Esai 50:6 - Maktub gə́ To gə Kəmee

⁶ M’tel girm m’ila m’ar deḛ gə́ njékṵdamje ləm, M’ila mbɔrm m’ar deḛ gə́ njétɔr mbaitamje ləm tɔ, M’o̰ kəm gə né Mbata rɔkulje gə́ d’ila dɔm’g Esé yiro gə́ tibi kəm’g lé el.

Esai 50:6 ပူးပေါင်းရင်းမြစ်များ

Nehemi 13:25

Ma m’ndaŋg dee ləm, m’ila ndɔl dɔ dee’g ləm, m’kunda njé gə́ na̰je bula mbuna dee’g ləma, m’tɔr yiŋga dɔ dee ləm tɔ ndá m’ar dee manrɔ dee gə ri Ala m’pana: Seḭ a karje ŋgan síje gə́ dené taa ŋgan deeje gə́ diŋgam el ləm, seḭ a taaje ŋgan deeje gə́ dené karje ŋgan síje gə́ diŋgam el ləma, seḭ kara a taa deeje el ləm tɔ.

Maktub gə́ wɔji dɔ Jɔb 16:10

Deḛ teḛ ta dee gə mba tujim ləm, D’ula sul dɔm’g ləm, deḛ kunda kwɔjim ləma, Deḛ lai d’ɔm na̰’d téréré dɔm’g ləm tɔ.

Maktub gə́ wɔji dɔ Jɔb 30:10

Deḛ d’oom gə́ né gə́ to kḛji ləm, Deḛ tel gir dee d’ila d’am ləma, Deḛ tibi yiro kəm’g ləm tɔ.

Pakɔsje 129:3

Njḛ́dɔje lé sura girm bur-bur ləm, D’un ɓaije gə́ ŋgal tiriri-tiriri keneŋ ləm tɔ.

Pakɔsje 69:7

Deḛ gə́ d’unda meḛ dee yel gə́ dɔi’g lé Maji kar kəm sɔḭ wa kəm dee mbata ləm-ma el, I Mbaidɔmbaije gə́ to Njesigənea̰ gə́ njeboo-néje lé! Deḛ gə́ sa̰gi lé ar dee d’isi dan rɔkul’g mbata ləm el tɔ, I gə́ to Ala lə Israɛlje ya.

Pakɔsje 69:8

Mbata rii-i nja ɓa dəwje tajim ne D’ar rɔkulee lé nai ne dɔm’g.

Esai 53:5

Nɛ to kaiyaje lə síjeḛ ɓa Yeḛ iŋga ne doo gə mbəa ləm, Néra kori-korije lə síjeḛ ɓa Kəmee to ne ndòo gə mbəa ləm tɔ. Ko̰ né gə́ yeḛ oo lé ɓa Jeḛ j’iŋga ne meekulɔm ləm, Dooje gə́ yeḛ iŋga lé ɓa Gə́ kuma̰ kar ta doo lə sí ər ne kəmsə ləm tɔ.

Esai 53:7

Deḛ ra səa majel d’ula ne kəmee ndòo Nɛ yeḛ teḛ təa ja̰ el, Asəna gə ŋgon badə gə́ d’ɔree D’aw səa gə́ loo-tɔlee’g ləm, Asəna gə ko̰ badə gə́ təa to gə́ loo ndèmee No̰ deḛ gə́ d’inja bḭyee’g bèe ləm tɔ lé Yeḛ teḛ təa ja̰ el .

Nɔ̰-ndôo gə́ wɔji dɔ Jerusalem 3:30

Yeḛ a tel kwɔjee Mba kar dəw gə́ njekṵdá ləm, Ta rɔkul gə́ d’ɔm dəa’g lé Yeḛ a taa taree kɔm dəa’g ləm tɔ.

Misee 5:1

I Betlehem, Eprata, I to ŋgon ɓee gə́ lam ba mbuna ŋgan-ɓeeje gə́ Juda ya, Nɛ yeḛ gə́ a ko̰ dəwje ləm gə́ Israɛl lé A kḭ rɔi’g ya. Gin koji ləa to gə́ kédé par-par ləm, To gə́ mee ndəaje gə́ kédé gə́ dɔtar ləm tɔ.

Bula lə Israɛlje 12:14

Njesigənea̰ ula Moyis pana: Ɓó lé bɔbeeje tibi yiro kəmee’g ndá see yeḛ a to nérɔkul as ndəa siri el wa. Maji kar dee d’udee kəi as ndəa siri gir loo-si dee gə́ raga, ndá gée gə́ gogo ɓa d’a kwá gə́ rɔ dee’g ɓəi.

Matiyo 26:67

Yee gə́ bèe ɓa deḛ tibi yiro kəmee’g ləm, deḛ tɔs kwɔjee ləma, deḛ kunda mbɔree ləm tɔ.

Matiyo 27:26

Yen ŋga Pilatə ɔr Barabas ar dee ndá yeḛ ar dee d’unda Jeju gə ndəi-kɔb sab-sab, wá ulá ji dee’g mba kar dee ɗaree kaar kag’d.

Matiyo 27:30

Deḛ tibi yiro kəmee’g tiba-tiba ləm, deḛ taa kag-kɔbə gə́ jia’g lé kunda ne dəa kəw-kəw ləm tɔ.

Matiyo 5:39

Nɛ ma nja m’ula sí, ɔsje njemeeyèr rəw el. Ta gə́ kɔl ɓa nee: Ɓó lé mari unda mbɔri gə́ dɔkɔl ndá tel mbɔri gə́ dɔgel ila aree unda tɔ.

Mark 14:65

Njé gə́ na̰je d’un kudu tibi yiro kəmee’g ləm, deḛ ndèm kəmee gə kubu tɔsee gə ji dee dul-dul ləm tɔ pana: Gər yeḛ gə́ njekundai ar sí j’oo səi. Njéŋgəmlooje gə́ d’aa dəa lé kara kunda kwɔjee ka-ka tɔ.

Mark 15:19

Deḛ kunda dəa gə kag-kɔbə ləm, deḛ tibi yiro kəmee’g ləma, deḛ rəm gə kəji dee yəm-yəm dəb ne kəm dee naŋg nea̰’g ləm tɔ.

Tagə́maji gə́ Ja̰ ndang 18:22

Loo gə́ Jeju ilá keneŋ togə́bè lé ndá njekaa dɔ loo kára gə́ aar keneŋ lé unda təa gə jia pai pana: See i ndigi ta ŋgɔ-njekinjanéməs’g lé togə́bè wa.

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.