Esai 50:4 - Maktub gə́ To gə Kəmee

⁴ Mbaidɔmbaije gə́ Njesigənea̰ ulam ta Gə́ kəm karm m’pa Gə mba kam m’gər loo pata M’gəd ne yeḛ gə́ unda ndolè. Teḛ gə ndɔ gə ndɔje kára-kára lai lé Yeḛ ndelm, Yeḛ ar mbim to tag gə mba koo ne ta Gə mba kam m’oo ta To gə́ njékwakiláje d’oo bèe.

Esai 50:4 ပူးပေါင်းရင်းမြစ်များ

Maktub gə́ wɔji dɔ Jɔb 4:4

Taje ləi ar deḛ gə́ d’oso d’ḭta ləma, Deḛ gə́ d’wa koŋgoŋ lé i ar dee ndɔji rɔ dee ləm tɔ.

Pakɔsje 119:147

Ɓad ɓa kar loo àr ɓəi lé m’ra né gə ndum wəl M’pana: M’unda məəm yel gə́ dɔ ndukunje’g ləi ya.

Pakɔsje 143:8

Un kudee teḛ gə ndɔ rad ya ndá Am m’oo meemaji ləi Mbata ma lé m’ɔm məəm dɔi’g ya. Ar kəm inja dɔ rəw gə́ kəm njaa keneŋ lé Mbata ma lé m’tel kəm par gə́ rɔi’g ya.

Pakɔsje 40:7

I lé ndiŋga nékinjaməs əsé nékar el, I ɓa kɔd mbim ila tag ya, I dəji nékinjaməs gə́ ka̰ roo əsé nékoga-kaiya el.

Pakɔsje 45:2

Taje gə́ kul yururu lé Ar dɔɓəŋgərəm nɛg jəl-jəl. Am m’pana: Kula ram lé m’ra mbata lə mbai! Maji kar ndo̰m to asəna gə ka̰ néndaŋ-maktub lə bao-ndaŋg-maktub lé bèe.

Pakɔsje 5:3

Mbai ləm, Ala ləm, maji kari sí gèŋ oo ne ndu no̰ ləm! I nja ɓa m’ra tamaji tai’g ya.

Pakɔsje 88:13

Nédumkooje gə́ i ra lé See deḛ gə́ d’isi dan loondul’g ndul gə́ ndul njudu-njudu’g lé gər wa. Esé see meekarabasur ləi lé Deḛ gər mee ɓee’g lə deḛ gə́ meḛ dəwje wəi dɔ dee’g wa.

Gosota-Kəmkàrje 12:25

Mee-to-kəgəgə lə dəw lé ɔr siŋgá ho̰d, Nɛ ta gə́ maji ɓa ar rəa lelee.

Gosota-Kəmkàrje 15:23

Kila ta’g gə ndu gwɔs gə́ maji lé to rɔlel lə njea, Ŋga ɓəd ɓa see ta gə́ lel gə́ dəw pa gə goo rəbee lé ɓəi wa.

Gosota-Kəmkàrje 25:11

Ta gə́ dəw pa gə goo rəbee lé To asəna gə larlɔr gə́ ndaji ne kandə kag Gə́ d’ɔm mee ŋgon karè’d Gə́ ra gə larnda bèe.

Esai 28:19

Loo gə́ rara gə́ yee a dəs ndá yee a kwa sí, mbata yee a dəs gə ndɔ, gə dan kàrá, gə loondul’g, gə ndɔje kára-kára lai ndá keaa gə́ a ɓar ta kára ba ya a kar dee d’unda ne bala tigi-tigi.

Esai 28:9

Deḛ dəji pana: See na̰je ɓa yeḛ ndigi ndoo dee ta kəmkàr wa. See na̰je ɓa yeḛ ndigi ndoo dee ta ndooje wa. See to ŋganje gə́ d’ɔg dee mbà Gə́ d’ya̰ mbà ko̰ deeje ɓa Yeḛ a gə ndigi ndoo dee ne wa.

Esai 35:5

Yen ɓa kəm njékəmtɔje a kinja ləm, Mbi njémbikuduje kara d’a kinja bərəŋ ləm tɔ,

Esai 40:29

Yeḛ gə́ dao lé Yeḛ aree siŋga ləm, Yeḛ gə́ oso rəb lé Yeḛ ar siŋgá ḭ dɔ maree’g ləm tɔ.

Esai 50:10

Nana ɓa mbuna sí’g gə́ ɓəl Njesigənea̰ lé Maji karee oo ndu kura ləa! Nana ɓa gə́ njaa dan loondul’g lal lookàr ɓəi lé Maji karee ɔm mée dɔ ri Njesigənea̰’g ləm, Karee nduna rəa kaar Ala’g ləa ləm tɔ.

Esai 54:13

Ŋganije lai gə́ diŋgam lé D’a to njekwakila Njesigənea̰-je ləm, Némajije d’a daa na̰ rɔ ŋganije’g lé rib-rib ləm tɔ.

Esai 8:16

Maji kari ila ndərta neelé mee ɓɔl’g, unda ne nétorji dɔ godndu’g neelé mbuna njékwakilaije’g.

Jeremi 1:9

Tɔɓəi Njesigənea̰ ula jia Ɔrɔ ne tam ndá yeḛ ulam pana: Aa oo, ma m’ɔm taje ləm tai’g.

Jeremi 31:25

Mbata yeḛ gə́ ɔr kɔd-kɔd lé m’a karee siŋgá ləm, nana ɓa gə́ unda ndolè kara m’a karee né gə́ yeḛ aw ndée ləm tɔ.

Ejekel 46:13

Ndɔje kára-kára lai lé d’a kwa ŋgon badə gə́ ra ləb kára gə́ rəa maji péd-péd gə́ nékinjaməs gə́ ka̰ roo kar Njesigənea̰, d’a kinja gə ndɔ rad-rad.

Matiyo 11:28

Reeje rɔm’g, seḭ gə́ nékodo gə́ wɔi to dɔ sí’g ar sí daoje ne ɓa m’a kun dɔ sí’g.

Matiyo 13:54

Yeḛ aw mee ɓee gə́ yeḛ tɔg keneŋ ndoo dee né mee kəi-kwa-dɔ-na̰’g lə dee. Deḛ gə́ d’oo ta gə́ yeḛ ndoo dee lé kaar dee wa dee paḭ ar dee pana: Kəmkàr ləa gə siŋgamoŋ gə́ yeḛ ra ne némɔrije bèe lé see yeḛ ḭ ne ra wa.

Matiyo 22:46

Dəw kára kara as teḛ təa ja̰ kila ta gə́ yeḛ dəji dee neelé el nja saar. Un kudee mee ndəa’g neelé dəw kára kara ila ɗigi kaaree’g dəjee ne ta el ŋga.

Lugu 21:15

Mbata ma nja m’a kula ta ta sí’g ləm, m’a kula kəmkàr meḛ sí’g ɓəi ləm tɔ ndá njéba̰je lə sí d’a koo loo kɔs ta sí’g rəw el ləm, d’a dum sí gə tamaḭ el ləm tɔ.

Lugu 4:22

Deḛ lai d’ɔr ta ləa maji, boo-ta gə́ kul yururu gə́ kinja təa’g lé ar kaar dee wa dee dɔ’g paḭ-paḭ ar dee d’ula na̰ ta d’wɔji ne dəa pana: See yeḛ neelé to gə́ ŋgolə Jisəb el wa.

Tagə́maji gə́ Ja̰ ndang 7:46

Njékaa dɔ looje lé tel d’ila dee keneŋ pana: Dəw gə́ njepata to gə́ dəw neelé kára kara godo.

Tel tura Godndu 18:17

Njesigənea̰ ilam’g pana: Né gə́ deḛ dəji lé to né gə́ maji ya.

Tel tura Godndu 18:18

M’a kɔr njetegginta kára mbuna ŋgako̰ deeje’g to gə́ i bèe ɓa m’a kɔm taje ləm təa’g ndá yeḛ a kula dee néje lai gə́ m’a kun ndum dɔ’g karee lé.