Esai 52:5 - Maktub gə́ To gə Kəmee

⁵ Ndá Njesigənea̰ pana: Ɓasinè, see m’a ra ban ɓa loo gə́ deḛ d’ɔr koso-dəwje ləm kari ba lal lar lé wa. Njesigənea̰ pana: Njékorè dɔ dəwje naŋg lé ra né wəl-wəl ləm, teḛ gə ndɔ saar kàr ur naŋg jigi lé d’ula sul dɔ rim’g ləm tɔ.

Esai 52:5 ပူးပေါင်းရင်းမြစ်များ

2 Samel 12:14

Nɛ to gə́ né gə́ i ra lé ar njéba̰je lə Njesigənea̰ d’ila ne ndɔl dəa’g ndá ŋgon gə́ yeḛ ojee lé a kwəi tɔ.

Pakɔsje 44:12

I ya̰ sí to gə́ badje gə́ d’a gə tɔl dee sɔ dee bèe ləm, I sané sí ne kad-kad mbuna ginkoji dəwje gə raŋg’g ləm tɔ.

Pakɔsje 44:16

Nérɔkul ləm lé to nɔm’g Ar kəm sɔḭ dəb ne dɔm’g ta-ta

Pakɔsje 74:10

Ǝi Ala, saar ndɔ gə́ ra ɓa njekula kəmloondoo lé a kila ndɔl dɔ loo’g Esé njeba̰ lé a kḛji ne rii bəḭ-bəḭ lal kəw ne rəa ɓəi wa.

Pakɔsje 74:18

Maji kari gər gao, to gə́ njeba̰ lé Ila ndɔl dɔi-i Njesigənea̰’g ləm, Koso-dəwje gə́ to mbəje lé D’ə̰ji rii bəḭ-bəḭ ləm tɔ.

Teḛ-Raga 3:7

Njesigənea̰ pana: Ma m’oo kəmtondoo lə koso-dəwje ləm gə́ d’isi Ejiptə, m’oo ndu no̰je lə dee gə́ njékula kəm dee ndooje d’ar dee no̰ ne ləm tɔ, mbata ma m’gər némeekonje lə dee gao ya.

Esai 22:16

See ɗi ləi to loo gə́ nee’g wa. See dəw ləi to loo gə́ nee’g Ɓa i uru bwa-dɔɓar loo gə́ nee’g gə mbəa wa. Yeḛ uru bwa-dɔɓar dɔ loo gə́ tar ləm, Yeḛ sɔi loo-siée kaar mbal’g ləm tɔ.

Esai 37:28

Nɛ neḛ n’gər loo gə́ i si naŋg ləm, Gə loo gə́ i teḛ raga əsé andə kəi ləma, Gə loo gə́ məəi ḭ səi jugugu dɔ neḛ’g ləm tɔ.

Esai 37:6

Esai ula dee pana: Aa ooje, ta gə́ seḭ a kulaje ɓée síje lé ɓa nee: Njesigənea̰ pa togə́bè pana: Maji kari ɓəl dɔ taje gə́ i oo gə́ mbai gə́ Asiri ar kuraje ləa d’ula ne sul dɔ neḛ’g lé el.

Esai 47:6

Ma m’ar məəm ḭ səm pu dɔ koso-dəwje’g ləm, M’ila ndɔl dɔ nédɔji’g ləm Ndá ma m’uba dee m’ya̰ dee meḛ jii’g, Nɛ seḭ arje meḛ sí aw taḭ-taḭ dɔ dee’g el ləm, Seḭ arje néməməna̰ lə sí wɔi gwɔb ɓuga’g ləm tɔ.

Esai 51:20

Siŋga ŋgan síje lai godo Ar dee to gə mba̰-rəwje rib-rib Asəna gə da-kalje gə́ d’wa dee gə ba̰də bèe, Oŋg-boo lə Njesigənea̰ wa dɔ dee Gə goo tɔji ji lə Njesigənea̰, Ala lə sí.

Esai 51:23

M’a kulá ji deḛ gə́ to njékula kəm sí ndooje’g, Deḛ gə́ d’ula sí kédé pana: Rogoje naŋg ar sí njaaje dɔ sí’g! Seḭ a telje gir sí kaareeje To asəna gə naŋg bèe ləm, Asəna gə kila-rəw gə́ dəwje njaa keneŋ bèe ləm tɔ.

Esai 52:3

Njesigənea̰ pa togə́bè pana: Seḭ lé deḛ d’wa sí ɓər kari ba lal lar sí ndá larnda ɓa d’a kuga ne dɔ sí el tɔ.

Jeremi 50:17

Israɛl lé to ŋgon badə gə́ ndəm Gə́ toboḭje tuba gée, Mbai gə́ Asiri ɓa gə́ njesɔ dakasee kédé, yeḛ gə́ rudu lé to Nebukadnesar, mbai gə́ Babilɔn ndá yeḛ təd siŋga rém-rém.

Nɔ̰-ndôo gə́ wɔji dɔ Jerusalem 1:21

Deḛ d’oo ndum Loo gə́ m’tuma̰ ŋgururu-ŋgururu lé Nɛ dəw kára kara ree rɔm’g mba gɔl məəm el, Loo gə́ njéba̰je ləm d’oo ta némeeko̰ gə́ teḛ dɔm’g lé ndá Deḛ d’al rɔ dee Mbata né gə́ i aree teḛ dɔm’g lé, Ndɔ gə́ i wɔji mba kar dee To to gə́ ma bèe lé I a kar ndəa neelé teḛ ləm, I a kila mberee ləm tɔ.

Nɔ̰-ndôo gə́ wɔji dɔ Jerusalem 2:3

Dan boo-oŋg’g ləa lé Yeḛ təd siŋgamoŋ lə Israɛlje kərm-kərm, Yeḛ ɔr jikɔlee rɔ dee’g Loo gə́ njéba̰je lə dee ree rɔ sə dee lé, Yeḛ ila pər mbuna Jakobje’g Ar ndəa̰ o̰ bilim-bilim ləm, Aree roo looje gə́ gugu dɔ dee sub dula-dula ləm tɔ.

Ejekel 20:14

Nɛ lé togə́bè kara neḛ n’ra né gə mbata lə ri neḛ mba kar ndɔl wa ne dɔ ri neḛ kəm ginkoji dəwje gə raŋg gə́ n’ar dee d’unda loo kəm dee’g mee ɓee gə́ Ejiptə teḛ lé el.

Ejekel 20:9

Nɛ lé togə́bè kara neḛ n’ra né gə mbata lə ri neḛ gə mba kar ndɔl wa dɔ ri neḛ kəm ginkoji dəwje gə raŋg gə́ d’isi mbuna dee’g el ləm, gə kəm ginkoji dəwje gə raŋg gə́ neḛ n’ar dee gər neḛ gə mba kar dee d’unda loo mee ɓee gə́ Ejiptə teḛ lé ləm tɔ.

Soponi 1:10

Njesigənea̰ pana: Mee ndəa’g neelé D’a koo ndu kii tarəwkəi gə́ ɓaree Tarəw-ka̰jije ləm, Gə no̰ sii mbigi-mbigi mee dəb loo gə́ mee ɓee-boo’g ləma, Gə tuji-boo gə́ oso dɔdərlooje’g ləm tɔ.

Njé gə́ Rɔmə 2:24

Mbata deḛ ndaŋg taree mee maktub gə́ to gə kəmee pana: Ndɔl ɓar ri Ala mbuna njépole-magəje’g mbata lə sí-seḭ ya.

Njéga̰g-Rəwtaje 18:3

Loo gə́ deḛ teḛ takəi’g lə Mika dəb lé deḛ d’oo ndu basa gə́ to Ləbi lé gər ndá d’aw pər gə́ rəa’g dəjee pana: See na̰ ɓa ree səi loo gə́ nee’g wa. See ɗi ɓa i aw ra loo gə́ nee’g wa. See ɗi ɓa i iŋga loo gə́ nee’g wa.