Esai 51:22 - Maktub gə́ To gə Kəmee

²² Mbaidɔmbaije gə́ Njesigənea̰ lə sí, Ala lə sí gə́ aḭ bada dɔ koso-dəwje’g ləa pa togə́bè pana: Aa ooje, ma m’taa bai gə́ nékai gə́ ar dɔ dəw ila mbir-mbir to keneŋ ji sí’g To bai oŋg ləm, Seḭ a kaije gogo el ŋga!

Esai 51:22 ပူးပေါင်းရင်းမြစ်များ

Pakɔsje 35:1

Pa lə Dabid Njesigənea̰, maji kari aḭ bada dɔm’g Ɔs ne njéba̰je ləm rəw ya ləm, Rɔ ne gə njékoma̰ səmje ləm tɔ.

Pakɔsje 60:3

Ǝi Ala, i nja ɔs sí rəw ar sí n’sané ne kad I nja ar oŋg ləi ḭ səi, Maji kari tel un sí ur sí tar gogo!

Gosota-Kəmkàrje 22:23

Mbata Njesigənea̰ a koso gel dee’g ləm, Yeḛ a kɔr kəmə lə dee-deḛ gə́ njekwa dee néje lə dee taaje lé ləm tɔ.

Esai 29:9

Sije jim arje kaar sí wa sí paḭ ləm, Nibije kəm sí to gə́ seḭ toje njékəmtɔje Gə́ d’oo loo el ləm tɔ! Deḛ lé kido tɔl dee Nɛ to mán-nduú ɓa ra dee el ləm, Deḛ ləŋg Nɛ to kido gə́ mḭ ɓa oso kəm dee’g el ləm tɔ.

Esai 3:12

Ŋganje ɓa to njékula kəm koso-dəwje ləm ndòo ləm, Denéje ɓa to dəw dɔ deeje ləm tɔ, Seḭ koso-dəwje ləm, deḛ gə́ d’ɔr no̰ sí lé D’ar sí ndəmje ne ləm, Deḛ tuji rəw gə́ seḭ njaaje keneŋ ləm tɔ.

Esai 3:13

Njesigənea̰ ree gə mba kɔr kəm ta lé ləm, Yeḛ aar tar mba gaŋg rəwta dɔ koso-dəwje’g ləm tɔ.

Esai 49:25

Njesigənea̰ pana: Tɔgərɔ ya, ɓər gə́ bao-rɔ wá lé Dəw a naree jia’g taa ləm, Néba̰rɔ lə njekorè dɔ dəwje naŋg lé A teḛ jia’g ləm tɔ, Ma nja m’a rɔ gə njéba̰je lə sí Ndá m’a kaji ne ŋgan síje kar sí.

Esai 51:17

Teḛje kəm sí, seḭ gə́ Jerusalem, Teḛje kəm sí ndá ḭje tar! Seḭ gə́ aije oŋg gə́ to mee bai gə́ to ji Njesigənea̰’g, Seḭ gə́ aije njibije nja̰-nja̰ Saar arje dɔ sí ila mbir-mbir lé!

Esai 62:8

Njesigənea̰ man rəa gə goo ji siŋgamoŋ ləa Ndá yeḛ pana: N’a kun kó ləi kar njéba̰je ləi D’ul ne rɔ dee nda̰ el ləm, Ŋgalə dəw-dɔ-ɓeeje d’a kai mán-nduú ləi Gə́ to kandə néndɔje ləi lé nda̰ el ləm tɔ.

Jeremi 25:15

Mbata Njesigənea̰ Ala lə Israɛlje ulam ta togə́bè pana: Maji kam m’taa bai mán-nduú oŋg lə neḛ gə́ rusu lé ji neḛ’g ndá m’ar ginkoji dəwje gə raŋg lai gə́ n’a gə kulam rɔ dee’g lé d’ai.

Jeremi 50:34

Nɛ njekoga dɔ dee gə́ ria lə Njesigənea̰ gə́ njeboo-néje lé To njesiŋgamoŋ, Yeḛ a kaḭ rɔ mbata lə dee Gə mba kar ɓee to ne lɔm ləm, Gə mba kɔm ne ɓəl Dɔ deḛ gə́ d’isi Babilɔn ləm tɔ.

Jeremi 51:36

Gelee gə́ nee ɓa Njesigənea̰ pa ne ta togə́bè pana: Aa ooje, m’a kaḭ rɔ mbata lə sí ləm, M’a dal ba̰ lə sí ləm tɔ! M’a kar baa-boo-kad gə́ Babilɔn Tudu kurum-kurum ləm, M’a kar ŋgira mán ləa yi tə-tə ləm tɔ.

Nɔ̰-ndôo gə́ wɔji dɔ Jerusalem 3:15

Yeḛ ar meekad taa məəm pəl-pəl ləm, Yeḛ am m’ai ta-a M’aree tɔlm ləm tɔ.

Nɔ̰-ndôo gə́ wɔji dɔ Jerusalem 3:58

Mbaidɔmbaije, I lé ra rəwta ləm, Tɔɓəi i uga dɔm tɔ.

Ejekel 39:29

n’a kiya sə dee kəm neḛ el ŋga ləm tɔ. Mbata n’a kar ndil neḛ ɔm dɔ gel-bɔje’g lə Israɛl, Mbaidɔmbaije gə́ Njesigənea̰ ɓa pa bèe.

Joɛl 3:2

Tɔgərɔ ya, mee ndəaje’g neelé Kuraje gə́ diŋgam gə njé gə́ dené kara M’a kɔm Ndiləm dɔ dee’g tɔ.

Abdias 1:16

Mbata kai gə́ seḭ aije né dɔ mbal’g ləm Gə́ to gə kəmee lé Ginkoji dəwje lai kara d’a kai né togə́bè saar-saar ya tɔ, D’a kai ləm, d’a turu meḛ dee’g ləm tɔ ndá D’a godo asəna gə deḛ gə́ d’isi kəmba kédé el,

Misee 7:9

Jeḛ j’waje meḛ sí mbidi n’tije dɔ oŋg’d lə Njesigənea̰ Mbata jeḛ n’raje kaiya j’ɔsje ne ta ləa rəw ya, Saar loo gə́ yeḛ a koso gel sí’g Kɔr ne ta lə sí gə goo rəbee lé Yeḛ a kɔr no̰ sí teḛ sə sí dan lookàr’g ləa Ndá j’a kooje néra gə́ gə dɔ najee ləa.

Jakari 12:2

Aa ooje, n’a kar Jerusalem tel to ŋgo kai oŋg lə neḛ ndá koso-dəwje lai gə́ gugu giree ləm, gə Judaje ləm tɔ lé d’a kai karee ila kəm dee kar dee d’aw jogè-jogè loo gə́ d’a kaḭ dɔ Jerusalem sub gə rɔ lé.

Matiyo 20:22

Jeju tel ila dee keneŋ pana: Né gə́ seḭ dəjimje lé seḭ gərje kilá el nja ɓəi. See seḭ asje kəm kaije né gə́ mee ŋgo-kai-mán gə́ m’a gə kai lé wa. Deḛ ndigi ta Jeju’g pana: Jeḛ j’askəm kai ya.

1 Samel 25:39

Dabid oo to gə́ Nabal wəi ndá yeḛ pana: Maji kar dɔ ri Njesigənea̰ ai səgərə mbata yeḛ ɔr kəm ta ləm dan boo-rɔkul gə́ Nabal ila dɔm’g, ɔgm ne ma kura ləa dɔ ra majel’g lé! Njesigənea̰ ar némajel lə Nabal tel oso dəa-yeḛ’g ya. Yen ŋga Dabid ula njékulaje rɔ Abigayil’g dəjee mba karee tel to dené ləa.