Esai 51:10 - Maktub gə́ To gə Kəmee

¹⁰ See to i ɓa ar baa-boo-kad yi ləm, Ar manje gə́ bwa-wəl gə́ uru lé tudu kurum-kurum ləma, Ar ŋgaw dan baa gə́ uru lé Tel to gə́ rəw ar koso-dəwje ləi gə́ i uga dɔ dee lé Dəs keneŋ ləm tɔ lé el wa.

Esai 51:10 ပူးပေါင်းရင်းမြစ်များ

Pakɔsje 106:10

Yeḛ taa dee ji deḛ gə́ d’ə̰ji dee bəḭ-bəḭ’g lé ləm, Yeḛ ɔr dee ji njéba̰je’g lə dee lé ləm tɔ.

Pakɔsje 106:9

Yeḛ ḭ gə baa-boo-kad gə́ ria lə Baa-Kas lé aree yi tə Ya̰ rəw ar dee njaa kəm wəlee’g lé Asəna gə dɔdilaloo bèe ya.

Pakɔsje 74:13

I gaŋg baa-boo-kad dana gə goo siŋgamoŋ ləi ləm, Da-kɔb gə́ dan mán’g lé i tɔ ka dəaje réb-réb ya ləm,

Pakɔsje 77:19

Ndi ləi gə́ ndaŋg lé ɓar paḭ-paḭ dan lel-mal’g ləm, Telee gə́ yee tel lé ndogó dɔ loo gə́ naŋg nee ləma, Naŋg kara ula ne déréré-dèrèrè ya ləm tɔ.

Teḛ-Raga 14:29

Nɛ Israɛlje njaa loo gə́ tudu kurum-kurum’g ya dan baa-boo’g tɔɓəi mán lé gaŋg ndəŋ aar asəna gə ndògo-bɔrɔ bèe dɔjikɔl dee’g ləm, gə dɔjigel dee’g ləm tɔ.

Teḛ-Raga 15:13

Mbɔl dɔ meekɔrjol ləi lé ɓa I ɔr ne no̰ dəwje neelé I ɔm dee ne tar, Mbɔl dɔ siŋgamoŋ ləi lé ɓa, I ɔr ne no̰ dee Par gə́ loo-sii gə́ to gə kəmee ɓəd’g lé.

Esai 11:15

Njesigənea̰ a kar duu-mán lə baa-boo-kad gə́ Ejiptə yi tə ləm, Yeḛ a kula jia ndiŋ dɔ baa’g tó lel dɔ’g gə siŋgamoŋ ləm tɔ, Ndá yeḛ a kai kəm rəbeeje loo siri Kar dəwje dəs keneŋ gə né gɔl dee’g.

Esai 11:16

Bèe ɓa rəw a to keneŋ mbata ges koso-dəwje ləa gə́ nai Gə́ teḛ ji Asirije’g To gə́ rəw to keneŋ kédé gə́ ləw mbata lə Israɛlje Mee ndəa gə́ deḛ d’unda ne loo mee ɓee gə́ Ejiptə teḛ lé tɔ.

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 35:8

Rəw gə́ kul yududu gə́ to rəw-kwɔi a to keneŋ Ndá d’a ɓaree rəw gə́ to gə kəmee, Dəw gə́ mina̰ kára kara a dəs keneŋ el, Rəbee a to mbata lə koso-dəwje lə Njesigənea̰, Deḛ gə́ d’a njaa keneŋ lé Lé to mbəje kara D’a kaskəm ndəm rəw el.

Esai 35:9

Rəbee neelé toboḭ a godo keneŋ, Da gə́ mḭ gə́ rara kara a njaa keneŋ el ləm, Dəw kára kara a kiŋga dee keneŋ el ləm tɔ, Nɛ deḛ gə́ d’uga dɔ dee ɓa d’a njaa keneŋ.

Esai 42:15

M’a tuji dɔ mbalje gə dɔdərlooje pugudu-pugudu ləm, M’a kar néje lai gə́ to təb keneŋ Tudu kurum-kurum ləm tɔ, M’a kar baa-booje tel to gə́ dɔ naŋg gə́ kədərə kaw-kaw ləm, M’a kar duu-manje d’yi tə-tə ləm tɔ.

Esai 43:16

Njesigənea̰ gə́ to njekwɔji rəw dan baa-boo-kad’g ləm, Gə njera rəw dan mán-bélmje gə́ no̰ mbiao̰-mbiao̰’g ləm,

Esai 50:2

Loo gə́ m’ree ndá See gelee ban ɓa dəw kára kara godo wa. Loo gə́ m’ɓar m’ɓar ndá See ban ɓa dəw ndigi tam’g el wa. See jim na tas gə mba kwa sí ne wɔgədɔ kɔr sí wa. See siŋgam as gə mba kɔm sí ne tar el wa. Loo gə́ m’tɔji jim ndá Baa-boo-kad tudu kurum-kurum ləm, M’ar baa-booje tel to dɔdilalooje ləm tɔ, Ka̰jije gə́ keneŋ ndum d’ə̰də mbo̰ Mbata mán godo ləm, Deḛ d’wəi yoo-kunda-mán ləm tɔ.

Esai 62:12

D’a ɓar dee dəwje gə́ to gə kəmee Gə́ Njesigənea̰ uga dɔ dee. I ɓee gə́ Jerusalem kara d’a ɓari ɓee-boo Gə́ Ala unda dan kəmee’g Ɓó ɓee-boo gə́ yeḛ uba ya̰ bèe lé el.

Esai 63:9

Dan nékəmndooje’g lə deḛ lai lé D’isi lal njela sə dee el, Kura ləa gə́ dara gə́ aar nea̰’g lé To njekaji dee, Dan meenoji gə kookəmtondoo’g ləa lé Yeḛ nja uga ne dɔ dee. Ta-ta mee ndɔje gə́ ləw lé Yeḛ gəd dee ləm, Yeḛ odo dee ləm tɔ.

Misee 7:15

N’a kar sí ooje némɔrije To gə́ mee ndəa gə́ kédé gə́ seḭ undaje ne loo mee ɓee gə́ Ejiptə teḛje lé.

Jakari 10:11

D’a gaŋg baa-boo-kad gə́ to ka̰ néurti Ndá neḛ Njesigənea̰ n’a kunda paŋgəm mán baa-boo-kad ləm, Ɓul ma̰-booje d’a kyi tə-tə ləm tɔ, Ti-rɔ lə Asirije a tuji ləm, Kag-mbai ɓeeko̰ lə Ejiptəje kara a sané pá ləm tɔ.