Esai 5:16 - Maktub gə́ To gə Kəmee

¹⁶ Rəwta gə́ gaŋg gə goo rəbee lé A riba dɔ boo lə Njesigənea̰ gə́ njeboo-néje ləm, Néreaje gə́ gə dɔ najee lé A riba dɔ meenda londoŋ lə Ala ləm tɔ.

Esai 5:16 ပူးပေါင်းရင်းမြစ်များ

1 Sôrta Gḭka-Israɛlje 29:11

I Njesigənea̰ lé boo-riɓar, gə siŋgamoŋ, gə néra gə́ maji dum, gə si gə ləb-ləb, gə rɔnduba to kaḭ ya, mbata néje lai gə́ dara gə dɔ naŋg nee to kaḭ ya, ko̰ɓee to kaḭ-i Njesigənea̰ ya mbata i to mbai gə́ ur dɔ néje’g lai tɔ.

Pakɔsje 21:13

Mbata i a kar dee tel gir dee d’aḭ ləm, I a rɔ dee gə ɓandaŋg ləi ləm tɔ.

Pakɔsje 46:10

Yeḛ nja ɓa ar dee təd rɔ saar d’ɔr rudu naŋg nee njal ləm, Yeḛ guru ga̰dè ɓandaŋgje rug-rug ləm, Yeḛ təd niŋga-ndəije kərm-kərm ləma, Yeḛ roo pusu-rɔje dula-dula ləm tɔ.

Pakɔsje 9:16

Ginkoji dəwje gə raŋg d’oso mee bwa Gə́ deḛ nja d’uru’g lé ləm, Gɔl dee kara réḛ gum gə́ deḛ nja d’iya pḛ́ lé ləm tɔ.

Esai 12:4

Mee ndəa’g neelé seḭ a pajena: Pidije Njesigənea̰ ɓarje ne ria ləm, Ilaje mbər néreaje mbuna koso-dəwje’g Arje meḛ dee olé ne dɔ riɓar’g ləa ləm tɔ!

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Esai 2:17

Dəw gə́ njebeelé lé d’a karee oso kul ləm, Yeḛ gə́ njeti rəa kara d’a karee ula dəa ləm tɔ. Mee ndəa’g neelé dɔ Njesigənea̰ ya kára ba a to tar.

Esai 2:9

Gelee gə́ nee ɓa dəwje gə́ kari ba d’a kula dɔ dee ləm, Njé gə́ boo-boo d’a koso kul ləm tɔ, I a kar məəi oso lemsé dɔ dee’g nda̰ el.

Esai 28:17

M’a kar né gə́ danasur to kúla-kwɔji-né ləm, Gə néra gə́ gə dɔ najee a to nékwɔji maree ləm tɔ. Nɛ ndi-kwɔji a tuji njo̰loo-kula-dɔ gə́ ŋgɔm lé ləm, Man-kunda a tur dɔ nékɔn-rɔ Gə́ to néra gə́ gə goo rəbee el lé ləm tɔ.

Esai 29:23

Mbata loo gə́ ŋganeeje d’a koo kulaje Gə́ jim ɓa ra mbuna dee’g lé ndá D’a kunda rim gə kəmee, D’a kunda Njerɔkunda lə Jakob gə kəmee ləm, D’a ɓəl ne Ala lə Israɛlje ləm tɔ.

Esai 30:18

Gelee gə́ nee ɓa Njesigənea̰ ndiŋga rəa Gə mba ra sə sí meemaji Ndá yeḛ a kḭ gə mba koo kəmtondoo lə sí, Mbata Njesigənea̰ to Ala gə́ njemeekarabasur, Rɔlel a nai gə deḛ gə́ d’unda meḛ dee yel gə́ dəa’g!

Esai 33:10

Ɓasinè, m’a kuba naŋg kḭ, Njesigənea̰ pa bèe, Ɓasinè, m’a kur dɔ loo’g ləm, Ɓasinè, d’a kula rɔnduba dɔm’g ləm tɔ.

Esai 33:5

Njesigənea̰ lé ur dɔ loo’g Mbata yeḛ si dɔ looje gə́ tar, Yeḛ ar néra gə́ danasur gə néra gə́ gə dɔ najee Taa loo pəl-pəl mee ɓee gə́ Sio̰.

Esai 57:15

Mbata Njekurdɔloo ləm Njesikəmba gə no̰ ləma, Yeḛ gə́ Ria to gə kəmee ləm tɔ lé Pa togə́bè pana: Ma m’isi sém looje gə́ ndəw’g ləm, Gə loo gə́ to gə kəmee’g ləm tɔ, Nɛ m’isi na̰’d gə dəw gə́ kəmee to ndòo ləm, Gə yeḛ gə́ ula dəa ləm tɔ, Gə mba gɔl meḛ dee gə́ d’ula dɔ dee ləm, Gə deḛ gə́ kəm dee to ndòo ləm tɔ.

Esai 6:3

Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Esai 61:8

Mbata ma Njesigənea̰ m’unda néra gə́ gə dɔ najee dan kəm’g Ndá m’ə̰ji ɓogo gə néra gə́ kori-kori bəḭ-bəḭ, M’a kar dee nékoga-dɔ-ji dee gə goo rəbee ləm, Ma jeḛ sə deeje j’a manrɔ sí kar na̰ Gə manrɔ gə́ to gə no̰ ləm tɔ.

Esai 8:13

Maji kar sí undaje Njesigənea̰ gə́ njeboo-néje lé gə kəmee. Yeḛ nja ɓa seḭ a ɓəleeje ləm, Seḭ a ndəbje pəd-pəd nea̰’g ləm tɔ.

Ejekel 20:41

N’a kwa sí gə́ rɔ neḛ’g asəna gə né gə́ ə̰də sululu loo gə́ n’ar sí undaje loo mbuna koso-dəwje’g teḛje ləm, n’ar sí ḭje mee ɓeeje gə́ n’sané sí keneŋ mbo̰ sí dɔ na̰’d ləm tɔ. Bèe ɓa seḭ a kundaje ne neḛ gə kəmee kəm ginkoji dəwje gə raŋg’g.

Ejekel 28:22

A pana: Mbaidɔmbaije gə́ Njesigənea̰ pa togə́bè pana: I ɓee gə́ Sido̰ lé aa oo, neḛ n’aw səi gə ta! D’a kula rɔnduba dɔ neḛ’g mee ɓee’g ləi ndá d’a gər to gə́ neḛ n’to Njesigənea̰ loo gə́ n’a gaŋg rəw-taje lə neḛ dɔi’g ləm, loo gə́ n’a riba dɔ meenda lə neḛ mee ɓee’g neelé ləm tɔ.

Ejekel 28:25

Mbaidɔmbaije gə́ Njesigənea̰ pa togə́bè pana: Loo gə́ n’a kḭ gə gel-bɔje lə Israɛl mbuna koso-dəwje gə́ neḛ n’sané dee keneŋ lé mbo̰ dee dɔ na̰’d ndá n’a riba dɔ meenda lə neḛ kar ginkoji dəwje gə raŋg d’oo, tɔɓəi d’a si mee ɓee’g lə dee gə́ neḛ n’ar kura lə neḛ Jakob lé.

Ejekel 36:23

Ri neḛ gə́ ur dɔ loo gə́ d’ila ndɔl dɔ’g mbuna ginkoji dəwje gə raŋg’g ləm, ri neḛ gə́ seḭ kara ilaje ndɔl dɔ’g mbuna dee’g ləm tɔ lé n’a gə kunda gə kəmee. Bèe ɓa ginkoji dəwje gə raŋg d’a gər ne to gə́ neḛ n’to Njesigənea̰ loo gə́ seḭ ɓa a kundaje neḛ gə kəmee no̰ dee’g, Mbaidɔmbaije gə́ Njesigənea̰ ɓa pa bèe.

Ejekel 38:16

I a kɔr rɔ kaw rɔ gə koso-dəwje lə neḛ gə́ Israɛl asəna gə mum gə́ a gə dəb dɔ ɓee’g bèe. Ǝi Gɔg, mee ndəaje gə́ gogo lé n’a kari aw rɔ gə ɓee lə neḛ gə mba kar ginkoji dəwje gə raŋg gər ne neḛ loo gə́ i a kar neḛ n’to gə kəmee kəm dee’g raga lé!

Ejekel 38:23

N’a riba dɔ boo lə neḛ gə meenda lə neḛ gə́ raga ləm, n’a kar dee gər neḛ kəm ginkoji dəwje gə raŋg’d gə́ bula digi-digi lé ləm tɔ. Bèe ɓa deḛ d’a gər ne to gə́ neḛ n’to Njesigənea̰ ya.

Ləbije 10:3

Moyis ula Aaro̰ pana: Yee ɓa to ta gə́ Njesigənea̰ pa gə ndia njaŋg loo gə́ yeḛ pa ne pana: Ma lé deḛ gə́ rəm pər gə́ rɔm’g lé d’a kundam gə kəmee ɓəd ləm, d’a kula rɔnduba dɔm’g kəm dəwje’g lai ləm tɔ. Aaro̰ ila təa maree’g ndag.

Bula lə Israɛlje 20:13

Yee ɓa to mán gə́ Meriba, loo gə́ Israɛlje d’oma̰ gə Njesigənea̰ nɛ yeḛ riba dɔ meenda londoŋ ləa mbuna dee’g lé.

Njé gə́ Rɔmə 2:5

Dɔkədərə ləi gə meendər dɔ kaiya’g ləi yee ɓa ar Ala turu ne oŋg ləa mée’g saar ndɔ kinja gin oŋg lé gə́ Ala a gaŋg ne ta dɔi’g gə goo rəbee.

1 Piɛrə 1:16

mbata deḛ ndaŋg ta mee maktub’g pana: Seḭ a toje gə kəmee doi mbata ma m’to gə kəmee doi ya.

1 Piɛrə 2:15

Raje maji ɓa gə mba kudu ne ta gə́ sin lə mbəje, yee ɓa mee Ala ndigi togə́bè ya.

1 Piɛrə 3:15

Nɛ waje Kristi dɔɓəŋgərə sí’g gə kəmee, éeje ne gə́ Mbaidɔmbaije tɔ. Waje dɔ gɔl rɔ sí mba kar nana ɓa gə́ a dəji sí ta dɔ né gə́ seḭ undaje meḛ sí yel dɔ’g ndá seḭ a kila deeje keneŋ gə kəmkàree ləm, gə ndu gwɔs sí gə́ kul yururu ləm tɔ.

Loo gə́ killa rea kəm Ja̰’g 3:7

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Piladelpi pana: Aa oo, Njemeenda gə́ to Njekankəmta gə́ nékɔr takəi lə Dabid to jia’g ləm, yeḛ gə́ ɔr tarəw ndá dəw kára kara a kudu el ləm, yeḛ udu tarəw ndá dəw kára kara a kɔr el ləm tɔ lé yeḛ nja pa togə́bè pana:

Loo gə́ killa rea kəm Ja̰’g 4:8

Nékundaje gə́ d’aw kəmba sɔ lé deḛ kára-kára lai lé bag dee misa̰-misa̰ ləm, kəm dee taa rɔ dee gə meḛ dee pəl-pəl ləm tɔ. Deḛ pata nee dan kàrá gə loondul’g ɓó d’əw rɔ dee el pana: Mbaidɔmbaije Ala gə́ Njedumnéje lai, Njerɔkunda, Njerɔkunda, Njerɔkunda, yeḛ gə́ si dɔtar lé yeḛ si gən, yeḛ si ree tɔ.