Esai 51:20 - Maktub gə́ To gə Kəmee

²⁰ Siŋga ŋgan síje lai godo Ar dee to gə mba̰-rəwje rib-rib Asəna gə da-kalje gə́ d’wa dee gə ba̰də bèe, Oŋg-boo lə Njesigənea̰ wa dɔ dee Gə goo tɔji ji lə Njesigənea̰, Ala lə sí.

Esai 51:20 ပူးပေါင်းရင်းမြစ်များ

Esai 29:9

Sije jim arje kaar sí wa sí paḭ ləm, Nibije kəm sí to gə́ seḭ toje njékəmtɔje Gə́ d’oo loo el ləm tɔ! Deḛ lé kido tɔl dee Nɛ to mán-nduú ɓa ra dee el ləm, Deḛ ləŋg Nɛ to kido gə́ mḭ ɓa oso kəm dee’g el ləm tɔ.

Esai 40:30

Basaje lé dao d’ar rɔ dee as dee ləm, Deḛ gə́ siŋga dee to kɔgərɔ-kɔgərɔ lé kara D’unda ndolè ləm tɔ.

Esai 49:26

Njékula kəm sí ndooje lé M’a kar dee d’usɔ dakasrɔ dee-deḛ ya ləm, M’a kar dee d’ai məs dee karee oso kəm dee’g To gə́ mán-nduú gə́ sigi bèe ləm tɔ. Dəwje lai d’a koo to gə́ ma m’to Njesigənea̰ Gə́ njekaji sí ləm, M’to njekoga dɔ sí Gə́ to njesiŋgamoŋ lə Jakob ləm tɔ.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Esai 51:17

Teḛje kəm sí, seḭ gə́ Jerusalem, Teḛje kəm sí ndá ḭje tar! Seḭ gə́ aije oŋg gə́ to mee bai gə́ to ji Njesigənea̰’g, Seḭ gə́ aije njibije nja̰-nja̰ Saar arje dɔ sí ila mbir-mbir lé!

Esai 51:21

Gelee gə́ nee ɓa maji kar sí ooje ta nee, Seḭ njénékəmndooje, Seḭ gə́ awje jogè-jogè nɛ to nékai gə́ mḭ ɓa ra sí el!

Esai 66:15

Mbata aa ooje, Njesigənea̰ si ree dan pər’g ləm, Pusu-rɔje ləa d’aiŋgwɔd to gə́ lel-mal bèe ləm tɔ. Yeḛ ar oŋg ləa taa pər gəgəgə ləm, Ŋgawjia gə́ ula lé to asəna gə ndo̰ pər gə́ o̰ bilim-bilim bèe ləm tɔ.

Esai 8:21

D’a kila mbir-mbir mee ɓee’g ləm, Kəm dee a to ndòo ləma, ɓó a tɔl dee ləm tɔ. Loo gə́ ɓó a tɔl dee ndá meḛ dee a kḭ sə dee pu Kar dee d’ila ndɔl dɔ mbai’g lə dee gə dɔ Ala’g lə dee ləm, D’a tel kəm dee gə́ dara ləm tɔ.

Jeremi 14:16

Nɛ dəwje gə́ tegginta d’ar dee lé ɓoo-boo gə kiambas a kar dee to naŋg rib-rib mba̰-rəwje gə́ Jerusalem. Dəw kára kara a nai mba dubu dee-deḛ əsé denéje lə dee əsé ŋgan deeje gə́ diŋgam əsé njé gə́ dené lé el. Yee ɓa gə́ bo̰ néra majel lə dee gə́ n’a karee ɔs ta dee’g ya.

Jeremi 14:18

Ɓó lé neḛ n’teḛ n’aw mee wala’g ndá Aa oo, n’oo dəwje gə́ d’wəi yoo-kiambas. Ɓó lé n’andə mee ɓee-boo’g ndá Aa oo, n’oo dəwje gə́ ɓoo-boo Ula kəm dee ndòo. Njéteggintaje gə njékinjanéməsje D’ila mbir-mbir mee ɓee’g Lal gər loo gə́ d’a kaw gə́ keneŋ.

Nɔ̰-ndôo gə́ wɔji dɔ Jerusalem 1:15

Bao-rɔje ləm lai lé Mbaidɔmbaije tal dee ras-ras rɔm’g, Yeḛ mbo̰ kudu njérɔje dɔm’g Mba tuji ne basaje ləm, Ma ŋgoma̰də gə́ to ŋgolə Juda lé Njesigənea̰ orəm njḛ́-njḛ́ To gə́ Kandə-nduú bèe loo-mbula-’g.

Nɔ̰-ndôo gə́ wɔji dɔ Jerusalem 1:19

Ma m’ɓar baokuraje ləm Nɛ deḛ d’ərm gə́ kər ɓa. Njékinjanéməsje ləm gə ŋgatɔgje ləm kara D’wəi mee ɓee-boo’g Loo gə́ d’aw saŋg nésɔ mba kul ne rɔ dee.

Nɔ̰-ndôo gə́ wɔji dɔ Jerusalem 2:19

Ḭta gə gel-kàr Ar ndu tuma̰ ləi ɓar wəl! Né gə́ to dɔ ɓəŋgəri’g lé Teḛ ne gə́ raga to gə́ mán bèe no̰ Njesigənea̰’g. Ula jii par gə́ rəa’g Mba kar ŋganije gə́ d’isi d’wəi yoo-ɓoo gə kag-rəwje lé D’isi ne kəmba!

Nɔ̰-ndôo gə́ wɔji dɔ Jerusalem 4:11

Njesigənea̰ ɔr suna meekḭ jugugu ləa, Yeḛ ɓugu oŋg ləa gə́ nuŋga kəd-kəd lé tɔ. Yeḛ ula pər mee ɓee gə́ Sio̰’g Aree roo gin ɓee lé dula-dula.

Nɔ̰-ndôo gə́ wɔji dɔ Jerusalem 4:2

Ŋganje gə́ Sio̰ gə́ maji péd-péd Gə́ gad dee asəna gə larlɔr gə́ àr ŋgad-ŋgad bèe lé Ai-i, d’oo dee asəna gə jo a̰ji Gə́ njekuba jo ɓa uba dee bèe.

Nɔ̰-ndôo gə́ wɔji dɔ Jerusalem 5:13

Basaje ɓa to njékusu kó gə mbalje ləm, Ŋganje gə́ lam-lam kara Ləŋ gel kir gə́ wɔi gə́ d’odo ləm tɔ.

Ejekel 12:13

13 N’a kila ba̰də gugu ne dəa sub ndá yeḛ a koso gum’g lə neḛ. N’a kaw səa Babilɔn mee ɓee’g lə Kaldeje nɛ yeḛ a koo ɓee neelé gə kəmee el ndá yeḛ a kwəi keneŋ.

Ejekel 17:20

N’a kila ba̰də kaḭ ne dəa ndá yeḛ a koso gum’g lə neḛ. N’a kwá kaw səa Babilɔn ndá lé neelé ɓa n’a gaŋgta kuba goo ndukun ləa kya̰ lé dəa’g.

Ejekel 39:19

Seḭ a sɔje ubu saar karee as sí nag-nag ləm, seḭ a kaije məs saar karee ra sí ləm tɔ, loo-muru-gad lə nékinjaməs’g lə neḛ gə́ n’a kinja kar sí lé.

Tel tura Godndu 14:5

gə mbur, gə jal, gə tɔb, gə lulum, gə libi, gə bya̰ gə́ wala, gə pula-pula.

Tel tura Godndu 28:20

Njesigənea̰ a kula gə néndɔlje, gə néjɔgje gə́ d’a ŋgəḭ sí gə́ d’a koso dɔ kula raje’g lai gə́ seḭ a raje saar gə mba kar sí uduje ne ləm, kar sí tujije ne kalaŋ ləm tɔ mbata némeeyèrje gə́ seḭ raje, ubamje ne ya̰’mje lé to!

Loo gə́ killa rea kəm Ja̰’g 14:10

ndá yeḛ kara boo-oŋg lə Ala a rəa to gə́ dəw gə́ ai kido bèe, a to kido gə́ mḭ yaa̰ gə́ d’a ndusu mee bai’g gə goo kára ba ya. Yeḛ neelé a si dan néurti dan pər’g ləm, gə dan kṵji pər gə́ teḛ sa gi-gi’g ləm tɔ kəm kuraje gə́ dara gə́ to gə kəmee ləm, gə kəm Ŋgonbad’g lé ləm tɔ.