Esai 5:15 - Maktub gə́ To gə Kəmee

¹⁵ Dəwje gə́ kari d’a kula dɔ dee ləm, Njé gə́ boo-boo d’a koso kul ləma, Njékəstarje d’a kula dɔ dee ləm tɔ.

Esai 5:15 ပူးပေါင်းရင်းမြစ်များ

2 Samel 22:28

I lé aji dəwje gə́ d’oso kul, Deḛ gə́ d’unda dɔ dee tar lé I aa dee gərərə ar dee d’ula dɔ dee naŋg.

Pakɔsje 131:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. Njesigənea̰, ma lé m’ti rɔm el ləm, Esé m’aa loo gə kəm beelé el ləm tɔ, Néje gə́ boi-boi əsé néje gə́ d’al dɔm sula lé kara M’jɔg rɔm gə mba dee el tɔ.

Pakɔsje 62:9

Seḭ koso-dəwje lé kàr gə́ rara kara Maji kar sí ɔmje meḛ sí dəa’g, Tegje ginta gə́ to meḛ sí’g areeje! Mbata Ala to njo̰loo-kula-dɔ lə sí ya.

Teḛ-Raga 9:17

Ɓó lé i ḭ gə dəwje lə neḛ gɔl kára ɓəi ləm, əsé ɓó lé i ya̰ dee ar dee d’aw el ləm tɔ ndá,

Gosota-Kəmkàrje 30:13

Ginkoji dəwje gə́ na̰je d’isi gən Gə́ to njébeeleje ləm, Né wa kəm dee el ləm tɔ.

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Esai 10:33

Aa ooje, Mbaidɔmbaije gə́ to Njesigənea̰ gə́ njeboo-néje lé Riba barkəm kagje gə siŋgamoŋgee: Njé gə́ boo d’ur dɔ mar deeje lé Yeḛ gaŋg dee ləm, Njé gə́ ŋgal d’unda mar deeje lé kara Yeḛ guru dee rug-rug ləm tɔ.

Esai 13:11

N’a kar bo̰ néra majel lə njé gə́ naŋg nee ɔs ta dee’g ləm, N’a kar bo̰ néra yèr lə njémeeyèrje ɔs ta dee’g ləm tɔ, N’a kar ti rɔ lə njébeeleje godo ləm, Dəwje gə́ to njékṵda rɔ dee gə́ dəwje gə́ boi lé N’a tuji ta beeléje lə dee ləm tɔ.

Esai 2:11

Dəw gə́ njekəsta lé d’a karee ula dəa ləm, Njebeelé kara d’a karee oso kul ləm tɔ, Mee ndəa’g neelé dɔ Njesigənea̰ ya kára ba a to tar.

Esai 2:12

Mbata ndɔ lə Njesigənea̰ lə bao-rɔje to keneŋ Gə mba karee gaŋg ne ta dɔ dəw gə́ rara’g Gə́ to njebeelé gə njeti rəa ləm, Mba karee gaŋg ne ta dɔ dəw gə́ rara’d Gə́ unda dəa tar lé karee ula dəa ləm tɔ,

Esai 2:17

Dəw gə́ njebeelé lé d’a karee oso kul ləm, Yeḛ gə́ njeti rəa kara d’a karee ula dəa ləm tɔ. Mee ndəa’g neelé dɔ Njesigənea̰ ya kára ba a to tar.

Esai 2:9

Gelee gə́ nee ɓa dəwje gə́ kari ba d’a kula dɔ dee ləm, Njé gə́ boo-boo d’a koso kul ləm tɔ, I a kar məəi oso lemsé dɔ dee’g nda̰ el.

Esai 37:23

See na̰ ɓa i tajee ila ne ndɔl dəa’g wa. See na̰ ɓa i ndɔḭ ndui dəa’g ləm, I teḛ kəmi bəsəsə dəa’g ləm wa. Dɔm ma gə́ m’to Njerɔkunda lə Israɛlje lé ya wa.

Esai 37:29

Mbata məəi ḭ səi jugugu dɔ neḛ’g ya Ar ta beelé ləi aw njal oso mbi neḛ’g tɔ. Ndá n’a kula niŋga lə neḛ əmi’g ləm, Gə kéŋgəlé lə neḛ tai’g ləm tɔ, Tɔɓəi n’a kari tel gə rəw gə́ i ḭ keneŋ ree lé ya.

Jeremi 5:9

Njesigənea̰ pana: Néraje gə́ togə́bè lé See m’a kar bo̰ néra dee Ɔs ne ta dee’g gə mbəa el wa. See ginkoji dəwje gə́ togə́bè lé M’a dal sə dee ba̰ el wa.

Soponi 3:11

Mee ndəa’g neelé seḭ a raje kəmkul dɔ néje lai gə́ seḭ raje Loo gə́ seḭ raje kaiya ɔsje ne ta lə neḛ rəw lé el, Mbata n’a tɔr njékun baŋga kunda ne dɔ dee tarje lé mbuna sí’g ləm, Seḭ a tije rɔ sí dɔ mbal’g lə neḛ gə́ to gə kəmee lé el ŋga ləm tɔ.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.