Esai 5:24 - Maktub gə́ To gə Kəmee

²⁴ Gelee gə́ nee ɓa to gə́ ndo̰ pər o̰ ne ləm mu ləm, Pər o̰ ne mu gə́ tudu ləm tɔ lé Ŋgira dee a to to gə́ né gə́ ndum bèe ləm, Pudu dee a sané pá asəna gə kor bèe ləm tɔ, Mbata deḛ d’ə̰ji godndu Njesigənea̰ gə́ njeboo-néje bəḭ-bəḭ ləm, Deḛ d’oo tapa Njemeenda lə Israɛlje gə́ né gə́ to kḛji kəm dee’g ləm tɔ.

Esai 5:24 ပူးပေါင်းရင်းမြစ်များ

2 Mbaije 19:22

See na̰ ɓa i tajee ila ne ndɔl dəa’g wa. See na̰ ɓa i ndɔḭ ndui dəa’g ləm, I teḛ kəmi bəsəsə dəa’g ləm wa. Dɔm ma gə́ m’to Njerɔkunda lə Israɛlje lé ya wa.

Nehemi 9:26

Lé bèe kara d’ḭ d’ɔsi rəw Deḛ d’ila godndui goo dee’g gogo ləm, Deḛ tɔl njéteggintaje ləi Gə́ ndəji dee kɔr mba kar dee tel ree rɔi’g lé ləm tɔ. Tɔɓəi deḛ ra néje gə́ yèr d’ila ne boo-rɔkulje dɔi’g.

Maktub gə́ wɔji dɔ Jɔb 18:16

Gel ŋgiráje gə́ naŋg lé tudu kurum-kurum ləm, Deḛ tuga barkəmeeje gə́ tar badə-badə ləm tɔ.

Maktub gə́ wɔji dɔ Jɔb 8:17

Yeḛ dolè ŋgirá mbuna kɔr mbalje’g ləm, Yee aw saar teḛ mee ndògo-bɔrɔje’g ləm tɔ.

Pakɔsje 50:17

Ta gə́ d’wɔjii lé i ə̰ji bəḭ-bəḭ ləm, Taje lə neḛ kara i mbad ya ləm tɔ.

Teḛ-Raga 15:7

Mbɔl dɔ boo-ronduba ləi gə́ dum dɔ loo lé Deḛ gə́ d’oma̰ səi ndá i ɓugu dee naŋg, I rɔg oŋg ləi piriŋ ila tar Ndá yeḛ roo dee dula-dula Asəna gə ləm mu bèe tɔ.

Teḛ-Raga 5:12

Dəwje neelé sanéna̰ gə loo-loo mee ɓee gə́ Ejiptə mba kwa ləm muje ŋga ɓa tor mu’g.

Esai 1:31

Dəw gə́ njesiŋgamoŋ a tel kasəna gə bḭ kúla bèe ləm, Kula rəa a to kasəna gə ndao-pər bèe ləm tɔ, Deḛ joo bɔr d’a roo dula-dula Ndá dəw gə́ njetɔl pəree a godo.

Esai 1:4

Meeko̰ a koso dɔ sí-seḭ Ginkoji dəwje gə́ njékaiyaje, Seḭ gə́ toje koso-dəwje Gə́ njéra né kori-korije ləm, Gə́ ŋgaka njémeeyèrje ləma, Gə́ ŋganje gə́ njéra némajelje ləm tɔ! Seḭ ubaje Njesigənea̰ yá̰je ləm, Seḭ ə̰jije Njemeenda lə Israɛlje bəḭ-bəḭ ləma, Seḭ telje gir sí ilaje areeje ləm tɔ.

Esai 24:6

Gelee gə́ nee ɓa ndɔl wa ne dɔ ɓee ləm, Dəwje gə́ d’isi keneŋ kara bo̰ néra kori-korije lə dee ɔs ne ta dee’g ləm tɔ, Gelee gə́ nee ɓa dəwje gə́ d’isi mee ɓee’g neelé d’udu ne Ar deḛ gə́ nai keneŋ lé nai ne jebəre ba bèe.

Esai 26:11

Njesigənea̰, ji siŋgamoŋ ləi ɓar mèr-mèr ya Nɛ deḛ d’oo bèe el. D’a koo mal koso-dəwje ləi gə́ rai Ndá rɔ dee a kul ne, Pər a roo njéba̰je ləi dula-dula.

Esai 30:12

Gelee gə́ nee ɓa yeḛ gə́ to Njerɔkunda lə Israɛlje lé pa ne pana: To gə́ seḭ mbadje ta neelé ləm, Seḭ undaje meḛ sí dɔ néra kərm-kərm’g Gə néra gə́ gə goo rəbee’g el ləma, Seḭ gədje rɔ sí dɔ dee’g ləm tɔ ndá

Esai 30:9

Mbata to koso-dəwje gə́ njékaltaje ləm, Deḛ to ŋganje gə́ njépa taŋgɔmje ləma, Deḛ to ŋganje gə́ ndigi koo godndu Njesigənea̰ lé el ləm tɔ.

Esai 47:14

Aa ooje, deḛ to d’asəna gə ləm mu Ndá pər a roo dee. Deḛ d’a kaskəm kaji rɔ dee Dan ndo̰ pər gə́ teḛ bilim-bilim’g el, A to gə́ kɔr pər gə́ dəw a ndibi el ləm, A to pər gə́ dəw a si ta’g el ləm tɔ.

Esai 7:9

Samari ɓa to gə́ ko̰ɓee gə́ Eprayim Ar ŋgolə Remalia ɓa to mbai dɔ Samari tɔ. Ɓó lé aarje njaŋg dɔ ta’g neelé el ndá Seḭ a síje kəmba el.

Esai 8:6

Mbata kḛji gə́ dəwje neelé d’ə̰ji manje gə́ Siloe Gə́ d’aḭ yer-yer lé bəḭ-bəḭ ləm, Gə rɔlel gə́ deḛ ra wɔji dɔ Resin gə dɔ ŋgolə Remalia ləm tɔ lé

Esai 9:18

Gə goo oŋg lə Njesigənea̰ gə́ njeboo-néje lé ɓa Pər taa ne ɓee pəl-pəl Ar koso-dəwje tel to d’as ne na̰ Gə kir gə́ pər o̰ bèe, Dəw kára kara oo kəmtondoo lə ŋgokea̰ yá̰ ne el.

Esai 9:19

Dəw nar nésɔ gə́ to dɔ jikɔlee’g Nɛ si gə ɓó ya ɓəi, Dəw gaŋg nésɔ gə́ to jigelee’g Nɛ asee el ya ɓəi tɔ, Nana kara dakas jia-yeḛ ya ɓa sɔ.

Jeremi 6:19

I dɔ naŋg neelé maji kari oo ta, Aa oo, m’a gə kar némeeko̰ ree Dɔ koso-dəwje’g neelé Gə goo kandə takə̰jije lə dee, Mbata deḛ d’ur mbi dee Dɔ taje’g ləm el ləm, Deḛ d’ə̰ji godndum bəḭ-bəḭ ləm tɔ.

Jeremi 8:9

Njékəmkàrje lé kəm sɔḭ wa kəm dee ləm, Ta igi dee sel ar dee d’isi jim ləm tɔ, Aa ooje, deḛ d’ə̰ji ta lə Njesigənea̰ bəḭ-bəḭ Ndá see kəmkàr ɗi ɓa d’aw ne wa.

Ejekel 15:6

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: To gə́ kag-nduú gə́ to mbuna kagje’d gə́ mee kag-kɔr’g ɓa neḛ n’ilá pər’d n’aree roo dula-dula lé, togə́bè ɓa n’a ra gə njé gə́ Jerusalem bèe ya tɔ.

Ojee 11:9

M’a ra né gə goo oŋg ləm gə ḭ səm pu lé el, M’a kya̰ goo tuji gə́ m’wɔji mba tuji ne Eprayimje lé. Mbata ma m’to Ala ɓó m’to dəw el, Ma m’to Njerɔkunda gə́ m’si mbuna sí’g, M’a tel ree ra né gə goo oŋg ləm el.

Ojee 5:12

Eprayimje lé m’a ra sə dee to gə́ dirije Gə́ d’unda né tuŋgu-tuŋgu bèe ləm, M’a to kasəna gə kuru gə́ ndusu né mbata lə Judaje ləm tɔ.

Ojee 9:16

D’unda Eprayimje d’ar ŋgira dee tudu kurum, D’a kandə nda̰ el, Ɓó lé denéje d’oji ŋganje kara Né gə́ to ŋgonkəm dee lé M’a karee udu bo̰.

Joɛl 2:5

Kaa dee gə́ ɓar lé To asəna gə kaa pusu-rɔje Gə́ tal dɔ sém mbalje’g tar bèe ləm, To asəna gə ndo̰ pər gə́ o̰ ndɔb rududu-rududu Gə́ aw to̰ ləm muje bèe ləma, To asəna gə kudu njérɔje gə́ siŋga dee to yaa̰ Gə́ d’wa dɔ gɔl rɔ dee gə mba kaw rɔ bèe ləm tɔ.

Amɔs 2:4

Njesigənea̰ ɓa pa togə́bè pana: Gə mbata kaiya ra Judaje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ə̰ji godndu Njesigənea̰ bəḭ-bəḭ ləm, Deḛ d’aa dɔ torndiaje kər-kər el ləm tɔ, Mbata magəje gə́ ŋgɔm ɓa ar dee ndəm ya, To magəje gə́ bɔ deeje-je kara ndolè goo dee ya tɔ.

Amɔs 2:9

Nɛ kédé lé neḛ n’tuji Amɔrje no̰ dee’g ya, Deḛ gə́ kagrɔ dee ŋgal to gə́ kag-sɛdrə bèe ləm, Siŋga dee kara to asəna gə kag-sɛnə bèe ləm tɔ, Neḛ n’tuji kandə dee gə́ tar ləm Gə ŋgira dee gə́ naŋg ləm tɔ.

Nahum 1:10

Mbata deḛ to d’asəna gə kunje gə́ d’ula na̰’d siŋ-siŋ ləm, To d’asəna gə dəwje gə́ kido tɔl dee ləm tɔ Ndá pər a roo dee dula-dula To gə́ mu gə́ tudu kurum-kurum bèe.

Matiyo 3:12

Nékwayiŋga dɔ kó ləa to jia’g. Yeḛ a kwa ne yiŋga dɔ kó loo-kunda-kó’g ləa nɛ yeḛ a mbo̰ kandə kó ləa kɔm dàmá ndá yeḛ a roo yiŋga dəa gə pər gə́ a kwəi nda̰ el lé tɔ.

Lugu 10:16

Yeḛ gə́ oo ta lə sí ndá yeḛ oo ta ləm-ma ya tɔɓəi yeḛ gə́ ɔs sí-seḭ rəw lé ndá yeḛ ɔsm-ma rəw ya tɔ. Dəw gə́ ɔsm-ma rəw lé ndá yeḛ ɔs dəw gə́ njekulam lé rəw ya tɔ.

Lugu 3:17

Nékwayiŋga dɔ kó ləa to jia’g, yeḛ a kwa ne yiŋga dɔ kó loo-kunda-kó’g ləa ndá yeḛ a mbo̰ kandə kó ləa kɔm dàmá nɛ yeḛ a roo yiŋga dəa dan pər gə́ a kwəi nda̰ el.

Lugu 7:30

Nɛ Parisiḛje gə njéteggin godnduje lé mbad karee ra dee batɛm, d’ɔg ne loo né gə́ Ala wɔji gə mba kar dee lé saar tɔ.

Tagə́maji gə́ Ja̰ ndang 12:48

Yeḛ gə́ mbadm saar lal taa ta ləm ndá njegaŋ-rəwta dəa’g si gən ya. Ta gə́ ma m’ɔr lé nja ɓa a gaŋg rəbee dəa’g ndɔ gə́ rudu’g lé ya.

Néra Njékaḭkulaje 13:41

Seḭ njékimlooje, aaje loo ooje, Arje meḛ sí ndəb pəd-pəd ɓó gə uduje ne, Mbata né gə́ n’a gə ra ɓó lé d’ɔr soree d’ar sí kédé kara seḭ a taaje gə meḛ sí el, Nɛ n’a ra né mee ndəa gə́ seḭ a síje keneŋ gə kəmə sí ɓəi ya.

Tel tura Godndu 28:24

Njesigənea̰ a kula gə bu gə kor tor ndi’g mee ɓee’g lə sí, d’a kḭ dara kər dɔ sí’g saar kar sí tujije ne.

1 Njé gə́ Tesalonikə 4:8

Gelee gə́ nee ɓa, yeḛ gə́ ɔs ta ndoo neelé rəw ndá Ala gə́ njekar Ndil gə́ to gə kəmee to meḛ sí’g ɓa yeḛ ɔsee rəw kən ɓó dəw gə́ kari ba el.

1 Samel 15:23

Mbata kalta lé to kaiya gə́ to asəna kára ba gə ndo̰ ər ləm, kɔs ta rəw lé to asəna kára ba gə néra gə́ gə dɔ najee el ləm tɔ. Bèe ndá to gə́ i mbad ta lə Njesigənea̰ lé yeḛ kara a mbad kari to mbai lé tɔ.

1 Samel 15:26

Samel ula Sawul pana: M’a tel kaw səi el. Mbata i mbad ta lə Njesigənea̰ ndá Njesigənea̰ kara mbadi tɔ, ndá i a to mbai dɔ Israɛlje’g el ŋga.