Esai 50:2 - Maktub gə́ To gə Kəmee

² Loo gə́ m’ree ndá See gelee ban ɓa dəw kára kara godo wa. Loo gə́ m’ɓar m’ɓar ndá See ban ɓa dəw ndigi tam’g el wa. See jim na tas gə mba kwa sí ne wɔgədɔ kɔr sí wa. See siŋgam as gə mba kɔm sí ne tar el wa. Loo gə́ m’tɔji jim ndá Baa-boo-kad tudu kurum-kurum ləm, M’ar baa-booje tel to dɔdilalooje ləm tɔ, Ka̰jije gə́ keneŋ ndum d’ə̰də mbo̰ Mbata mán godo ləm, Deḛ d’wəi yoo-kunda-mán ləm tɔ.

Esai 50:2 ပူးပေါင်းရင်းမြစ်များ

Gḭ-Néje 18:14

Njesigənea̰ lé see né gə́ njedumee to keneŋ ya wa. Mee ndəa gə́ m’wɔji, mee naḭ gə́ togə́bè lé m’a tel ree rɔi’g ndá Sara a koji ŋgon gə́ diŋgam ya.

2 Sôrta Gḭka Israɛlje 32:15

Maji kar sí arje Ejekias su kəm sí el ləm, maji karee ndɔr sí gée’g togə́bè el ləm tɔ. Maji kar sí ɔmje meḛ sí dəa’g el. Mbata magə lə ginkoji gə́ rara əsé ɓeeko̰ gə́ rara gə́ askəm kɔr dəwje ləa jim’g əsé ji bɔmje’g lé godo ŋga, ɓəd ɓəi ɓa Ala lə sí ŋga ɓa see a kɔr sí jim’g wa.

Pakɔsje 106:9

Yeḛ ḭ gə baa-boo-kad gə́ ria lə Baa-Kas lé aree yi tə Ya̰ rəw ar dee njaa kəm wəlee’g lé Asəna gə dɔdilaloo bèe ya.

Pakɔsje 107:33

Man baaje lé yeḛ nja tel dee gə́ dɔdilaloo ləm, Kəm-rəw-manje lé kara yeḛ tel dee gə́ dɔ naŋg gə́ tudu kurum-kurum ya ləma,

Teḛ-Raga 14:21

Moyis ula jia ndiŋ dɔ mán baa-boo’g. Ndá Njesigənea̰ ar lel-boo ḭ bər ula gigigi-gigigi loondul’g ya saar ar loo àr ndá ɔs ne mán baa-boo gə́ gogo, yeḛ ar rəw-kaw dee gə́ dan baa-boo’g neelé tudu kurum-kurum mbata mán lé kai rəa dana.

Teḛ-Raga 14:29

Nɛ Israɛlje njaa loo gə́ tudu kurum-kurum’g ya dan baa-boo’g tɔɓəi mán lé gaŋg ndəŋ aar asəna gə ndògo-bɔrɔ bèe dɔjikɔl dee’g ləm, gə dɔjigel dee’g ləm tɔ.

Teḛ-Raga 7:18

Ka̰jije gə́ to mee baa’g lé d’a kwəi ləm, mán baa kara a ndum ləm tɔ, tɔɓəi njé gə́ Ejiptə lé d’a ndiŋga rɔ dee gə mba kai mán baa ya nɛ d’a ndiŋga pi.

Teḛ-Raga 7:21

Ka̰jije gə́ mee baa’g neelé d’wəi ləm, mán baa kara ndum ləm, njé gə́ Ejiptə d’askəm kai mán baa neelé el ŋga ləma, məs neelé kara to gə looje lai mee ɓee gə́ Ejiptə ləm tɔ.

Gosota-Kəmkàrje 1:24

Mbata ma m’ɓar sí Nɛ seḭ mbad reeje ləm, Ma m’ula jim ndiŋ Nɛ dəw kára kara oo gə́ né el ləm,

Esai 11:15

Njesigənea̰ a kar duu-mán lə baa-boo-kad gə́ Ejiptə yi tə ləm, Yeḛ a kula jia ndiŋ dɔ baa’g tó lel dɔ’g gə siŋgamoŋ ləm tɔ, Ndá yeḛ a kai kəm rəbeeje loo siri Kar dəwje dəs keneŋ gə né gɔl dee’g.

Esai 19:5

Man baa-boo-kadje d’a kyi tə-tə ləm, Man baaje d’a tudu kurum-kurum ləm tɔ,

Esai 23:11

Njesigənea̰ ula jia ndiŋ dɔ baa-boo-kad’g, Yeḛ ar ɓeeko̰je yə, Yeḛ un ndia mba kar kəi-kaar-kɔgərɔje gə́ Kana̰ tuji.

Esai 36:20

Mbuna magəje lai gə́ wɔji dɔ ɓeeje neelé see njé gə́ ra ɓa taa ɓee lə dee ji neḛ’g ŋga ɓa Njesigənea̰ ɓa a taa Jerusalem ji neḛ’g ɓəi wa.

Esai 41:28

Ma m’aa loo ndá M’oo dəw kára kara el ləm, Ala kára kara mbuna dee’g Gə́ to njekwɔji ta kəmkàr Gə́ askəm kila ta’d gə́ m’dəji dee lé godo ləm tɔ.

Esai 42:15

M’a tuji dɔ mbalje gə dɔdərlooje pugudu-pugudu ləm, M’a kar néje lai gə́ to təb keneŋ Tudu kurum-kurum ləm tɔ, M’a kar baa-booje tel to gə́ dɔ naŋg gə́ kədərə kaw-kaw ləm, M’a kar duu-manje d’yi tə-tə ləm tɔ.

Esai 43:16

Njesigənea̰ gə́ to njekwɔji rəw dan baa-boo-kad’g ləm, Gə njera rəw dan mán-bélmje gə́ no̰ mbiao̰-mbiao̰’g ləm,

Esai 44:27

Ma m’ula ŋguru mán gə́ uru lé m’pana: Maji kari yi tə-tə ləm, M’a kar mán baaje ləi tudu kurum-kurum ləm tɔ.

Esai 51:10

See to i ɓa ar baa-boo-kad yi ləm, Ar manje gə́ bwa-wəl gə́ uru lé tudu kurum-kurum ləma, Ar ŋgaw dan baa gə́ uru lé Tel to gə́ rəw ar koso-dəwje ləi gə́ i uga dɔ dee lé Dəs keneŋ ləm tɔ lé el wa.

Esai 54:6

Mbata Njesigənea̰ tel ɓari To gə́ dené gə́ d’ubá d’yá̰ Ar kəmee to ndòo bèe ləm, Asəna gə dené gə́ təa gə ma̰dee ba Ndá tel tubá bèe ləm tɔ.

Esai 59:1

Wah! ji Njesigənea̰ na tas Gə mba kaji sí el ləm, Mbia kara wa soo Dɔ koo ta’g lə sí el ləm tɔ.

Esai 59:16

Yeḛ oo to gə́ dəw kára kara taa ne Dɔ deḛ gə́ d’ula kəm dee ndòo el ləm, Kaaree wá paḭ mbata dəw kára kara Gə́ njekɔr kəm ta lə dee godo ləm tɔ, Yen ŋga ji siŋgamoŋ lə Njesigənea̰ ɓa ree la sə dee ləm, Meekarabasur ləa-yeḛ gəd dee ləm tɔ.

Esai 63:13

Yeḛ lé ɔr no̰ dee dan mán baa gə́ uru’g To gə́ kunda tila riŋga dɔdilaloo’g Lal kar né tuga gɔl dee keneŋ bèe.

Esai 64:6

Dəw kára kara gə́ njeɓar rii Yeḛ gə́ ɔs rəa ɓad mba kɔm səi na̰’d lé godo. Gelee gə́ nee ɓa i iya ne sə sí kəmi, I ya̰ sí ne mba kar sí j’uduje Gə goo néra majelje lə sí.

Esai 65:12

Ma m’wɔji kar sí wəije yoo-kiambas, Ndá seḭ lai a tɔsje kəji sí naŋg Mba kar dee tḭja gwɔb sí. Mbata ma m’ɓar sí ndá Seḭ ndigije tam’g el ləm, M’pata ndá Seḭ ooje ta ləm el ləm tɔ, Nɛ seḭ raje né gə́ to majel ɓa kəm’g ləm, Né gə́ taa kəm el ɓa seḭ mbərje ləm tɔ.

Esai 66:4

Ma kara m’a kɔr kəm né gə́ a tuji dee ləm, M’a kar néje gə́ a kar dee ɓəl lé Teḛ dɔ dee’g ləm tɔ, Mbata ma m’ɓar-ɓar Nɛ dəw kára kara ilam’g el ləm, Ma m’pata Nɛ d’oo ta ləm el ləm tɔ, Nɛ deḛ ra néje gə́ to majel kəm’g ləm, Deḛ d’ɔr kəm né gə́ taa kəm el ɓa ra ləm tɔ.

Jeremi 14:9

See gelee ban ɓa i to Asəna gə dəw gə́ aar jim əsé Asəna gə bao-rɔ gə́ askəm kaji sí el bèe wa. Lé bèe kara əi Njesigənea̰, I lé si dan sí’g ləm, Rii kara ɓar dɔ sí’g ləm tɔ. Maji kari uba sí ya̰ sí el!

Jeremi 35:14

Deḛ d’aa dɔ taje lə Jonadab, ŋgolə Rekab gə́ un ndia ar ŋganeeje mba kar dee d’ai mán-nduú gə́ mḭ el lé kər-kər ndá deḛ d’ai el ya saar teḛ ɓogənè to mbata deḛ d’ila koji dɔ ndukun’g lə bɔ deeje. Nɛ ma lé m’ula sí ta, un kudee teḛ gə ndɔ rad ya m’ula sí ta nɛ seḭ unje mbi sí rəw dɔ ta’g ləm.

Jeremi 35:15

Ma m’ula kuraje ləm lai gə́ to njéteggintaje rɔ sí’g, un kudee gə ndɔ rad ya m’ula dee m’ar dee d’aw d’ula sí pana: Ɔsje badm telje dɔ panjaa sí gə́ majel’g ləm, tel gɔlje néra síje ləma, awje goo magəje gə mba pole dee el ləm tɔ ndá seḭ a síje mee ɓee gə́ m’ar sí ləm, gə m’ar bɔ síje-je ləm tɔ. Nɛ seḭ tugaje mbi sí ooje ne ta ləm el ləm, seḭ unje mbi sí rəw dɔ’g ləm tɔ.

Jeremi 5:1

Awje gə́ mba̰-rəwje ɓəd-ɓəd Mee ɓee gə́ Jerusalem, Aaje loo ooje ləm, dəjije na̰ ləma, Saŋje ndaa-looje ləa ləm tɔ, Ɓó lé seḭ iŋgaje dəw kára keneŋ Gə́ to njera nédana Gə́ ɔm na̰’d gə kankəmta, Ɓó lé dəw gə́ bèe si keneŋ ndá M’a kar məəm oso lemsé dɔ njé gə́ Jerusalem’g ya.

Jeremi 7:13

Njesigənea̰ pana: Ɓasinè to gə́ seḭ raje néje nee lai ləm, to gə́ ma m’pata m’ar sí un kudee gə ndɔ rad ya nɛ seḭ ndigi kooje el ləma, to gə́ ma m’ɓar sí nɛ seḭ ndigije tam’g el ləm tɔ ndá

Jeremi 7:27

Jeremi, ɓó lé i ula dee néje lai neelé ndá deḛ d’a kun mbi dee rəw dɔ’g, ɓó lé i ɓar dee gə ndui wəl ya kara d’a kilai keneŋ el ləm tɔ.

Jeremi 8:6

Neḛ n’isi gèŋ N’ur mbi neḛ gə mba koo ndu dee, Deḛ pata gə́ kəm kar dee pa lé el, Nɛ dəw kára kara wa ndòo rəa Dɔ meeyèr’g ləa el ləm, Dəji pana: See ɗi ɓa m’a ra wa kara bèe el ləm tɔ. Deḛ lai tel d’un rəw néra dee gogo To gə́ kunda gə́ aiŋgwɔd gə́ loo-rɔ’g bèe.

Loo gə́ killa rea kəm Daniel’g 3:15

Ɓasinè lé, meḛ sí dɔ rɔ sí’g ar loo gə́ seḭ a kooje ndu to̰to̰ ləm, gə ndu buula ləm, gə kṵdu-ko̰dè ləm, gə kṵdu-ka ləm, gə kṵdu-jaŋ ləm, gə nékɔspa ləma, gə nékimje ɓəd-ɓəd ləm tɔ ndá seḭ a kundaje barmba ləm, seḭ a kwaje néndaji gə́ m’ra lé meḛ sí’g ləm tɔ. Ɓó lé seḭ a kwáje meḛ sí’g el ndá léegəneeya d’a kwa sí kɔm sí mee bwa pər gə́ o̰ bilim-bilim’g. Ŋga see magə gə́ ra ɓa a kɔr sí jim’g kɔm sí tar wa.

Loo gə́ killa rea kəm Daniel’g 3:29

Aa ooje, ɓasinè ndukun ləm ɓa nee: Nana ɓa mbuna koso-dəwje’g əsé ginkoji dəwje gə raŋg’g əsé deḛ gə́ takɔji dee ɓəd-ɓəd gə́ rara kara ɓa gə́ pata gə́ majel ila dɔ Ala’lə Sadrak gə Mesak gə Abed-Nego ndá debee neelé d’a kwá tiee mbidi-mbidi ləm, kəi ləa kara d’a tɔ pɔs-pɔs karee to ɓiri-ɓisi ləm tɔ mbata magə gə́ rara kara gə́ askəm kɔr dəwje kɔm dee tar to gə́ yeḛ bèe lé godo.

Loo gə́ killa rea kəm Daniel’g 6:20

Ta lookàr gə́ loo to gḭdo-gḭdo ɓəi ndá mbai ḭ aw gə tɔgee ta bwa toboḭje’g lé.

Loo gə́ killa rea kəm Daniel’g 6:27

Ma m’un ndum mba kar goo ɓeeko̰ ləm lai lé dəwje ɓəl Ala lə Daniel ləm, ndəb pəd-pəd nea̰’g ləm tɔ. Mbata yeḛ nja ɓa to Ala gə́ Njesikəmba ləm, Gə Njesigənea̰ ləm tɔ, Ɓeeko̰ ləa lé a tuji nda̰ el ləm, Dum dɔ loo ləa kara A to saar-saar gə no̰ ləm tɔ.

Ojee 11:2

Nɛ deḛ d’unda rɔ dee ŋgərəŋ Rɔ deḛ gə́ ɓar dee’g lé, Deḛ d’inja nékinjanéməsje d’ar magə-Baalje ləm, Deḛ roo néje gə́ ə̰də sululu D’ula ne rɔnduba dɔ magəje gə́ deḛ tɔl dee ləm tɔ.

Ojee 11:7

Koso-dəwje lə neḛ d’unda rɔ dee ɓad rɔ neḛ’g ta-ta. Deḛ ɓar dee gə́ rɔ Njekurdɔloo’g Nɛ dəw kára kara ila riɓar dəa’g el.

Nahum 1:4

Yeḛ ḭ gə baa-boo-kad aree tudu kurum-kurum ləm, Yeḛ ar mán baaje lai d’yi tə-tə ləm tɔ. Dɔ mbalje gə́ Basan gə Karmel lé d’wəi mbugu-mbugu ləm, Puduje gə́ Liba̰ gəḭ ləm tɔ.

Habakuk 3:8

See Njesigənea̰ ar mée ḭ səa pu dɔ baa-booje’g wa See to baa-booje ɓa oŋg ləi ḭ səi dɔ dee’g to gə́ pər bèe ləm, Meekḭ pu ləi lé i ɔm ne boo-oŋg dɔ baa-boo-kad’g Ɓa gə mba kari uba ne kundaje ləi Gə pusu-rɔ ləi gə́ ka̰ kun baŋga ləm tɔ lé wa.

Bula lə Israɛlje 11:23

Njesigənea̰ tel ila Moyis’g pana: See ji Njesigənea̰ na tas wa. Ɓasinè i a koo see né gə́ m’ulai lé a teḛ əsé a teḛ el wa.

Mark 4:39

Yeḛ ḭ dɔ ɓi’g ndá ḭ gə lel ndaŋgee ləm, yeḛ pa gə paŋgəm mán baa-boo ləm tɔ pana, Mbim udu, ar loo to mundu ləm tɔ! Léegəneeya lel lé əw rəa kula ləm, dɔ mán toso ɗəḭ-ɗəḭ ləm tɔ.

Tagə́maji gə́ Ja̰ ndang 1:11

Yeḛ ree rɔ dəwje ləa gə́ gəd-gəd ya nɛ deḛ d’wá gə́ rɔ dee’g el.

Tagə́maji gə́ Ja̰ ndang 3:19

Ta gə́ wa dɔ dəwje lé ɓa nee: mbata lookàr ree naŋg nee mba̰ nɛ deḛ ndigi loondul unda lookàr mbata néra dee to majel.

Jujé 3:16

mán gə́ ḭ tar ula lé gaŋg ŋgəji tɔɓəi ndur dɔ na̰’d loo kára ba gə kuree, teḛ mbɔr ɓee-boo gə́ ria lə Adam gə́ to mbɔr Sartan’g, ar mán gə́ ḭ ula par gə́ baa-boo-kad gə́ ria lə Baa-Kad gə́ to mee ndag-loo’g lé gaŋg ŋgəji tɔ. Koso-dəwje gaŋg baa loo gə́ wɔji dɔ Jeriko njoroŋ tɔ.