Esai 52:12 - Maktub gə́ To gə Kəmee

¹² Maji kar sí undaje loo teḛje gə kaar gəd el ləm, Gə teḛje gə ŋgwɔd el ləm tɔ, Mbata Njesigənea̰ a kaw no̰ sí’g ləm, Yeḛ gə́ to Ala lə Israɛlje a korè goo sí ndəŋ ləm tɔ.

Esai 52:12 ပူးပေါင်းရင်းမြစ်များ

1 Sôrta Gḭka-Israɛlje 14:15

Loo gə́ i oo kaa gɔl gə́ ɓar dɔ kag-kɔlje’g ndá i a kunda loo teḛ gə mba rɔ mbata to Ala ləi ɓa njaa nɔḭ’g mba tuji njérɔje lə Pilistije lé ya.

Teḛ-Raga 12:11

Loo gə́ d’a gə sɔ ndá d’a kwa ɓər dee gə ndar njim-njim ləm, négɔl a to gɔl dee’g ləma, kag-tɔs lə dee kara a to ji dee’g ləm tɔ, d’a sɔ dɔ ŋgɔd’g ya. Yee neelé to Pag lə Njesigənea̰.

Teḛ-Raga 12:33

Njé gə́ Ejiptə d’ɔs kudu dəwje lé ɓɔḭ-ɓɔḭ ləm, d’ɔs rɔ dee ɓad tuba dee ne mee ɓee’g lé ləm tɔ mbata dee pana: N’a gə kwəije lai.

Teḛ-Raga 12:39

Nduji gə́ deḛ loḭ Ejiptə gə́ d’ɔm əm-tiné keneŋ nɛ ti el ɓəi lé deḛ d’ila gə́ mbə, mbata deḛ tuba deḛ Ejiptə gə́ tuba ya d’ar dee d’ḭ kalaŋ ndá d’iŋga loo kwa dɔ gɔl nésɔ k’aw rəbə lə dee el.

Teḛ-Raga 14:8

Njesigənea̰ ar mee Parao̰ mbai gə́ Ejiptə ndər ya tɔ ndá yeḛ tuba goo Israɛlje. Njé gə́ Israɛl lé d’unda loo teḛ gə ji dee gə́ ɓar tar mèr-mèr.

Esai 26:7

Rəw-kaw njemeekarabasur lé to danasur, I gə́ to njemeekarabasur lé I gɔl kila rəw lə njemeekarabasur aree asəna rai-rai.

Esai 28:16

Gelee gə́ nee ɓa Mbaidɔmbaije gə́ Njesigənea̰ pa togə́bè pana: Aa ooje, ma m’unda mbal gə́ moŋg kəi mee ɓee gə́ Sio̰, To mbal gə́ neán, To mbal kunda dɔ kum kəi gə́ gadee to yaa̰ Gə́ d’unda d’aree to njaŋg, Ndá yeḛ gə́ ɔm mée dɔ’g ndá A ndəb-ndəb kaḭ el.

Esai 42:16

M’a kar njékəmtɔje njaa rəw’d Gə́ deḛ gər kédé el ləm, M’a kɔr no̰ dee dan kila-rəwje Gə́ deḛ gər kédé el ləm tɔ, M’a kar loondul tel to gə́ lookàr no̰ dee’g ləm, M’a kar looje gə́ to guduru-guduru Tel d’asəna rai-rai ləm tɔ. Yee ɓa gə́ né gə́ m’a gə ra Ɓó m’a kuba gée kya̰ el.

Esai 45:2

M’a njaa nɔḭ’g ləm, M’a gɔl rəwje gə́ dɔ mbal’g kar dee d’asəna rai-rai ləm, M’a təd tarəwkəije gə́ ra gə lar gə́ kas lé rém-rém ləma, M’a təd kag larndulje kərm-kərm ləm tɔ.

Esai 49:10

Ɓó a tɔl dee el ləm, Kṵdaman a tɔl dee el ləma, Pər kàr gə́ nuŋga kəd-kəd gə kàr lé D’a kula kəm dee ndòo el ləm tɔ Mbata yeḛ gə́ mée aw taḭ-taḭ dɔ dee’g lé A to njekɔrno̰ dee Ndá yeḛ a kɔr no̰ dee par gə́ kəm-rəw-manje’g.

Esai 49:11

M’a tel gə dɔ mbalje ləm lai Kar dee to gə́ kila-rəwje Ndá rəw-booje ləm lé D’a to kɔr-kɔr tɔ.

Esai 51:14

Waga ndá yeḛ gə́ rugu koŋgoŋ gel kúla lar’g lé A kɔr dəa kúla’g, Yeḛ a kwəi duu-loo’g el ləm, Nésɔ a lalee el ləm tɔ.

Esai 57:18

Ma m’oo rəw-kabeeje Ndá m’a kajee tɔ, M’a to njekɔrnea̰ ləm, M’a to njegɔl mée-yeḛ Gə ka̰ dee-deḛ gə́ no̰ səa lé ləm tɔ.

Esai 58:8

Yee ɓa ndogó ləi a kḭ ne to gə́ kàr Gə́ uba kuji’g bèe ləm, Rɔi a sa ne rəw kalaŋ ləm tɔ, Nérai gə́ gə dɔ najee a kɔr nɔḭ ləm, Rɔnduba lə Njesigənea̰ a korè səi rəw mès ləm tɔ.

Misee 2:13

Yeḛ gə́ a kɔs kəm loo mbudu teḛ lé A kaw no̰ dee’g. D’a kɔs kəm loo mbudu ləm, D’a dəs tarəwkɔg’d ləma, D’a teḛ kaw ləm tɔ. Mbai lə dee a njaa no̰ dee’g ləm, Njesigənea̰ a to njekɔrno̰ dee ya ləm tɔ.

Bula lə Israɛlje 10:25

D’ḭ gə nékɔr ginkoji Danje d’aw ne gə kudu njérɔje lə dee, deḛ ɓa d’udu goo njé’g lə deḛ lai. Kudu njérɔje lə Danje lé ɓée deeje ria lə Ahiejer, ŋgolə Amisadai,

Tel tura Godndu 16:3

Ndɔ ra naḭ lé seḭ a ko̰je muru gə́ əm-tiné to keneŋ el nɛ muru gə́ lal əm-tiné ɓa a ko̰je as ndɔ sí siri, muru gə́ lal əm-tiné lé to muru nékəmndoo lə sí mbata seḭ ḭje rad mee ndəa gə́ seḭ undaje ne loo mee ɓee gə́ Ejiptə teḛje lé: seḭ a raje togə́bè mba kar mee ndɔje lai gə́ seḭ síje ne kəmba lé meḛ sí a kolé ne dɔ ndɔ gə́ seḭ undaje ne loo mee ɓee gə́ Ejiptə teḛje ne lé ya.

Tel tura Godndu 20:4

Mbata Ala lə sí gə́ Njesigənea̰ aw sə sí gə mba rɔ gə njéba̰je lə sí ləm, gə mba kaji sí ne ləm tɔ.

Jujé 4:11

Loo gə́ koso-dəwje dəs tar d’aw mba̰ ndá njékinjanéməsje d’un sa̰duk-manrɔ lə Njesigənea̰ lé d’aw d’aar ne no̰ koso-dəwje’g kédé tɔ.

Jujé 6:9

Njérɔje gə́ d’aw no̰ dee’g lé njaa no̰ njékinjanéməsje’d gə́ d’im to̰to̰je lé ləm, njérɔje gə́ njékudu goo deeje kara d’orè goo sa̰duk-manrɔ lé ləm tɔ, loo gə́ d’aw njaa lé ndá d’im to̰to̰ ta-ta ya.

Njéga̰g-Rəwtaje 4:14

Togə́bè Debora ula Barak pana: Ḭta mbata ɓogənè ɓa to ndɔ gə́ Njesigənea̰ a kuba Sisera kyá̰ jii’g lé kàree teḛ mba̰. See Njesigənea̰ ɓa a kaw kédé nɔḭ’g el wa. Ndá Barak ḭ dɔ mbal’d gə́ Tabɔr risi ur naŋg gə njérɔje gə́ tɔl-dɔg-loo-dɔg (10.000) gə́ d’aw gée’g lé.