Esai 51:15 - Maktub gə́ To gə Kəmee

¹⁵ Ma m’to Njesigənea̰, Ala lə sí Gə́ m’ar baa-boo-kad ḭ ləm, M’ar paŋgəm manee tuga ləm tɔ. Njesigənea̰ gə́ njeboo-néje ɓa gə́ rim.

Esai 51:15 ပူးပေါင်းရင်းမြစ်များ

Nehemi 9:11

I kai baa-boo-kad dana no̰ dee’g Ar dee dəs danee’g loo gə́ tudu kurum-kurum’g, Nɛ deḛ gə́ tuba goo dee lé I ɔs dee ɓugu dee ɓul mán’g To gə́ kɔr mbal gə́ oso ŋguru baa’g bèe.

Maktub gə́ wɔji dɔ Jɔb 26:12

Gə goo siŋgamoŋ ləa lé yeḛ ar baa-boo ḭ ne ləm, Gə goo gosonégər ləa lé yeḛ tuji ne beelé ləa pugudu ləm tɔ.

Pakɔsje 107:25

Yeḛ pata ar lel-boo ula Ar paŋgəm mán baa-boo-kad tuga ne poŋgm-poŋgm.

Pakɔsje 136:13

Yeḛ gə́ to njekunda baa-boo gə́ ria lə Baa-Kas gaŋg dana loo joo lé Mbata meekɔrjol ləa lé to saar-saar gə no̰.

Pakɔsje 74:13

I gaŋg baa-boo-kad dana gə goo siŋgamoŋ ləi ləm, Da-kɔb gə́ dan mán’g lé i tɔ ka dəaje réb-réb ya ləm,

Teḛ-Raga 6:7

M’a kar sí toje dəwje ləm doŋgɔ doi ləm, m’a to Ala lə sí ləm tɔ, ndá seḭ a gərje gao to gə́ ma m’to Ala lə sí gə́ Njesigənea̰ gə́ ɔr sí kula ɓərje gə́ njé gə́ Ejiptə d’ɔm dɔ sí’g lé.

Esai 47:4

Njekoga dɔ síjeḛ lé To yeḛ gə́ ria lə Njesigənea̰ gə́ njeboo-néje, Yeḛ to Njerɔkunda lə Israɛlje.

Esai 48:2

Mbata deḛ d’unda ri ɓee-boo gə́ to gə kəmee dɔ dee’g ləm, Deḛ nduna rɔ dee rɔ Ala lə Israɛlje’d Gə́ ria lə Njesigənea̰ gə́ njeboo-néje ləm tɔ.

Esai 51:10

See to i ɓa ar baa-boo-kad yi ləm, Ar manje gə́ bwa-wəl gə́ uru lé tudu kurum-kurum ləma, Ar ŋgaw dan baa gə́ uru lé Tel to gə́ rəw ar koso-dəwje ləi gə́ i uga dɔ dee lé Dəs keneŋ ləm tɔ lé el wa.

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Jeremi 31:35

Njesigənea̰ gə́ njéra kàr Karee ndogó dan kàrá ləm, Gə njekwɔji loo-kaar lə kéréméje Gə́ ndogó loondul’g ləm, Yeḛ gə́ ar baa-boo-kad Ḭ turu tuma̰-tuma̰ ləma, Yeḛ gə́ ria lə Njesigənea̰ gə́ njeboo-néje ləm tɔ lé Pa togə́bè pana:

Jeremi 51:5

Mbata Ala gə́ to Njesigənea̰ gə́ njeboo-néje lé Uba Israɛlje gə Judaje ya̰ dee el Néra gə́ kərm-kərm Taa mee ɓee gə́ Kalde pəl-pəl Ar dee d’ɔs ne Njerɔkunda lə Israɛlje rəw.

Ləbije 11:44

Mbata ma m’to Njesigənea̰, Ala lə sí, seḭ a kɔrje rɔ sí kundaje gə kəmee ndá seḭ a toje ne dəwje gə́ to gə kəmee mbata ma nja m’to njerɔkunda ya. Seḭ a karje rɔ sí tel to né gə́ mina̰ mbata lə néje nee lai gə́ d’ag naŋg gə ta meḛ dee lé el.