Esai 5:20 - Maktub gə́ To gə Kəmee

²⁰ Meeko̰ a koso dɔ deḛ gə́ ɓar né Gə́ majel gə́ né gə́ maji ləm, Gə ɓar né gə́ maji gə́ né gə́ majel ləm, Deḛ gə́ d’oo lookàr gə́ loondul ləm, D’oo loondul gə́ lookàr ləm, Deḛ gə́ d’oo né gə́ adə gə́ né gə́ kul ləma, D’oo né gə́ kul gə́ né gə́ adə ləm tɔ.

Esai 5:20 ပူးပေါင်းရင်းမြစ်များ

Maktub gə́ wɔji dɔ Jɔb 17:12

Deḛ d’oo loondul gə́ lookàr ləm, Loo gə́ loondul ree mba̰ kara d’oo gə́ lookàr gə́ ree dəb ləm tɔ.

Teḛ-Raga 23:7

Seḭ a kundaje rɔ sí ɓad dɔ taŋgɔm’g ləm, yeḛ gə́ ta wa dəa gə njemeekarabasur lé seḭ a tɔl deeje kari ba el ləm tɔ, mbata dəw gə́ ta wa dəa lé m’a kila kam dəa’g el.

Gosota-Kəmkàrje 17:15

Njekɔr ta dɔ yeḛ gə́ ta wa dəa’g gə njegaŋ ta dɔ njemeekarabasur’g lé Deḛ joo bɔr mina̰ kəm Njesigənea̰’g.

Gosota-Kəmkàrje 4:17

Mbata muru gə́ ka̰ meeyèr ɓa d’o̰ ləm, Man-nduú gə́ ka̰ néra gə́ kərm-kərm ɓa deḛ d’ai ləm tɔ.

Esai 24:9

D’ai mán-nduú d’ɔs ne pa el ləm, Nékaije gə́ mḭ lé d’adə mbag-mbag ta njékai deeje’g ləm tɔ.

Esai 29:21

To deḛ gə́ d’ila ta dɔ njé gə́ raŋg’d loo-gaŋg-rəwta’g ləm, D’iya gum no̰ yeḛ gə́ njetaa dəa tarəwkɔg’d ləma, Dəw gə́ ta wa dəa el lé deḛ gaŋgta gə́ ŋgɔm dəa’g ləm tɔ.

Esai 30:10

Deḛ d’ula njénékooje pana: Maji kar sí toje njénékooje el! Tɔɓəi d’ula njéteggintaje pana: Tegje gintaje gə́ tɔgərɔ ar síje el tɔ. Nɛ taje gə́ ka̰ su kəm loo ɓa ula síje ləm, Tegje gintaje gə́ rii ar síje ləm tɔ!

Esai 32:5

Mbə-dəw lé d’a ɓaree gə́ dəw gə́ boo el ləm, Kəm-kəjim’g lé d’a ɓaree dəw-noji el ləm tɔ.

Ejekel 13:19

Seḭ ulaje sul dɔ neḛ’g rɔ koso-dəwje’g ləm, tɔlje ne dəwje gə́ kəm kar dee d’wəi el ɓəi ləm, nɛ ya̰je dəwje gə́ kəm kar dee d’isi kəmba el lé kəmba ləm tɔ mba kiŋga ne nduji kó-blé as ŋgo ji dəwje ləm, gə goŋ muruje ba ya ləm tɔ. Bèe ɓa seḭ ərje ne kəm koso-dəwje lə neḛ ar deeje tuga ne mbi dee gə́ dɔ taŋgɔm’g.

Amɔs 5:7

Seḭ gə́ arje ta gə́ gə dɔ najee Tel to né gə́ adə mbag-mbag ləm, Né gə́ dana sur lé kara seḭ mbɔḭje naŋg ləm tɔ!

Misee 3:2

Seḭ ə̰jije néra gə́ maji lé bəḭ-bəḭ Ndá né gə́ majel ɓa seḭ ndigije, Seḭ tusuje ndar dəwje ləm, Seḭ tɔrje dakasrɔ dee dɔ siŋga dee’g ləm tɔ.

Habakuk 1:4

Bèe ɓa godndu lé siŋgá godo ne ləm, Rəwta-gaŋg kara kul ne kwɔji-kwɔji ləm tɔ, Mbata njemeeyèr lé dum dɔ njera nédana ləm, Njégaŋ-rəwtaje gaŋg ne ta gə goo rəbee el ləm tɔ.

Malasi 2:17

Tapa sí lé ar Njesigənea̰ dao ne, nɛ seḭ pajena: See seḭ areeje dao ne to gə́ ban wa. To loo gə́ seḭ pajena: Nana ɓa gə́ ra né gə́ majel lé yeḛ to dəw gə́ maji kəm Njesigənea̰’g, yeḛ nja ɓa mée lelee dəa’g. Esé see Ala gə́ njegaŋgta gə goo rəbee lé si ra wa.

Malasi 3:15

Ɓasinè lé seḭ ə̰jije meḛ sí’g pajena: Njébeeleje ɓa to gə́ njérɔlelje ya. Tɔgərɔ, njémeeyèrje lé deḛ teḛkɔr tɔ. Tɔgərɔ deḛ d’aḭ mee Ala lal karee gaŋgta dɔ dee’g ya.

Lugu 16:15

Jeju ula dee pana: Seḭ lé seḭ rabje rɔ sí kəm dəwje’g mba kar dee d’oo sí gə́ njémeekarabasurje nɛ Ala gər meḛ sí gao ya. Mbata né gə́ rab rəa kəm dəwje’g raga lé Ala lé oo gə́ ram né ya.

Tel tura Godndu 25:1

Loo gə́ ta to mbuna dəwje’g joo ɓa d’aw ne loo gaŋg-rəwtaree’g kar dee gaŋgta dɔ’g ndá, dəw gə́ ta wa dəa el lé d’a kɔr ta dəa’g ya ləm, dəw gə́ ta wa dəa lé d’a kila ta dəa’g ya ləm tɔ.

2 Piɛrə 2:1

To gə́ ləw ba, njéteggintaje gə́ ŋgɔm d’isi mbuna dəwje’g lé togə́bè ɓa njékɔrginta gə́ ŋgɔmje d’a kandə mbuna sí-seḭ’g bèe tɔ. D’a kun ta gə goo ŋgəḭ ndoo sí ne taje gə́ kori-kori gə́ a gə tuji sí ləm, deḛ nja d’a mbad mbai gə́ njekoga dɔ dee lé ɓar ne tuji dɔ dee’g karee uba dee naŋg bus ləm tɔ.