dee ɓəlm saar gə no̰ mbata maji lə dee-deḛ ləm, gə ka̰ ŋgan deeje-je gə́ goo dee’g ləm tɔ.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Jeremi 33:7

M’a tel gə Judaje gə Israɛlje gə́ d’wa dee ɓər lé ree sə dee ɓée, ree kunda dee kar dee d’isi to gə́ kédé lé ya.

Jeremi 6:17

M’unda njéŋgəmlooje mbɔr sí’g dəb, Urje mbi sí gèŋ gə mba kooje ne ndu to̰to̰! Nɛ deḛ d’ilá keneŋ pana: Jeḛ j’a kurje mbi sí el.

Ejekel 3:17

Ma ŋgon-dəw lé n’undam gə́ njeŋgəmloo mbata gel-bɔje lə Israɛl. M’a koo ta gə́ teḛ ta neḛ’g ndá m’a kula dee mbata lə neḛ.

Ejekel 33:7

Ma ŋgon-dəw lé neḛ n’undam gə́ njeŋgəmloo mbata gel-bɔje lə Israɛl. M’a koo ta gə́ ḭ ta neḛ’g ndá m’a ndəji dee kar neḛ.

Soponi 3:9

Yen ŋga n’a togo ta koso-dəwje karee àr ŋgad-ŋgad Gə mba kar dee-deḛ lai ɓar ne ri Njesigənea̰ ləm, Gə mba kar dee d’ɔm na̰’d téréré D’wa ne neḛ meḛ dee’g ləm tɔ.

Jakari 12:8

Mee ndəa’g neelé Njesigənea̰ a kaḭ bada dɔ njé gə́ Jerusalem’g ndá njerəm gə́ dan dee’g mee ndəa’g neelé siŋgá a kasəna gə ka̰ Dabid bèe ləm, gel-bɔje lə Dabid d’a to kəm dee’g asəna gə Ala bèe ləma, d’a to kasəna gə kura lə Njesigənea̰ gə́ dara no̰ dee’g bèe ləm tɔ.

Néra Njékaḭkulaje 2:1

Loo gə́ kàr ndɔ Pa̰dekɔt teḛ mba̰ ndá deḛ lai d’wa dɔ na̰ loo kára ba.

Néra Njékaḭkulaje 4:32

Koso-dəwje gə́ d’un meḛ dee neelé d’ɔm meḛ dee na̰’d sad d’isi d’asəna gə dəw gə́ kára ba bèe. Dəw kára kara mbuna dee’g oo néje ləa gə́ né kea̰-yeḛ nja gə karee el, nɛ deḛ lai d’oo néje lə dee gə́ ka̰ na̰ ya.

1 Njé gə́ Kɔrḭtə 1:10

Ŋgakɔmje, ma m’ndəji sí gə ri Mbaidɔmbaije lə sí Jeju Kristi mba kar tapa sí aw na̰’d kára ba ɓó kar ta tḭ-na̰ oso mbuna sí’g el. Maji kar sí ndaje meḛ sí kaḭ gə na̰ mba kar takə̰ji lə sí aw na̰’d kára ba ya.

1 Njé gə́ Kɔrḭtə 13:12

Ɓogənè lé jeḛ j’oo loo puduru asəna gə dəw gə́ oo kəmee tatara’g ɓəi, nɛ ndɔ gə́ raŋg j’a koo loo njai-njai ya. Ɓogənè ma m’gər né m’aw dɔ’g puduru-puduru, nɛ ndɔ gə́ raŋg ndá m’a gər né təsərə to gə́ deḛ gərm ma lé tɔ.

Ǝbrəje 13:17

Ilaje ŋgonkoji dɔ njékɔrno̰ síje’g gə́ d’aḭ bada dɔ sí’g, ḭje kalaŋ-kalaŋ no̰ dee’g, mbata loo gə́ d’a kula njea taree ndá d’a kulá gə ŋgaŋ kogo. Ɓó lé d’a kulá taree gə rɔkim ndá lé a maji dɔ sí’g el.

Loo gə́ killa rea kəm Ja̰’g 18:20

Seḭ gə́ dara lé raje rɔlel dəa’g! Seḭ gə́ njémeendaje gə njékaḭkulaje gə njéteggintaje lé alje rɔ sí to! Mbata Ala ila ta dəa’g ra ne ta lə sí gə goo rəbee mba̰.

Loo gə́ killa rea kəm Ja̰’g 19:4

Ŋgatɔgje rɔ-joo-gir-dee-sɔ gə nékundaje lə Ala gə́ d’aw kəmba sɔ lé d’ula dɔ dee naŋg d’wa Ala gə́ si kalimbai’g lé meḛ dee’g, deḛ pana: Amen! Aleluia!