Esai 51:19 - Maktub gə́ To gə Kəmee

¹⁹ Néje joo nee teḛ dɔ sí’g: Tuji gə kar ɓee tel to dɔ nduba ləm, Ɓoo-boo gə kiambas ləm tɔ. See na̰ ɓa a no̰ no̰ sí wa. See na̰ ɓa a gɔl meḛ sí wa.

Esai 51:19 ပူးပေါင်းရင်းမြစ်များ

Maktub gə́ wɔji dɔ Jɔb 2:11

Baokuraje lə Jɔb munda d’oo sor nékəmndooje ɓəd-ɓəd gə́ teḛ dəa’g ndá nana kara ḭ ɓee ləa aw: Elipaj, dəw gə́ Teman ləm, Bildad, dəw gə́ Sua ləma, gə Sopar, dəw gə́ Naaman ləm tɔ. Deḛ d’ḭ ɓee lə dee d’ɔm na̰’d rəw’g d’aw gə mba ndiŋga səa ndòo ləm, gə mba gɔl mée ləm tɔ.

Maktub gə́ wɔji dɔ Jɔb 42:11

Yen ŋga ŋgakea̰je gə́ diŋgam gə njé gə́ dené gə baokuraje ləa gə́ kédé lai lé ree rəa’g gə mba kée, tɔɓəi deḛ d’usɔ səa né na̰’d mee kəi’g ləa. Deḛ no̰ səa ləm, deḛ gɔl mée dɔ néje lai gə́ Njesigənea̰ aree teḛ dəa’g ləm tɔ, tɔɓəi nana kara aree ŋgon larnda kára ləm, gə ŋgama larlɔr ləm tɔ.

Pakɔsje 69:20

I lé gər taji gə́ deḛ tajim ləm, Gə rɔkul gə kəm sɔḭ gə́ m’isi danee’g gao ya ləm tɔ, Njéba̰je ləm lai lé kara d’aar nɔḭ’g.

Njekillamber 4:1

Tɔɓəi ma m’aa loo ndá ma m’oo nékəmndooje lai gə́ ra gə na̰ dɔ naŋg nee ndá Aa oo, no̰ wa deḛ gə́ d’ula kəm dee ndòo lé jiim Nɛ dəw gə́ njegɔl meḛ dee godo! Njékula kəm dee ndooje Ra sə dee né kədərə yaa̰ Nɛ njegɔl meḛ dee godo!

Esai 14:30

Togə́bè ɓa deḛ gə́ to gə́ njéndooje d’unda mar deeje lé D’a kiŋga nésɔ dee ləm, Deḛ gə́ njénékəmndooje lé kara D’a si lɔm ləm tɔ, Nɛ n’a tɔl ŋgirai gə ɓoo-boo ləm, Ges dəwje ləi gə́ nai lé D’a tɔl dee ləm tɔ.

Esai 22:4

Yee gə́ bèe ɓa ma m’pa ne m’pana: Unje kəm sí dɔm’d gə́ raŋg, Ya̰’mje amje m’no̰ gə meeko̰, Saŋje loo gə mba gɔl məəm Wɔji dɔ tuji-boo gə́ teḛ dɔ ŋgon gə́ dené’g lə koso-dəwje ləm lé el.

Esai 47:9

Néje joo neelé d’a teḛ dɔ sí’g wai Gə́ mee ndəa gə́ kára ba ya Kar ŋganje lal sí ləm, Kar sí síje gə́ njékəisiŋgaje ləm tɔ. Lée némbeḛje lə sí gə́ bula əsé Nésukəmlooje lə sí gə́ bula yaa̰ kara Néje joo neelé d’a teḛ dɔ sí’g Mee ndɔ gə́ kára ba ya.

Esai 54:11

I ɓee-boo gə́ Jerusalem gə́ némeeko̰ rai Ar lel-boo ɓirii nɛ dəw kára kara gə́ njegɔli godo lé! Aa oo, m’a ra néra ma̰dje ləi gə kɔr mbalje ləi ləm, M’a tum geli gə jər sapir ləm tɔ.

Esai 60:18

Dəw a koo ta néra gə́ kərm-kərm mee ɓee’g ləi el ŋga ləm, D’a koo ta tuji gə tuji-boo dɔ naŋg’d ləi el ŋga ləm tɔ, I a kunda ri kaji dɔ ndògo-bɔrɔje’g ləi ləm, A kunda ri rɔnduba dɔ tarəwkɔgje’g ləi ləm tɔ.

Esai 61:2

Gə mba kam m’ila mber ləb noji lə Njesigənea̰ ləm, Gə kàr dal ba̰ lə Ala lə sí ləma, Gə mba gɔl ne meḛ dee gə́ d’wa ndòo yoo lé ləm tɔ,

Esai 8:21

D’a kila mbir-mbir mee ɓee’g ləm, Kəm dee a to ndòo ləma, ɓó a tɔl dee ləm tɔ. Loo gə́ ɓó a tɔl dee ndá meḛ dee a kḭ sə dee pu Kar dee d’ila ndɔl dɔ mbai’g lə dee gə dɔ Ala’g lə dee ləm, D’a tel kəm dee gə́ dara ləm tɔ.

Esai 9:20

Manasə d’oma̰ gə Eprayimje ləm, Eprayimje d’oma̰ gə Manasə ləm tɔ, Tɔɓəi deḛ joo bɔr d’oma̰ gə Judaje. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ ya ɓəi ləm tɔ.

Jeremi 15:5

I ɓee gə́ Jerusalem lé See na̰ ɓa a koo kəmtondoo ləi wa. See na̰ ɓa a no̰ nɔḭ wa. Esé see na̰ ɓa a kaw Gə mba dəji loo-si-maji ləi wa.

Jeremi 24:10

M’a kula gə kiambas gə ɓoo-boo gə yoo-koso mbuna dee’g saar kar dee godo mee ɓee gə́ m’ar dee-deḛ gə bɔ deeje-je lé.

Nɔ̰-ndôo gə́ wɔji dɔ Jerusalem 1:12

Seḭ lai gə́ dəsje rəw’g neelé Ma m’ndigi kula sí ta. Maji kar sí aaje loo ooje To gə́ némeeko̰ gə́ ram lé garee godo ləm To rɔ sí-seḛ el ləm tɔ. Njesigənea̰ nja ɓa ḭ səm Ula ne kəm ndòo ndɔ gə́ oŋg-boo ḭ səa lé!

Nɔ̰-ndôo gə́ wɔji dɔ Jerusalem 1:9

Yiro wa kubu gə́ rɔ dee’g Aree mina̰ jɔmri-jɔmri ləm, Deḛ d’ə̰ji dɔ né gə́ a teḛ dɔ dee’g el ləm, Koso gə́ deḛ d’oso lé Ar kaar dee wa dee ne paḭ ləm, Dəw kára kara gə́ njegɔl dee godo ləm tɔ. Ǝi Njesigənea̰, maji kari oo kəm sí loo to ndòo’g ya! Ti-rɔ lə njeba̰ lé Ḭ dɔ maree’d gə́ kédé-kédé.

Nɔ̰-ndôo gə́ wɔji dɔ Jerusalem 3:47

Ɓəl ləm, gə bwa-yoo ləm, Gə néurti ləma, gə tuji ləm tɔ Ɓa to néje gə́ wɔji dɔ sí.

Ejekel 14:15

Ɓó lé n’ar daje gə́ majel taa mee ɓee pəl-pəl mba tuji dəwje kar bula lə dee rəm ləm, ɓó lé ɓee neelé tel to dɔdilaloo ar dəw kára kara dəs keneŋ el mbata daje neelé ləm tɔ

Ejekel 14:21

Bèe ya Mbaidɔmbaije gə́ Njesigənea̰ pa togə́bè pana: Lée n’ula gə nékwɔji-kəmkàrje lə neḛ gə́ sɔ gə́ to ɓəl kədm-kədm gə́ to kiambas ləm, gə ɓoo-boo ləm, gə daje gə́ majel ləma, gə yoo-koso ləm tɔ lé mba kar bo̰ néra njé gə́ Jerusalem ɔs ta dee’g mba tuji ne dəwje gə daje keneŋ pugudu-pugudu lé

Amɔs 7:2

Loo gə́ deḛ d’o̰ muje gə́ dɔ naŋg’d nee lai-lai lé ma m’pa pana: Mbaidɔmbaije gə́ Njesigənea̰, m’ra ndòo rɔi’g, ar məəi oso lemsé ɓòo ŋgaka Jakobje d’a si kəmba to gə́ ban wa. Mbata siŋga dee as el.

Nahum 3:7

Deḛ lai gə́ d’a koo sí lé D’a kaḭ kunda rɔ dee ŋgərəŋ pana: Ninibə lé tuji pugudu mba̰! See na̰ ɓa a no̰ nea̰ wa. See loo gə́ ra ɓa n’a saŋg njégɔl meḛ síje keneŋ wa.

2 Njé gə́ Kɔrḭtə 7:13

Gelee gə́ nee ɓa meḛ sí to ne lɔm. Ta nee gɔl meḛ sí goo kára ba el nɛ loo gə́ jeḛ j’oo rɔlel lə Titə mbata seḭ arje ndilee ree rəa’g ndá rɔlel lə sí to yaa̰ unda nje gə́ kédé ya.