Esai 51:18 - Maktub gə́ To gə Kəmee

¹⁸ Mbuna ŋganje lai gə́ Jerusalem gə́ d’oji dee lé Yeḛ gə́ kára kara gə́ njḛdɔr dee godo ləm, Mbuna ŋganje lai gə́ d’odo dee keneŋ lé Yeḛ gə́ kára kara gə́ njegəd dee godo ləm tɔ.

Esai 51:18 ပူးပေါင်းရင်းမြစ်များ

Maktub gə́ wɔji dɔ Jɔb 8:20

Wah! Dəw gə́ njera né gə goo rəbee-rəbee lé Ala ubá yá̰ el, Yeḛ aḭ bada dɔ njémeeyèrje’g el tɔ.

Pakɔsje 142:4

Loo gə́ ndiləm unda bala məəm’g lé I nja gər kila rəw-kabm gao, Deḛ d’iya gum dɔ rəw gə́ m’njaa keneŋ lé.

Pakɔsje 88:18

Deḛ d’aḭ dɔm sub gə ndɔje kára-kára lai to gə́ manje bèe ləm, Deḛ lai ɓugu na̰ wɔlɔg dɔm’g ləm tɔ.

Esai 41:13

Mbata ma m’to Ala lə sí gə́ Njesigənea̰ Gə́ m’ar jikɔl sí to kɔgərɔ-kɔgərɔ. Ma m’to yeḛ gə́ ula sí pana: Ɓəlje el, M’a la sə sí lé ya.

Esai 45:1

Njesigənea̰ pata togə́bè ar Sirus gə́ yeḛ wa dəa gə ubu lé Yeḛ gə́ yeḛ wá jikɔlee’g Gə mba kunda ne ginkoji dəwje gə raŋg naŋg nea̰’g ləm, Gə mba tudu ne mina-mbai reŋ mbaije’g ləma, Gə mba kɔr tarəwkɔgje karee Kar dəw kára kara a kudu tarəwje lé el ləm tɔ pana:

Esai 49:21

Bèe ɓa seḭ a paje meḛ sí’g pana: See na̰ ɓa oji dee ar sí wa. Mbata jeḛ n’lalje ŋganje. Jeḛ n’toje kawkadje. D’wa sí gə́ ɓər ɓa tuba sí. See na̰ ɓa odo dee wa. Jeḛ j’isije gə kar sí ba. See loo gə́ ra ɓa ŋganje neelé d’ḭ keneŋ wa.

Esai 54:11

I ɓee-boo gə́ Jerusalem gə́ némeeko̰ rai Ar lel-boo ɓirii nɛ dəw kára kara gə́ njegɔli godo lé! Aa oo, m’a ra néra ma̰dje ləi gə kɔr mbalje ləi ləm, M’a tum geli gə jər sapir ləm tɔ.

Jeremi 10:20

Kəi-kubu ləm tuji pugudu ləm, Kulaje ləa lai gaŋg ləm tɔ, Ŋganəmje gə́ diŋgam d’ubam d’ya̰’m, Deḛ godo. Dəw kára gə́ njegɔl kəi-kubu ləm gogo Gə́ njera kəi-boom ləm lé godo.

Jeremi 31:32

Manrɔ gə́ sigi neelé a to kasəna gə yee gə́ ma man ne rɔm m’ar bɔ deeje-je mee ndɔ gə́ m’wa ji dee m’ɔr dee ne wɔgədɔ mee ɓee gə́ Ejiptə’g m’teḛ sə dee lé el. Ma m’to gə́ ɓée deeje ya nɛ lé bèe kara d’uba manrɔ neelé d’ya̰. Njesigənea̰ ɓa pa bèe.

Ejekel 34:6

Koso-badje lə neḛ ndəm d’ila rima-rima dɔ mbalje’g lai ləm, gə dɔ dɔdərlooje gə́ ḭ tar’g ləm tɔ, koso-badje lə neḛ sanéna̰ gə dɔ ɓeeje lai dɔ naŋg nee, dəw gə́ mée to dɔ dee’g kára kara godo ləm, dəw gə́ njendolè dee kára kara godo ləm tɔ.

Amɔs 5:2

Israɛl gə́ to asəna gə ŋgoma̰də lé wəi mba̰ Ndá yeḛ a tel kḭta gogo el. Yeḛ to naŋg Ndá dəw kára kara gə́ njekunee kuree tar godo.

Matiyo 15:14

Maji kar sí ya̰ deeje. Deḛ to njékəmtɔje gə́ d’ula kag ji na̰’d. Ɓó lé njekəmtɔ a ndɔr njekəmtɔ maree ndá deḛ joo bɔr d’a koso godə-bwa’g ya.

Matiyo 9:36

Loo gə́ yeḛ oo koso-dəwje ndá mée aw taḭ-taḭ mbata yeḛ oo dee asəna gə ŋgan badje gə́ lab ɔr dee ləm, njekul dee kara godo ləm tɔ.

Mark 8:23

Yen ŋga yeḛ wa ji njekəmtɔ lé ɔree njɔl aw səa ŋgaŋloo gə́ raga, tɔɓəi yeḛ ra mán təa ɔrɔ ne kəmee, ɓa yá̰ ila jia dəa’g, dəjee pana: See i aa loo oo né wa.

Néra Njékaḭkulaje 13:11

Aa oo, ɓasinè, ji Mbaidɔmbaije a dar dɔi ndá i a to njekəmtɔ kuree əw waga ɓó a koo kàr el. Léegəneeya loondul dəb dəa’g bigim aree mam loo bab-bab mba saŋg dəwje kar dee ndɔree.

Néra Njékaḭkulaje 9:8

Sool uba naŋg ḭta, teḛ kəmee bəsəsə nɛ yeḛ oo loo el. Deḛ d’wa jia ndɔree d’aw səa Damas.

Ǝbrəje 8:9

Manrɔ gə́ sigi lé a to kasəna gə yeḛ gə́ ləw gə́ ma man ne rɔm m’ar bɔ deeje el. To ndɔ gə́ m’wa ji dee wɔgədɔ m’ɔr dee Ejiptə’g m’teḛ sə dee Mbata deḛ d’ai meḛ dee sam-sam dɔ manrɔ’g ləm el, Bèe ɓa ma kara dɔm to̰ ne kəw el. Mbaidɔmbaije ɓa pa bèe.