Esai 5:9 - Maktub gə́ To gə Kəmee

⁹ Aa ooje né gə́ Njesigənea̰ gə́ njeboo-néje am m’oo lé ɓa nee: Tɔgərɔ ya, kəije gə́ bula neelé D’a to nduba piu-piu ləm, Kəije gə́ boo-boo gə́ kura yaa̰ neelé Dəwje d’a si keneŋ el ləm tɔ.

Esai 5:9 ပူးပေါင်းရင်းမြစ်များ

2 Sôrta Gḭka Israɛlje 36:21

gə mba kar ta gə́ Njesigənea̰ pa ne gə ndu Jeremi lé aw ne lée’g béréré pana: Ɓee lé a to nduba as ləb rɔ-siri saar mba kar dɔ naŋg wa ne rəa mba taa ne tor ləb-kwa-rɔ gə́ yee wa ne rəa kédé el lé bèe.

Maktub gə́ wɔji dɔ Jɔb 15:28

Yeḛ si ɓee-booje gə́ tuji ləm, Gə mee kəije gə́ d’uba d’ya̰ Gə́ nai lam bèe d’a gə tuji pugudu ləm tɔ.

Maktub gə́ wɔji dɔ Jɔb 20:21

Gə goo mal né gə́ rəa lé ar né kára kara nai el, Nɛ kuru si maji ləa a kəw el.

Gosota-Kəmkàrje 15:27

Yeḛ gə́ ŋgur nékiŋga gə́ gə goo rəbee el rəa ŋgwɔd-ŋgwɔd lé Ɓar tuji gə́ dɔ njémeekəije’g ləa, Nɛ yeḛ gə́ ə̰ji né gə́ d’un gə mba ndogee ne bəḭ-bəḭ lé A sí kəmba.

Esai 22:14

Njesigənea̰ gə́ njeboo-néje riba dɔ ta nee Am m’oo pana: Tɔgərɔ ya, néra majel lə sí neelé Mee neḛ a koso lemsé dɔ’g el Saar a kwəije ne! Njesigənea̰ gə́ njeboo-néje ɓa pa bèe.

Esai 27:10

Mbata ɓee-boo gə́ siŋgá ŋgəŋ lé Tel to dɔ nduba, Tel to gə́ loo-si gə́ d’uba d’ya̰ D’aree to gə́ dɔdilaloo bèe, Loo-kaar-nékulje lé ŋgon maŋg ɓa a to keneŋ Mba sɔ barkəm kagje.

Esai 5:6

M’a kya̰ karee tuji: Dəw a tuga barkəmee el ləm, D’a ndɔ mée el ləm tɔ, Kun-pɔrɔrɔje gə kunje d’a ra tɔg keneŋ ləm, M’a kun ndum kar loo-kil-lə-ndije Gə mba kar dee d’ar ndi ər keneŋ el ləm tɔ.

Amɔs 3:7

Mbata Mbaidɔmbaije gə́ Njesigənea̰ lé ra né kára kara lal teggin nérea gə́ to loo-kiya’g lé kédé kar kuraje ləa gə́ to njéteggintaje lé el.

Amɔs 5:11

Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Amɔs 6:11

Mbata aa ooje, né gə́ Njesigənea̰ un ndia dɔ’g lé ɓa nee: Yeḛ a kar kəi gə́ boo lé təd kuyum-kuyum ləm, Ŋgon kəi gə́ lam kara a kiri budu-budu ləm tɔ.

Matiyo 22:7

Mbai lé oo ndá mée ḭ səa pu aree ɔr njérɔje ləa ar dee d’aw mba kar njétɔl dəwje neelé d’udu ləm, gə roo ɓee lə dee dula-dula ləm tɔ.

Matiyo 23:38

Aa ooje, d’a kuba kəi lə sí kya̰ mée wəl kar sí.

Maktub gə́ Jak ula ne ar ngan-Allaje 5:4

Aa ooje, njékulaje gə́ d’inja kó mee ndɔje’g lə sí gə́ seḭ bəŋgərə deeje nɛ lar kuga ji dee lé ɓaŋgee ɓar yor-yor, ndu kii no̰ lə njékulaje kara oso mbi Mbaidɔmbaije gə́ njeboo-néje gə́ dara lé tɔ.