Esai 5:22 - Maktub gə́ To gə Kəmee

²² Meeko̰ a koso dɔ deḛ gə́ d’wa rɔ dee kɔgərɔ Mba kai mán-nduú gə́ mḭ ləm, D’ar njaŋg dɔ podé nékaije gə́ mḭ na̰’d ləm,

Esai 5:22 ပူးပေါင်းရင်းမြစ်များ

1 Mbaije 20:16

Kàr aar daŋdɔ ɓa deḛ teḛ raga ɓəi. Ben-Adad ai kido aree rəa mee kəi-kubuje’g gə mbaije gə́ rɔ-munda-gir-dee-joo gə́ to njéla səaje lé.

Teḛ-Raga 23:8

Seḭ a taaje néndogo-gel el mbata néndogo-gel lé ar kəm njékəmkàrje lé tɔ ləm, tuji ta lə njéra né gə́ dɔ najee-je kari ba ləm tɔ.

Gosota-Kəmkàrje 20:1

Man-nduú gə́ mḭ to njekula sul dɔ loo’g ləm, Nékaije gə́ mḭ ar njekaiee ra ne né tar ɓəgəgə-ɓəgəgə ləm tɔ, Nana ɓa gə́ ra ɓəree ndá kəmkàr lalee.

Gosota-Kəmkàrje 23:29

Ra né hai! to mbata lə na̰ wa. Ra né kwii! to mbata lə na̰ wa. Maḭ ne na̰ ta gə kɔl na̰ to mbata lə na̰ wa. No̰ yoo dɔ na̰’g to mbata lə na̰ wa. Kiŋga doo lal gər gelee lé to mbata lə na̰ wa. Kəm gə́ kas ŋgɔgərɔ lé to mbata lə na̰ wa.

Gosota-Kəmkàrje 31:4

Lemuel, né gə́ kəm kar mbaije ra el lé Kai mán-nduú gə́ mḭ lé to né gə́ kəm kar mbaije ra el ləm, To kəm kar mbaije kara saŋg goo kidoje gə́ mḭ el ləm tɔ.

Gosota-Kəmkàrje 31:5

Nà banelə loo gə́ d’ai ndá meḛ dee a kwəi dɔ ta godndu’g ləm, D’a gər gin né gə́ wɔji dɔ njénékəmndooje’g sur el ləm tɔ.

Esai 22:13

Nɛ aa ooje, boo-rɔkal gə rɔlel to keneŋ! Deḛ tɔl maŋgje gə badje ləm, Deḛ d’usɔ da gə d’ai mán-nduú ləm tɔ Pa ne pana: Ar sí j’usɔje gə j’aije Mbata bèlè j’a gə kwəije!

Esai 24:9

D’ai mán-nduú d’ɔs ne pa el ləm, Nékaije gə́ mḭ lé d’adə mbag-mbag ta njékai deeje’g ləm tɔ.

Esai 28:7

Nɛ deḛ nja kara d’ai mán-nduú d’aw ne jogè-jogè ləm, Nékai gə́ mḭ ar dɔ dee tel ne wagəsa ləm tɔ, Njékinjanéməsje gə njéteggintaje d’aw jogè-jogè dan nékai gə́ mḭ’g ləm, Man-nduú taa rɔ dee pəl-pəl ləm tɔ. Nékai gə́ mḭ ar dɔ dee tel wagəsa ləm, Deḛ d’aw jogè-jogè loo gə́ deḛ tegginta ləm, Deḛ ləŋg dɔ gaŋg rəwta’g ləm tɔ.

Esai 5:11

Meeko̰ a koso dɔ deḛ gə́ teḛ gə ndɔ rad ya Ndoné goo nékai gə́ mḭ’g ləm, Gə deḛ gə́ ɓad ɓa kar loondul ɓəi ndá Man-nduú gə́ mḭ ɓa ula pər meḛ dee’g ləm tɔ.

Esai 56:12

Gə́ reeje, m’a kaw saŋg mán-nduú Ndá jeḛ j’a kaije nékai gə́ mḭ! Bèlè kara j’a ra togə́bè ya ɓəi ləm, J’a kaije yaa̰ karee ur dɔ yeḛ gə́ nee ya ɓəi ləm tɔ!

Habakuk 2:15

Meeko̰ a koso dɔ sí-seḭ’d Gə́ arje mar síje nékai gə́ mḭ d’ai lé Seḭ gə́ mbélje né gə́ mee ku’g lə sí dɔ maree’g Ar deeje d’ai aree oso kəm dee’g Gə mba kar sí ooje ne meembaa dee lé.