Esai 51:9 - Maktub gə́ To gə Kəmee

⁹ Njesigənea̰, teḛ kəmi, Teḛ kəmi, ula ji siŋgamoŋ ləi ndiŋ! Teḛ kəmi to gə́ mee ndəaje gə́ kédé ləm, Asəna gə mee ndəaje gə́ ləw-ləw lé ləm tɔ. See to i ɓa tur Rahab gə́ to da-kɔb lé gə niŋga el wa.

Esai 51:9 ပူးပေါင်းရင်းမြစ်များ

Maktub gə́ wɔji dɔ Jɔb 26:12

Gə goo siŋgamoŋ ləa lé yeḛ ar baa-boo ḭ ne ləm, Gə goo gosonégər ləa lé yeḛ tuji ne beelé ləa pugudu ləm tɔ.

Maktub gə́ wɔji dɔ Jɔb 9:13

Ala ar goo oŋg ləa yɔr el, Négəd rɔ lə njébeeleje lé yeḛ tuji pugudu nea̰’g.

Pakɔsje 21:13

Mbata i a kar dee tel gir dee d’aḭ ləm, I a rɔ dee gə ɓandaŋg ləi ləm tɔ.

Pakɔsje 44:1

Pa lə Koréje gə́ d’ar bao-pa mba karee ɔs sə dee lé

Pakɔsje 44:2

Ǝi Ala, jeḛ j’oo ta gə mbi sí ləm, Bɔ síje-je d’ɔr gée d’ar sí j’oo Kula raije gə́ i ra tɔl bém mee ndɔje’g lə dee Gə mee ndəaje gə́ ləw lé ləm tɔ.

Pakɔsje 44:23

Nɛ to mbata ləi-i nja ɓa Deḛ goré ne gwɔs sí gə ndɔje kára-kára lai ləm, D’oo sí ne gə́ badje gə́ d’aw sə dee gə́ loo-tɔl dee’g ləm tɔ.

Pakɔsje 44:24

Mbaidɔmbaije, maji kari ḭta. See ban ɓa i toɓi wa. Maji kari teḛ kəmi ɓó ɔs sí rəw saar gə no̰ el.

Pakɔsje 59:4

Mbata aa oo, əi Njesigənea̰, deḛ lé d’isi d’agm mba tujim, Njéra né kərm-kərmje d’o̰ njuma̰ mba tɔlm Lal ta gə́ bèe gə́ wa dɔm ləm, Lal kaiya gə́ bèe gə́ m’ra ləm tɔ,

Pakɔsje 7:6

Maji kar njeba̰ ləm kɔrəm saar iŋgam ləm, Maji karee tubam naŋg mbajila-mbajila ləma, Maji karee ila riɓar ləm dan babur’g ya ləm tɔ.

Pakɔsje 77:5

I lé wa dɔ kəm rəw gə́ tar Ndá məəm pélé ne wəs-wəs am m’pata el.

Pakɔsje 78:65

Mbaidɔmbaije lé teḛ kəmee Asəna gə dəw gə́ ḭ dɔ ɓi’d bèe ləm, Asəna gə bao-rɔ gə́ mán-nduú gə́ mḭ lé tɔlee ɓa ḭ ndel dɔ ɓi’g ɓəi ləm tɔ.

Pakɔsje 87:4

Ma m’ɓar ri njé gə́ Ejiptə Gə njé gə́ Babilɔn lé mbuna deḛ gə́ gərm’g. Aa oo, ɓee lə Pilistije, gə Tirje, gə Etiopije lé to: Dəwje neelé d’oji dee mee ɓee’g neelé ya.

Pakɔsje 89:10

Man baa-boo-kad gə́ ḭ ububu-ububu lé I dum dəa ləm, Loo gə́ paŋgəm manje tuga ndá I ar dee tel to ndiŋ ləm tɔ.

Pakɔsje 89:11

I rəd njé gə́ Ejiptə naŋg mbə̰ji-mbə̰ji to gə́ nin bèe ləm, I sané njéba̰je ləi kad-kad Gə siŋga jii gə́ ɓar mèr-mèr lé ləm tɔ.

Pakɔsje 93:1

Njesigənea̰ lé o̰ ɓee, Boo-ronduba lé yeḛ dolè ne rəa yul ya ləm, Siŋgamoŋ ləa kara yeḛ tɔ ne rḛgee ya ləm tɔ. Bèe ɓa naŋg lé ŋgəŋ ne ŋgəŋ-ŋgəŋ Ɓó né kára kara yə ŋgirá el.

Teḛ-Raga 6:6

Gelee gə́ nee ɓa, maji kari ula Israɛlje pana: Ma m’to Njesigənea̰. Kulaje ɓəd-ɓəd gə́ njé gə́ Ejiptə d’ɔm dɔ sí’g lé m’a kɔr dɔ sí’g ləm, m’a kar sí ɔrje dɔ sí kúla ɓər’g lə dee ləm, m’a kaji sí gə goo jim gə́ kula ndiŋ ləma, gə goo rəwta-gaŋgje gə́ boo-boo ləm tɔ.

Esai 27:1

Mee ndəa’g neelé Njesigənea̰ a kun kiambas ləa gə́ kədərə, gə boi gə́ siŋgá to yaa̰ mba gaŋg ne da-kɔb gə́ to li gə́ njekaḭgwɔd yaa̰ ləm, da-kɔb gə́ to li gə́ təd rəa go̰gəlɔ-go̰gəlɔ ləm tɔ ndá yeḛ a tɔl da-kɔb lé mee baa-boo-kad’g.

Esai 30:7

Mbata né gə́ Ejiptə a la ne sə dee lé To nébeelé gə́ kari ba, Gelee gə́ nee ɓa ma m’unda ri Ejiptə lé Le Rahab gə́ njera né kára kara el.

Esai 51:17

Teḛje kəm sí, seḭ gə́ Jerusalem, Teḛje kəm sí ndá ḭje tar! Seḭ gə́ aije oŋg gə́ to mee bai gə́ to ji Njesigənea̰’g, Seḭ gə́ aije njibije nja̰-nja̰ Saar arje dɔ sí ila mbir-mbir lé!

Esai 51:5

Néra gə́ gə dɔ najee ləm nai dəb ba ləm, Kaji ləm a gə teḛ ləm tɔ. Kag jim ɓa m’a gaŋg ne rəwta dɔ koso-dəwje’g ya. Deḛ gə́ d’isi dɔgoré-looje’g lé D’a kunda meḛ dee yel dɔm’g ləm, D’a kɔm meḛ dee dɔ kag-jim gə́ ɓar mèr-mèr’g ləm tɔ.

Esai 52:1

Teḛje kəm sí, seḭ gə́ síje Sio̰! Teḛje kəm sí, undaje siŋga sí dɔ maree’g, Ulaje kubu-naḭ rɔ sí’g, Seḭ gə́ Jerusalem, ɓee-boo gə́ to gə kəmee! Mbata deḛ gə́ lal kinja tamɔd dee gə njé gə́ mina̰ lé D’a kandə mee ɓee’g lə sí el ŋga.

Esai 52:10

Njesigənea̰ ula ji meenda ləa ndiŋ Kəm ginkoji dəwje gə raŋg’g lai ar dee d’oo, Dəw-kundaje lai gə́ d’ɔr rudu naŋg nee rɔd lé D’a koo kaji gə́ Ala lə sí gə kəm dee nda̰-nda̰ ya.

Esai 53:1

Ta gə́ d’ɔr d’ula sí lé See na̰ ɓa ɔm mée dɔ’g wa. See na̰ ɓa gər to gə́ ji Njesigənea̰ ɓa ra wa.

Esai 62:8

Njesigənea̰ man rəa gə goo ji siŋgamoŋ ləa Ndá yeḛ pana: N’a kun kó ləi kar njéba̰je ləi D’ul ne rɔ dee nda̰ el ləm, Ŋgalə dəw-dɔ-ɓeeje d’a kai mán-nduú ləi Gə́ to kandə néndɔje ləi lé nda̰ el ləm tɔ.

Ejekel 29:3

Maji kari pa pana: Mbaidɔmbaije gə́ Njesigənea̰ pa togə́bè pana: Aa oo, i Parao̰, mbai gə́ Ejiptə lé n’aw səi gə ta, i ɓəgərə-mar gə́ aw to mee baa-boo’g ləi lé i pana: Baa-boo ləi to kaḭ-i ya, i nja ɓa gə́ njerea lé!

Misee 7:15

N’a kar sí ooje némɔrije To gə́ mee ndəa gə́ kédé gə́ seḭ undaje ne loo mee ɓee gə́ Ejiptə teḛje lé.

Habakuk 2:19

Meeko̰ a koso dɔ sí-seḭ’d gə́ ulaje kag pana: Ḭta! Gə ulaje kɔr mbal gə́ ta mundu pana: si kəmba! See d’askəm kar kəm sí inja dɔ né’g wa. Aa ooje, d’ɔr giree gə larnda gə larlɔr Nɛ kəmə gə́ téḛ bèe godo mée’g.

Habakuk 3:13

I unda loo teḛ mba kɔr koso-dəwje ləi kɔm dee tar ləm, Gə mba kaji yeḛ gə́ I wa dəa gə ubu ləm tɔ. I tɔr mburṵ dɔ kəije lə njemeeyèr ləm, I tuji gel kəi saar teḛ ne dɔ kəi’g tar ləm tɔ.

Jakari 10:11

D’a gaŋg baa-boo-kad gə́ to ka̰ néurti Ndá neḛ Njesigənea̰ n’a kunda paŋgəm mán baa-boo-kad ləm, Ɓul ma̰-booje d’a kyi tə-tə ləm tɔ, Ti-rɔ lə Asirije a tuji ləm, Kag-mbai ɓeeko̰ lə Ejiptəje kara a sané pá ləm tɔ.

Jakari 2:13

Aa ooje, neḛ n’tɔji dee ji neḛ Ndá deḛ d’a tel to nékunda-ba̰rɔ lə ɓərje lə dee gə́ ra kula d’ar dee kédé lé. Bèe ɓa seḭ a gərje ne gao to gə́ Njesigənea̰ gə́ njeboo-néje ɓa ulam ya.

Lugu 1:51

Jia ɓar mèr-mèr, Yeḛ jané njébeeleje dɔ kəstaje’g lə dee kad-kad.

Tagə́maji gə́ Ja̰ ndang 12:38

mba kar ta gə́ Esai njetegginta pa lé aw lée’g béréré, mbata yeḛ pana: Mbaidɔmbaije, see na̰ ɓa ɔm mée dɔ ta gə́ jeḛ j’ɔr j’ula dee lé wa. See na̰ ɓa oo ji Mbaidɔmbaije keneŋ wa.

Néra Njékaḭkulaje 7:7

Nɛ ginkoji dəwje gə́ d’a gə ra dee ɓər lé Ala pana: Neḛ nja n’a gaŋgta dɔ dee’g. Gée gə́ gogo d’a kunda loo teḛ raga ndá d’a kwa neḛ meḛ dee’g lée gə́ neelé ya.

Tel tura Godndu 4:34

See ndɔ kára magə kára saŋg loo gə mba taa ginkoji dəwje mbuna ginkoji dəwje gə́ raŋg’d gə mbata ləa gə goo nénaaje ləm, gə nétɔjije ləm, gə némɔrije ləm, gə rɔ ləm, gə jia gə́ ɓar mèr-mèr gə́ ula ndiŋ ləma, gə néje gə́ to ɓəl kədm-kədm ləm tɔ to gə́ Ala lə sí gə́ Njesigənea̰ ra ɔr sí ne mee ɓee gə́ Ejiptə kəm sí’g nee lé ya to wa.

Loo gə́ killa rea kəm Ja̰’g 11:17

Deḛ pana: Mbaidɔmbaije Ala gə́ njesiŋgamoŋ, i gə́ si keneŋ kédé gə́ dɔtar lé jeḛ n’rai oiyo yaa̰ mbata i ḭ gə boo-siŋgamoŋ ləi taa ne ɓeeko̰ ləi o̰ ya.

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.

Njéga̰g-Rəwtaje 6:13

Gedeo̰ ulá pana: Ǝi mbai ləm, ɓó lé Njesigənea̰ nai sə sí ndá see gelee ban ɓa néje lai neelé teḛ dɔ sí’g bèe ɓəi wa. Esé see némɔrije lai gə́ bɔ síje-je d’ɔr soree d’ar sí lé see d’əd ra ɓəi wa. See d’ula sí pana: Njesigənea̰ ya ɓa ar sí j’unda loo mee ɓee gə́ Ejiptə n’teḛje lé see deḛ pa bèe el wa. Nɛ ɓasinè Njesigənea̰ uba sí ya̰ sí ləm, yeḛ ɔm sí ji Madianje’g ləm tɔ.