Esai 5:6 - Maktub gə́ To gə Kəmee

⁶ M’a kya̰ karee tuji: Dəw a tuga barkəmee el ləm, D’a ndɔ mée el ləm tɔ, Kun-pɔrɔrɔje gə kunje d’a ra tɔg keneŋ ləm, M’a kun ndum kar loo-kil-lə-ndije Gə mba kar dee d’ar ndi ər keneŋ el ləm tɔ.

Esai 5:6 ပူးပေါင်းရင်းမြစ်များ

1 Mbaije 17:1

Eli, dəw gə́ Tisbe gə́ dɔ naŋg gə́ Galaad lé ula Akab pana: Njesigənea̰ Ala lə Israɛlje gə́ m’to kura ləa lé to Njesikəmba! Mee ləbje’g neelé tàl a kwa el ləm, ndi kara a kər el ləm tɔ nɛ gə goo ta gə́ ma nja m’a pa ɓa.

1 Mbaije 8:35

Loo gə́ kəm dara udu ar ndi ər el mbata kaiya gə́ deḛ ra d’ɔsi ne rəw lé, ɓó lé deḛ ra tamaji lée’g neelé d’ula ne rɔnduba dɔ rii’g ləm, ɓó lé deḛ d’uba goo kaiya ra deeje d’ya̰ mbata i ar bo̰ néra dee ɔs ta dee’g ləm tɔ ndá,

Maktub gə́ wɔji dɔ Jɔb 31:40

Maji kar kunje ɓa uba taa tor wa lé ləm Maji kar haowa ɓa taa tor kó-ɔrj lé ləm tɔ. Rudu ta lə Jɔb ŋga.

Gosota-Kəmkàrje 24:31

Tɔɓəi aa oo, kunje d’ḭ taa loo keneŋ pəl-pəl ləm, Gərgə̰dje siŋ na̰ keneŋ siŋ-siŋ ləma, Ndògo gə́ d’unda gə kɔr mbal lé kara Jura naŋg ləm tɔ.

Esai 24:12

Tuji-boo nai mee ɓee-boo’g Ar tarəwkɔgje gə́ tɔs dee lé tuji pugudu-pugudu.

Esai 30:23

Yen ŋga yeḛ a kar ndi ər dɔ nédubu gə́ seḭ dubuje dɔ naŋg’d lé Ndá kandə nésɔ gə́ dɔ naŋg a kar sí lé A lel ta sí’g ləm, a kul sí ləm tɔ, Mee ndəa gən lé koso-nékulje lə sí D’a ko̰ mu loo-ko̰-mu’g lə dee gə́ tad rəg-rəg lé.

Esai 32:10

Mee ləb kára gə ndɔje gə́ na̰je lé Seḭ gə́ síje lɔm lal kḛji ta lé a kundaje bala, Mbata kandə nduú gə́ kəm kinja a godo ləm, Ko gə́ kəm kinja kara a godo ləm tɔ.

Esai 49:19

Mee looje lə sí gə́ tuji d’wa ŋgɔ njag-njag ləm, Mee ɓee lə sí gə́ tuji pugudu-pugudu ləm tɔ lé Njé’g lə sí gə́ d’isi keneŋ lé Loo a kas dee el ŋga, Deḛ gə́ njétuji sí pugudu-puguduje lé kara D’a kɔr rɔ dee si ŋgərəŋ tɔ.

Esai 55:13

Kag-siprɛs ɓa a kuba tor kunje’g ləm, Mbəə ɓa a ra tɔg tor kun-pɔrɔrɔ’g ləm tɔ, Yee ɓa a to gə́ nérɔnduba mbata lə Njesigənea̰ ləm, As to nékolé-mee gə́ to gə no̰ gə́ a tuji el ləm tɔ.

Esai 7:19

D’a ree si mee ndag-wəlje’g ləm, Gə mbuna mbalje gə́ ta̰’g ləm, Gə dɔ ŋgan kagje’g lai ləma, Gə loo-ko̰-mu lə nékulje’g lai ləm tɔ.

Jeremi 14:1

Njesigənea̰ pata ar Jeremi wɔji ne dɔ loo-tudu.

Jeremi 14:22

See mbuna magəje’g lə ginkoji dəwje gə raŋg lé Yee gə́ ar ndi ər to keneŋ wa. Esé see dara ɓa ar ndi ər wa. See to i Njesigənea̰, Ala lə sí el wa. Jeḛ j’unda meḛ sí yel gə́ dɔi’g, Mbata to i ya ɓa ra néje neelé lai.

Jeremi 25:11

Ɓee nee lai a tuji ləm, a tel to dɔ nduba ləm tɔ ndá ginkoji dəwje gə raŋg neelé d’a ra kula ɓər kar mbai gə́ Babilɔn as ləb dee rɔ-siri.

Jeremi 45:4

Ma lé m’ulai m’pana: Njesigənea̰ pa togə́bè pana: Aa oo, né gə́ ma m’unda lé M’a gə tuji pugudu ləm, Né gə́ ma ma̰a lé m’a kwá kɔree ləm tɔ, Yee ɓa to ta gə́ wɔji dɔ ɓee nee lai ya.

Nɔ̰-ndôo gə́ wɔji dɔ Jerusalem 2:6

Yeḛ wa ndògo-bɔrɔ gə́ gugu dɔ ɓee-boo ləa Gə́ to gə kəmee unda naŋg rab-rab ləm, Loo-kwa-dɔ-na̰ ləa kara yeḛ tuji pugudu-pugudu ya ləm tɔ. Njesigənea̰ ar meḛ njé gə́ Sio̰ wəi Dɔ ndɔ ra naḭje’g ləm, Gə dɔ ndɔ-kwa-rɔje’g ləm tɔ. Dan oŋg-boo’g ləa lé Yeḛ un kəmee rəw dɔ mbai’g ləm, Gə dɔ njekinjanéməs’g ləm tɔ.

Ojee 3:4

Mbata Israɛlje lé d’a gə si kur dee əw lal mbai ləm, lal dəw dɔ dee ləm, lal nékinjanéməsje gə néndajije ləma, lal ŋgɔ-njekinjanéməs gə nékoo-ndukunje lə Ala ləm tɔ.

Ojee 9:6

Mbata aa ooje, deḛ d’aḭ mbata tuji-boo gə́ oso dɔ dee’g. Ejiptəje d’a kwa dee gə́ rɔ dee’g ləm, Mopje d’a kar dee bwa-doɓarje ləm tɔ, Néje lə dee gə́ gad dee to yaa̰ ləm, Gə larndaje lə dee ləm tɔ lé Kun-pɔrɔrɔje d’a turu dɔ dee pubug ləm, Kunje d’a kuba mee kəi-kubuje’g lə dee ləm tɔ.

Joɛl 1:7

Deḛ tuji kag-nduúje ləm ləm, Deḛ guru kag-kodé ləm rug-rug ləm, Deḛ tusu ŋgɔyee ŋgəu-ŋgəu d’ɔm naŋg ləma, Barkəm nduúje tel ndá pal-pal ləm tɔ.

Amɔs 4:7

Neḛ lé n’ɔg sí mán ndi Loo gə́ nai naḭ munda ɓa mba teḛ naḭ kinja kó’g ɓəi, Neḛ n’ar ndi ər dɔ ɓee-boo gə́ kára Ndá yee gə́ raŋg lé n’ar ndi ər keneŋ el, Loo-ndɔ gə́ kára iŋga ma̰-ndi, Nɛ yee gə́ raŋg lé ndi oso keneŋ teŋ el Aree tudu kurum-kurum tɔ.

Lugu 21:24

D’a gaŋg dee gə ta kiambas kɔm dee naŋg ləm, d’a kwa dee ɓər kaw sə dee mbuna ginkoji dəwje gə raŋg’g lai ləma, tɔɓəi ginkoji dəwje d’a tuba Jerusalem gə gɔl dee mbajila-mbajila ləm tɔ saar kar ndəa ka̰ ginkoji dəwje gə raŋg a kun ɗiao.

Tel tura Godndu 29:23

ginkoji dəwje gə raŋg lai d’a pana: See gelee ban ɓa Njesigənea̰ ra ne né gə́ togə́bè gə ɓee nee wa. See gelee ban ɓa boo-oŋg gə́ taa pər togə́bè nee teḛ ne wa.

Loo gə́ killa rea kəm Ja̰’g 11:6

Siŋga dee as kudu loo-kil-lə-ndi kar ndi ər el ndəa gə́ d’ɔr ne goo ta lé saar ləm, mba kar manje tel məs ləma, gə kunda naŋg nee kar rɔko̰je gə́ gə ria-ria oso dɔ dəwje’g to gə́ meḛ dee wɔji lé ləm tɔ.