Esai 50:8 - Maktub gə́ To gə Kəmee

⁸ Yeḛ gə́ njekɔr ta dɔm’g aar mbɔrm’g dəb, See na̰ ɓa a maḭ səm ta wa. Ar sí j’iŋga na̰ no̰ njegaŋ-rəwta’g. See na̰ ɓa to njeba̰ ləm wa. Maji karee ree iŋgam!

Esai 50:8 ပူးပေါင်းရင်းမြစ်များ

Maktub gə́ wɔji dɔ Jɔb 13:19

See na̰ ɓa a maḭ səm ta dɔ’g wa. Ɓasinè m’wa tam, ma m’ndigi kwəi ya.

Pakɔsje 119:151

Ǝi Njesigənea̰, i si mbɔrm’g dəb, Godnduije lai lé to kankəmta ya.

Teḛ-Raga 22:9

Ɓó lé dəw ar maree mulayḛ̀je əsé maŋg əsé badə əsé nékul gə́ ban-ban ɓa mba karee ŋgəm aree ɓa nékul neelé wəi əsé təd barkəmrea əsé igi yɔm ar dəw kára kara oo gée el ndá,

Esai 1:18

Njesigənea̰ pana: Gə́ reeje ar sí j’ɔrje kəmta lə sí j’arje na̰! Ɓó lé kaiyaje lə sí kas gəḭ ndá D’a tel ndá kələw-kələw Asəna gə bèl kəwje bèe, Ɓó lé deḛ kas njir-njir ndá D’a tel to asəna gə bḭ kubu bèe.

Esai 41:1

Seḭ gə́ síje dɔgoré-looje’g lé Maji kar sí síje mundu ooje ta ləm! Maji kar koso-dəwje d’ar siŋga dee ḭ dɔ maree’g ləm, Maji kar dee rəm pər gə mba pata ləm tɔ! Ar sí n’rəmje pər gə mba kɔr kəm ta lə na̰.

Esai 41:21

Njesigənea̰ pana: Ɔrje kəm ta lə sí, Mbai lə ŋgaka Jakob pana: Teḛje gə ta lə sí gə́ kəm taa ne dɔ rɔ sí.

Esai 43:26

Oléje məəm ar sí j’ɔrje kəm ta lə na̰, Maji kar sí paje ta lə sí gə mba taa ne dɔ rɔ sí.

Esai 45:25

Mbɔl dɔ Njesigənea̰ ɓa Ŋgaka Israɛlje lai lé D’a kɔr ne ta dɔ dee’g ləm, D’a kula ne rɔnduba dɔ dee’g ləm tɔ.

Esai 54:17

Nérɔje lai gə́ dəwje ra mba rɔ ne səi lé D’a tel to né gə́ kari ba, Tapaje lai gə́ gaŋg ne rəwta dɔi’g lé I ɓa a kɔr ta kwa dee ne. Yee ɓa gə́ nédɔji lə kuraje lə Njesigənea̰, Yee ɓa gə́ kaji gə́ a kḭ rɔm’g teḛ rɔ dee’g, Njesigənea̰ ɓa pa bèe.

Matiyo 5:25

Maji kari ɔs rɔi ɓad mba kaw kar sí-seḭ gə njeta ləi ɔmje na̰’d yəg ɓa nà loo gə́ seḭ səa naije rəbə ɓəi lé banelə yeḛ a koso səi ta njegaŋ-rəwta’g ləm, njegaŋ-rəwta a koso səi ta njekaa dɔ daŋgai’g ləma, d’a kilai daŋgai’g ndəd ləm tɔ.

Tel tura Godndu 19:17

dəwje joo gə́ tamaḭ to mbuna dee’g neelé d’a kaw kaar no̰ Njesigənea̰’g ləm, no̰ njékinjanéməsje’g ləma, gə no̰ njégaŋ-rəwtaje gə́ d’aar loo kula’g mee ndəa gən lé ɓa.

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

Loo gə́ killa rea kəm Ja̰’g 12:10

Ma m’oo ndu dəw gə́ ḭ dara ɓar ɔr loo lɔi-lɔi pana: Kaji lé ɓasinè kàree teḛ mba̰ ndá siŋgamoŋ gə tɔgmbaŋ ləm, gə ko̰ɓee lə Ala lə sí ləma, gə dɔmoŋ lə Kristi ləa ləm tɔ lé ndəa teḛ mba̰ tɔ. Mbata yeḛ wa njegaŋgta gə́ gaŋgta badə-badə ɔm ta ŋgako̰ síje no̰ Ala’g lə sí gə ndəa-ndəa dan kàrá ləm gə loondul’g ləm tɔ lé yeḛ wá ilá naŋg nee ya.