Esai 52:1 - Maktub gə́ To gə Kəmee

¹ Teḛje kəm sí, seḭ gə́ síje Sio̰! Teḛje kəm sí, undaje siŋga sí dɔ maree’g, Ulaje kubu-naḭ rɔ sí’g, Seḭ gə́ Jerusalem, ɓee-boo gə́ to gə kəmee! Mbata deḛ gə́ lal kinja tamɔd dee gə njé gə́ mina̰ lé D’a kandə mee ɓee’g lə sí el ŋga.

Esai 52:1 ပူးပေါင်းရင်းမြစ်များ

1 Sôrta Gḭka-Israɛlje 16:29

Ulaje rɔnduba dɔ ri Njesigənea̰’g. Unje nékarje lə sí reeje ne nea̰’g, Undaje barmba no̰ Njesigənea̰’g. Dan néje gə́ bə̰dərə bə̰ gə́ to gə kəmee doi lé!

Nehemi 11:1

Mbai dɔ koso-dəwje-je ree d’isi Jerusalem. Ges koso-dəwje ra né asəna gə téḛ bèe mba kiŋga ne dəw kára mbuna deḛ gə́ dɔg’d karee ree si Jerusalem gə́ to ɓee gə́ to gə kəmee gə mba kar deḛ gə́ jinaikara lé d’a nai mee ɓee-booje’g tɔ.

Pakɔsje 110:3

Loo gə́ i mbo̰ njérɔje ləi dɔ na̰’d ndá Koso-dəwje ləi lé rɔ dee wɔilɔ ne pélé-pélé, Loo gə́ mabra uba bər ndá Siŋgai gə́ basi’g lé tel ree rɔi’g Asəna gə tàl bèe Mbuna néɗɔi-rɔ gə́ to gə kəmee’g lé.

Teḛ-Raga 28:2

I a ra kubuje gə́ to gə kəmee mbata lə ŋgokɔḭ Aaro̰ mba kula ne rɔnduba dəa’g ləm, mba kundá ne gə kəmee ləm tɔ.

Teḛ-Raga 28:40

D’a ra kubuje gə́ dɔ maree’g mbata ŋgalə Aaro̰ gə́ diŋgam ləm, d’a ra gagəraje ləma, gə jɔgje ləm tɔ, gə mba kula ne rɔnduba dɔ dee’g ləm, kunda dee ne gə kəmee ləm tɔ.

Esai 1:21

See ban ɓa ɓee-boo gə́ njekila koji lé ya Tel to asəna gə kaiya-dené bèe wa! Kédé lé néra gə́ gə goo rəbee taa loo keneŋ pəl-pəl ləm, Néra gə́ gə dɔ najee ɓa ra ɓee keneŋ ləm tɔ, Nɛ ɓasinè ndá njétɔl dəwje ɓa d’isi keneŋ.

Esai 1:26

N’a tel kunda njégaŋ-rəwtaje lə sí to gə́ kédé ləm, Gə njékwɔjita-kəmkàrje lə sí to gə́ kédé gə́ dɔtar ya ləm tɔ. Gée gə́ gogo ndá d’a kunda ri sí Le ɓee-boo gə́ njéra né gə́ gə dɔ najee-je d’isi keneŋ ləm, Gə ɓee-boo gə́ njékilakojije d’isi keneŋ ləm tɔ.

Esai 26:2

Ɔrje tarəwje ilaje tag Arje ginkoji dəwje gə́ to njémeekarabasurje ləm, Gə majikojije ləm tɔ d’andə keneŋ.

Esai 35:8

Rəw gə́ kul yududu gə́ to rəw-kwɔi a to keneŋ Ndá d’a ɓaree rəw gə́ to gə kəmee, Dəw gə́ mina̰ kára kara a dəs keneŋ el, Rəbee a to mbata lə koso-dəwje lə Njesigənea̰, Deḛ gə́ d’a njaa keneŋ lé Lé to mbəje kara D’a kaskəm ndəm rəw el.

Esai 4:3

Bèe ɓa ges njé gə́ Sio̰ gə ges njé gə́ Jerusalem Gə́ nai d’a ɓar dee njémeendaje, To nana ɓa gə́ Njesigənea̰ ndaŋg ria Mbuna deḛ gə́ d’isi kəmba Jerusalem lé.

Esai 48:2

Mbata deḛ d’unda ri ɓee-boo gə́ to gə kəmee dɔ dee’g ləm, Deḛ nduna rɔ dee rɔ Ala lə Israɛlje’d Gə́ ria lə Njesigənea̰ gə́ njeboo-néje ləm tɔ.

Esai 49:18

Unje kəm sí ooje ne loo gə́ gugu dɔ sí! Deḛ lai mbo̰ dɔ na̰ ree gə́ rɔ sí’g. Njesigənea̰ pana: Ma m’to njesikəmba. Seḭ a kɔm deeje rɔ sí’g Asəna gə néra ma̰dje ləm, Seḭ a tɔ deeje reŋ sí’g To gə́ njeŋgao-sigi tɔ ne néra ma̰dje rḛgee’g bèe ləm tɔ.

Esai 51:17

Teḛje kəm sí, seḭ gə́ Jerusalem, Teḛje kəm sí ndá ḭje tar! Seḭ gə́ aije oŋg gə́ to mee bai gə́ to ji Njesigənea̰’g, Seḭ gə́ aije njibije nja̰-nja̰ Saar arje dɔ sí ila mbir-mbir lé!

Esai 51:9

Njesigənea̰, teḛ kəmi, Teḛ kəmi, ula ji siŋgamoŋ ləi ndiŋ! Teḛ kəmi to gə́ mee ndəaje gə́ kédé ləm, Asəna gə mee ndəaje gə́ ləw-ləw lé ləm tɔ. See to i ɓa tur Rahab gə́ to da-kɔb lé gə niŋga el wa.

Esai 60:1

I ɓee-boo gə́ Jerusalem lé ḭta! Ar ndogó ləi nduba rəa Mbata lookàr ləi ree ləm, Rɔnduba lə Njesigənea̰ ndogó dɔi’g ləm tɔ.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Esai 64:10

Kəi lə sí gə́ to gə kəmee gə maji dum Loo gə́ bɔ síje-je d’ula rɔnduba dɔi’g keneŋ lé Pər rée dula-dula ya, Néje lə sí lai gə́ gad dee to yaa̰ lé Tuji pugudu-pugudu tɔ.

Jeremi 31:23

Njesigənea̰ gə́ njeboo-néje gə́ to Ala lə Israɛlje pa togə́bè pana: Ta gə́ d’a gə pa mee ɓee gə́ Juda gə mee ɓee-booje’g ləa ɓəi, loo gə́ m’a kar njé’g lə dee gə́ d’aw ɓee-ɓər’g lé tel ree ɓée lé ɓa nee: Maji kar Njesigənea̰ tɔr ndia dɔi’g I gə́ loo-sii to loo-gaŋg-rəwta Gə goo rəbee ləm, I gə́ to dɔ mbal gə́ to gə kəmee ləm tɔ!

Ejekel 44:9

Mbaidɔmbaije gə́ Njesigənea̰ pa togə́bè pana: Dəw-dɔ-ɓee gə́ rara kara gə́ mée tɔ kujita el ləm, gə́ lal kinja tamɔdee ləm tɔ lé a kandə mee kəi’g lə neḛ gə́ to gə kəmee lé el, dəw-dɔ-ɓee gə́ si mbuna Israɛlje’g lé a kandə keneŋ el tɔ.

Loo gə́ killa rea kəm Daniel’g 10:9

M’oo ndu tapeaje. Tɔɓəi loo gə́ m’oo ndu tapeaje ndá m’oso rug m’dəb kəm naŋg.

Ajee 2:4

Njesigənea̰ pana: Ɓasinè, i Jorobabel, wa rɔi kɔgərɔ! I Juje, ŋgolə Josadak, ŋgɔ-njekinjanéməs lé wa rɔi kɔgərɔ! Seḭ koso-dəwje lai gə́ mee ɓee’g lé waje rɔ sí kɔgərɔ! Njesigənea̰ ɓa pa bèe. Tɔɓəi raje kula! Mbata neḛ nja nai sə sí ya. Njesigənea̰ gə́ njeboo-néje ɓa pa bèe.

Jakari 3:4

Kura gə́ dara un ta ula deḛ gə́ d’aar nea̰’g lé pana: Tɔrje kubuje ləa gə́ mina̰ rəa’g. Tɔɓəi yeḛ ulá pana: Aa oo, ma m’ɔr néra kori-korije ləi rɔi’g ndá ma kula kubu ra naḭ ɓa rɔi’g.

Matiyo 4:5

Léegəneeya njekurai lé undá aw səa mee ɓee gə́ to gə kəmee, uba səa dɔ kəi-Ala ulá pana:

Lugu 15:22

Nɛ bɔbeeje ula kuraje ləa pana: Ɔdje kalaŋ unje kubu gə́ ŋgal yududu gə́ bḭ maji ur dɔ mareeje’g lai ree ulaje rəa’g, reeje gə ŋgama ulaje ŋgon jia’g ləm, reeje gə markob ulaje gɔlee’g ləm tɔ.

Njé gə́ Rɔmə 13:14

Nɛ Mbaidɔmbaije Jeju Kristi ɓa ulaje rɔ sí’g. Tɔsje kəm sí dɔ darɔ sí’g bao-bao mba kar mal néje gə́ ɓəd-ɓəd gə́ ra sí lé ula sí na̰’d el.

Njé gə́ Rɔmə 3:22

Meekarabasur lə Ala lé to ka̰ dee-deḛ gə́ d’ɔm meḛ dee dɔ Jeju Kristi’g. Dəw a kɔr kəm maree el.

Njé gə́ Epesə 4:24

mba kar dəw gə́ sigi gə́ ɔr rɔ Ala ɓa seḭ ulaje rɔ sí’g ləm tɔ, yee ɓa wɔji dɔ meekarabasur gə meenda gə́ kankəmta ɓa oji dee.

Njé gə́ Epesə 5:14

Gelee gə́ nee ɓa, yeḛ pa ne pana: I gə́ toɓi lé teḛ kəmi, Unda loo teḛ dan njé gə́ d’wəi’g Ndá Kristi a ndogó nɔḭ’g.

Njé gə́ Epesə 6:10

Ŋgakɔmje, namje kaar Mbaidɔmbaije’g lə sí taaje ne siŋgamoŋ ləa gə́ dum dɔ loo oreeje ne maree lə sí.

Loo gə́ killa rea kəm Ja̰’g 11:2

Nɛ maji kam m’ya̰ dan mee ndògo gə́ raga ɓó m’wɔjee el, mbata to loo-kaar lə ginkoji dəwje gə raŋg ndá ɓee gə́ to gə kəmee doi lé d’a gə tuba naŋg mbaji-mbaji as naḭ rɔ-sɔ-giree-joo.

Loo gə́ killa rea kəm Ja̰’g 19:14

Njéboo-rɔje gə́ dara lé d’al kunda-ndulije ndolè ne gée ləm, kubu gə́ d’ṵji gə kúla palégal gə́ ndá kələw-kələw gə àr ŋgad-ŋgad lé to rɔ dee’g ləm tɔ.

Loo gə́ killa rea kəm Ja̰’g 19:8

D’un ndu dee gə mba karee ula kubu gə́ d’ṵji gə kúla palégal gə́ ndɔḭ ləd-ləd ləm, gə́ ndá kələw-kələw ləm tɔ lé rəa’g. Mbata kubu gə́ d’ṵji gə kúla palégal lé yee ɓa wɔji dɔ néra gə́ gə dɔ najee lə dee gə́ to gə kəmee.

Loo gə́ killa rea kəm Ja̰’g 21:2

Tɔɓəi ma m’oo ɓee-boo gə́ d’unda gə kəmee gə́ to Jerusalem gə́ sigi gə́ ḭ dara rɔ Ala’g nar jərəŋ ree naŋg neelé. Yee ndɔḭ yaa̰ asəna gə dené gə́ ra rəa ma̰də mba taa ne kəm ŋgabeeje ndɔ taa na̰’g lə dee bèe.

Loo gə́ killa rea kəm Ja̰’g 21:27

Né gə́ rara gə́ to né gə́ mina̰ əsé ram-dəw gə́ ula rəa dan néndɔlje’g əsé dan néŋgɔmje’g lé d’a kandə mee ɓee’g neelé el. Deḛ gə́ ri dee to mee maktub kəmə’g lə Ŋgonbad lé ɓa d’a kandə keneŋ ya.