Esai 5:4 - Maktub gə́ To gə Kəmee

⁴ See ɗi ɓa gə́ né gə́ kəm ra gə ndɔ-nduú ləm Gə́ ma m’lal ra səa ɓəi wa. See gelee ban ɓa loo gə́ m’unda məəm yel gə mba kiŋga ka̰dee gə́ maji Ndá yee andə gə ka̰dee gə́ majel wa.

Esai 5:4 ပူးပေါင်းရင်းမြစ်များ

Teḛ-Raga 37:22

Dɔ kureje gə barkəm kag pərndɔje lé deḛ to kubururɔ gə́ kára ba ya, deḛ ra deḛ lai gə larlɔr gə́ ra kəi-kɔr’g ləm, to larlɔr gə́ àr ŋgad-ŋgad ləm tɔ.

Esai 1:5

Loo gə́ kɔs ta rəw lə sí ḭ dɔ maree’d gə́ kédé-kédé lé See bo̰ néra sí gə́ sigi Gə́ ra ɓa kəm karee ɔs ta sí’g wa. Rɔko̰ ta dɔ sí bura pəl-pəl ləm, Meḛ sí bura kara tila ŋgaḭla-ŋgaḭla ləm tɔ.

Jeremi 2:21

Ma ma̰a sí gə́ kag-nduú gə́ maji dum Gə́ ka̰dee maji, Ŋga see ban ɓa seḭ telje rɔ sí raŋg Ar sí tel toje nduú gə́ mee kɔr’g ɓəi wa.

Jeremi 2:5

Njesigənea̰ pa togə́bè pana: See néra gə́ kori-kori ɗi ɓa Bɔ síje-je d’oo rɔm’g ɓa D’unda ne rɔ dee ŋgərəŋ rɔm’g D’aw ne goo néje gə́ gə mḭdé ba Gə́ ar dee-deḛ nja kara Tel to né gə́ gə mḭdé ba lé wa.

Jeremi 24:2

Kandə kodéje gə́ to mee karè gə́ dɔtar lé maji yaa̰ to gə́ kandə kodéje gə́ d’inja doŋgɔr bèe nɛ kandə kodéje gə́ to mee karè gə́ njekɔm’g joo lé majel kəm sɔ el mbata majel yaa̰.

Jeremi 7:25

Un kudee mee ndəa gə́ bɔ síje-je d’unda ne loo mee ɓee gə́ Ejiptə’g teḛ saar teḛ ne mee ndəa’g neelé ma m’ula gə kuraje ləm gə́ to njéteggintaje rɔ dee’g. Teḛ gə ndɔ gə ndɔje kára-kára lai lé m’ula dee rɔ dee’g ya.

Jeremi 7:26

Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el. Deḛ to njékuba gwɔbkelkwɔije ləm, deḛ ra néje gə́ majel d’aree al dɔ ka̰ bɔ deeje-je ləm tɔ.

Ejekel 24:13

Kaiya ɓa to dan né gə́ mina̰ jɔmri-jɔmri’g ləi mbata neḛ ndiŋga rɔ neḛ mba kɔr né gə́ mina̰ jɔmri-jɔmri lé rɔi’g nɛ i tel àr ne el, i a kàr el ŋga saar n’a kar boo-oŋg lə neḛ aw ne lée’g béréré dɔi’g.

Ojee 10:1

Israɛlje to d’asəna gə kag-nduú gə́ andə ul bo̰-bo̰ bèe. Loo gə́ andə njim-njim ndá Deḛ ra loo-pole-magje ur dɔ njé gə́ kédé’g, Loo gə́ ɓee lə dee si dan némajije’g bèdèg ndá Deḛ ra néndajije gə́ to kɔr mbalje gə́ d’unda dee tar lé D’ar dee ndolé lḛd-lḛd D’ar dee maji d’unda njé gə́ kédé.

Matiyo 23:37

Seḭ njéɓeeje gə́ Jerusalem, seḭ njéɓeeje gə́ Jerusalem lé seḭ gə́ tɔlje njéteggintaje gə tilaje deḛ gə́ d’ula dee rɔ sí’g gə kɔri-ərje lé see gɔl ka̰da ɓa ma m’ndiŋga rɔm mba mbo̰ sí gelm’g to gə́ ko̰ kṵja mbo̰ ne ŋganee gel bagee’g bèe nɛ seḭ ṵdamje ɓad nee ɓəi wa.