Esai 52:6 - Maktub gə́ To gə Kəmee

⁶ Gelee gə́ nee ɓa koso-dəwje ləm d’a gər ne rim. Gelee gə́ nee ɓa mee ndəa’g neelé d’a gər gao to gə́ to ma nja ɓa m’pata: aa ooje yén m’aar nee.

Esai 52:6 ပူးပေါင်းရင်းမြစ်များ

Pakɔsje 48:10

Ǝi Ala, meemaji ləi lé jeḛ j’ə̰ji taree meḛ sí’g Dan mee kəi’g ləi gə́ to gə kəmee.

Teḛ-Raga 3:13

Moyis ulá pana: M’a kaw rɔ Israɛlje’g ŋga, m’a kula dee pana: Ala lə bɔ síje-je ɓa ulam rɔ sí’g. Nɛ ɓó lé deḛ dəjim pana: See ria lə na̰ wa ndá ŋga, see ta ɗi ɓa m’a kila dee keneŋ wa.

Teḛ-Raga 33:19

Njesigənea̰ ilá keneŋ pana: M’a kar némeemajije ləm lai dəs nɔḭ’g ləm, m’a kila mber ri Njesigənea̰ nɔḭ’g ləm tɔ, yeḛ gə́ ma m’ndigi kwa səa noji lé m’a kwa səa noji ya ləm, yeḛ gə́ ma m’ndigi koo kəmtondoo ləa kara m’a koo kəmtondoo ləa ya ləm tɔ.

Teḛ-Raga 6:3

Ma m’teḛ dɔ Abrakam’g gə dɔ Isaak’g gə dɔ Jakob’g tɔ, m’teḛ dɔ dee’g gə́ Ala gə́ Bao-Siŋgamoŋ lé ya, nɛ gin rim gə́ to Njesigənea̰ lé ɓa deḛ gər el.

Esai 40:9

Seḭ gə́ síje Sio̰ lé Ubaje dɔ mbal gə́ ŋgal léŋgé-léŋgé Gə mba kila mber ta gə́ maji, Seḭ gə́ síje Jerusalem lé Ɔrje ndu sí gə́ tar wəl Gə mba kila mber ta gə́ maji, Ɔrje ndu gə́ tar ɓó ɓəlje el, Ulaje ɓee-booje gə́ Juda pajena: Aa ooje Ala lə sí lé,

Esai 42:9

Aa ooje, néje gə́ dɔtar D’aw lée’g béréré mba̰ Ndá néje gə́ sigi ɓa m’ula sí taree, Kédé ɓa kar dee teḛ ɓəi lé Ma m’ɔr gée m’ar sí ya.

Esai 49:23

Mbaije d’a to njéŋgəm ŋgan síje ləm, Ŋgan deeje gə́ dené d’a to njékul dee gə nésɔje ləm tɔ, Deḛ d’a kunda barmba dəb kəm dee naŋg no̰ sí’g ləm, D’a bɔr kor gɔl sí’g ləm tɔ. Ndá seḭ a gərje gao To gə́ ma m’to Njesigənea̰, Bèe ɓa deḛ gə́ d’unda meḛ dee yel dɔm’g ndá Rɔkul a dəb dɔ dee’g el.

Esai 60:16

I a taa némajije lə ginkoji dəwje gə raŋg To gə́ ŋgon il ne mbà kea̰je bèe ləm, I a taa ka̰ mbaije kara togə́bè ləm tɔ. Bèe ɓa i a gər ne to gə́ ma m’to Njesigənea̰ Gə́ to njekajii ləm, gə njekoga dɔi Gə́ to njesiŋgamoŋ lə Jakob ləm tɔ.

Jeremi 31:34

Dəw kára kara a ndoo maree əsé ŋgokea̰ pana: Maji kar sí gərje Njesigənea̰ a pa bèe el! Mbata dəwje lai d’a gərm təsərə un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. Njesigənea̰ pa bèe. Mbata məəm a koso lemsé dɔ néra kori-kori’g lə dee ləm, m’a kar məəm olé dɔ kaiya ra dee’g el ŋga ləm tɔ.

Ejekel 20:44

Yen ɓa seḭ a gərje ne to gə́ neḛ n’to Njesigənea̰ loo gə́ n’a ra sə sí né gə mba ri neḛ ɓó gə goo panjaa sí gə́ majel əsé néraje lə sí gə́ mina̰ lé el, əi gel-bɔje lə Israɛl. Mbaidɔmbaije gə́ Njesigənea̰ ɓa pa bèe.

Bula lə Israɛlje 23:19

Ala to dəw ɓa a pa taŋgɔm el ləm, Yeḛ to ŋgolə dəw ɓa a pata tel ne ndia el ləm tɔ. Ta gə́ yeḛ pa lé see yeḛ a ra née el wa. Né gə́ yeḛ wɔji njaŋg lé see yeḛ a ra karee ɔr njal el wa.