Esai 52:15 - Maktub gə́ To gə Kəmee

¹⁵ Togə́bè ɓa yeḛ a to nérɔlel lə koso-dəwje bula tɔ. Mbaije d’a ndem ta dee nea̰’g, Mbata d’a koo né gə́ d’ɔr soree d’ar dee kédé el ləm, D’a koo ta gə́ oso mbi dee’g kédé el ləm tɔ.

Esai 52:15 ပူးပေါင်းရင်းမြစ်များ

Maktub gə́ wɔji dɔ Jɔb 21:5

Maji kar sí telje kəm sí gə́ dɔm’g oomje, arje kaar sí wa sí paḭ ləm, Ilaje ji sí ta sí’g sud ləm tɔ.

Maktub gə́ wɔji dɔ Jɔb 40:4

Aa oo, ma m’to gə́ né el. See ta ɗi ɓa m’a tel kilai’g wa. Ma m’ila jim tam’g sud.

Esai 49:23

Mbaije d’a to njéŋgəm ŋgan síje ləm, Ŋgan deeje gə́ dené d’a to njékul dee gə nésɔje ləm tɔ, Deḛ d’a kunda barmba dəb kəm dee naŋg no̰ sí’g ləm, D’a bɔr kor gɔl sí’g ləm tɔ. Ndá seḭ a gərje gao To gə́ ma m’to Njesigənea̰, Bèe ɓa deḛ gə́ d’unda meḛ dee yel dɔm’g ndá Rɔkul a dəb dɔ dee’g el.

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Esai 51:5

Néra gə́ gə dɔ najee ləm nai dəb ba ləm, Kaji ləm a gə teḛ ləm tɔ. Kag jim ɓa m’a gaŋg ne rəwta dɔ koso-dəwje’g ya. Deḛ gə́ d’isi dɔgoré-looje’g lé D’a kunda meḛ dee yel dɔm’g ləm, D’a kɔm meḛ dee dɔ kag-jim gə́ ɓar mèr-mèr’g ləm tɔ.

Esai 55:5

Aa ooje, i a ɓar ginkoji dəwje gə raŋg gə́ i gər dee el Ndá ginkoji dəwje gə raŋg gə́ gəri el lé d’a kaḭ ree rɔi’g Gə mbata lə Njesigənea̰, Ala ləi, Yeḛ gə́ to Njerɔkunda lə Israɛlje Gə́ ula rɔnduba dɔi’g.

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

Jakari 2:13

Aa ooje, neḛ n’tɔji dee ji neḛ Ndá deḛ d’a tel to nékunda-ba̰rɔ lə ɓərje lə dee gə́ ra kula d’ar dee kédé lé. Bèe ɓa seḭ a gərje ne gao to gə́ Njesigənea̰ gə́ njeboo-néje ɓa ulam ya.

Bula lə Israɛlje 19:18

Dəw gə́ rəa àr ŋgad-ŋgad lé a kun barkəm gərgənd ndá a kula dan mán’g lé, tɔɓəi yeḛ a saga dɔ kəi-kubu’g lé ləm, dɔ nékulaje’g lai ləm, dɔ dəwje gə́ d’isi keneŋ ləm, dɔ yeḛ gə́ ɔrɔ rɔ siŋga dəw lé ləm, əsé dəw gə́ deḛ tɔlee ləm, əsé dəw gə́ wəi kari ba ləma, əsé dɔɓar ləm tɔ.

Bula lə Israɛlje 8:7

Aa oo, né gə́ i a gə ra mba kɔr ne won dee ɓa nee: I a saga mán gə́ ka̰ kuga dɔ kaiya dɔ dee’g ndá a kar dee ndisa bḭ rɔ deḛ lai ləm, a kar dee togo kubuje lə dee ləm tɔ, mba kɔr ne won dee ya.

Matiyo 28:19

Awje gə dɔ ɓee dɔ ɓee telje dəwje gə́ njékwakilamje, raje deeje batɛm gə ri Bɔ-dəwje ləm, gə ri Ŋgonee ləma, gə ri Ndilmeenda ləm tɔ.

Néra Njékaḭkulaje 2:33

Ala unee gə jikɔlee aree iŋga Ndilmeenda gə goo ndukun gə́ Bɔ-dəwje un ne ndia aree ləm, yeḛ ar Ndilmeenda lé ree taa meḛ dəwje pəl-pəl to gə́ seḭ ooje ne gə kəm sí gə mbi sí ləm tɔ.

Ǝbrəje 10:22

ndá ar sí n’rəm pər gə́ rəa’g gə meḛ sí gə́ kára ba bərəŋ ləm, gə meekun gə́ doŋgɔ ləm, ar sí j’ar né gə́ yèr gə́ rara kara godo meḛ sí’g mba kar sí j’aar ne gə meekaar kərm el ləma, ar sí n’togo rɔ sí gə mán gə́ àr yal-yal ləm tɔ.

Ǝbrəje 11:28

Meekun lé ɓa yeḛ ra naḭ Pag saga ne məs takəi’g, mba kar njetuji dəwje ɔrɔ ne rɔ ŋgandər Israɛlje el.

Ǝbrəje 12:24

gə́ rɔ Jeju gə́ to njekaar dana loo manrɔ gə́ sigi’g lé ləma, gə́ rɔ məs gə́ saga gə́ ɓar yaa̰ unda ka̰ Abel’g lé ləm tɔ.

1 Piɛrə 1:2

deḛ gə́ Ala Bɔ síje kuma̰ dee mée’g mbər dee ləm, gə Ndil kara ɔr dee kəmee’g, mbər dee ne ləm tɔ, mba kar dee d’ila ŋgonkoji dɔ Jeju Kristi’g mba kar məsee gə́ saa dɔ naŋg neelé wɔji dɔ dee-deḛ ya. Maji kar noji gə meelɔm uru na̰ gə gɔlee gə́ dɔ sí’g dɔ sí’g.